bundelakhand ka vaibhav

bundelakhand vindhyaachal ki upavyakaaon ka pradesh hai. is giri ki anek ooainchi neechi shaakhaaain - prashaakhaaain hain. iske dakshin bhaag mein mekal, poorv mein kaimor, uttar-poorv mein keinjuaa, madhya mein saarang aur panna tatha pashchim mein bheemator aur peer jaisi giri shikhaaain hain. yeh khand lahariyaaain leti hui taal-talaiyon, ghahar-ghahar kar bahne vaale naale aur chaude paat ke saath ujjaval ret par athva durgam giri-maalaaon ko cheer kar bhairav ninaad karte hue bahne waali nadiyon ka khand hai. sindh (kaali sindh), betava, dhasaan, ken tatha narmada is bhaag ki mukhya nadiyaaain hain. inmein pratham chaar nadiyon ka pravaah uttar ki or aur narmada ka pravaah poorv mein pashchim ki or hai. pratham chaar nadiyaaain yamuna mein mil jaati hain. narmada pashchim saagar (arab saagar) se milti hain. is kshetr mein prakruti ne vistaar lekar apna saundarya chhitkaaya hai.

bundelakhand loha, sona, chaaaindi, sheesha, heera, panna aadi se samruddh hai. iske alaava yahaaain choona ka patthar bhi prachur maatra mein paaya jaata hai. vindhaya parvat par pai jaane waali chattaanon ke naam uske aaspaas ke sthaan ke naamon se prasiddh hai jaise - maander ka choona ka patthar, gannaur gadh ki cheepein, reeva aur panna ke choone ka patthar, vijyagadh ki cheepein ityaadi. jabalapur ke aaspaas paaya jaane wala gora patthar bhi kaafi prasiddh hai.

is praant ki bhoomi bhojan ki fasalon ke atirikt fal, tambaakoo aur papeete ki kheti ke liye achhi samajhi jaati hai. yahaaain ke vanon mein sarai, saagon, mahuaa, chaar, hari, bahera, aaainvala, ghatahar, khair, dhubain, mahalaun, paakar, babool, karaunda, semar aadi ke vruksh adhik hote hain.

bundelakhand mein graamon ki sankhya adhik hai. unke naam vrukshon, jalaashayon, pashuon, pakshiyon, ghaas-paat athva sthaan vishesh ke nikat hone waali koi dhvani vishesh ke aadhaar par rakhe gaye prateet hote hain. chooainki is bhaag mein vrukshon ki adhikta hai aur jalaashaya bhi anek hain, at: adhikaansh naam inheen se hi sambandh rakhate hain. vrukshon mein visheshakar peepal, aam, jaamun, oomar, imali, bail, ber, mahuaa, chaar aur haradoo par bahut se naam hain. keval jabalapur jismein praaya: 50 gaaainv pipriya, piprahata naam ke hain. isi prakaar anek jamuniyaan, umeriya, imalai athva isaniya hain.

ibari, kuaa, saagar, jheeriya aadi naam jalaashayon par aadhaarit hain. jalaashaya soochak naamon se saath kaheen-kaheen vrukshon ke naam sanyukti hokar gram naam ban gaye hain. jaise semarataal, aamaanaro.

pashuon ke naam se bhi kai gaaainv ke naam pade hain jaise reechh se reechhai ya reechhaai, hirn se hirnapuri. vrukshon se naam sthaan par kai gaaainvon ke naamak pashuon aur jalaashayon ke naam ko bhi mila kar bane hain jaise - baaghadabari, haatheesara, gidhauta, magaramuha, jheenguri. upayukt gram-naam-parichay se gyaat hota hai ki graamon ke bade vichitr naam rakhe gaye hain jo kabhi kabhi haasyapad bhi lagta hai. paas-paas base hue gaaainvon ke beech ki doori naak-kaan ke beech ki doori arthaat thodi hi bataate hue kisi lok kavi ne kaha hai -

dhar-masaki aur dharamapura, lolakachaiya, vijyapura. lakhaapateri utani door, naak-kaan hai jitni door..

bundelakhand ke beete vaibhav ki jhalak hamein aaj yahaaain sthit paashaan shilp aur sthaapatya se hoti hai. yahaaain praagaitihaasik kaal ke aadivaasiyon dvaara pooji jaane waali moortiyaaain bundelakhand praapt hui hain. kala ki drushti se inka moolya adhik naheen hai, kintu moortikla ke aadi rup ka adhyayan karne ke liye in moortiyon ka bahut mahatva hai. bundelakhand ke vibhinn sthaanon mein surkh rang ki chitrakaari bhi milti hai. usaka rang itna pakka hai ki ab tak kharaab naheen hua hai. inmein manushyon aur ghodon ke chitr hain. itihaasajnya iska kaal poorv aitihaasik nishchit karte hain. karabi tahaseel ke kalyaanapur gram mein maanikpur ke nikat saarahat ke jungle aur kathauta mein shaahagadh aur devara ke nikat (bijaavar) pipriyaan mein fatahapur (hata-damoh) mein aisi laal rang ki chitrakaari bahut hai. devara ke nikat shila-bhittiyon par gairik rang ke bane hue chitr maanav prakruti ki aadim anubhootiyon ke saakshi hain. in chitron mein pashuon ka pradarshan kiya gaya hai. nikat hi aakhetik avastha mein maanav-chitr bhi hain. naagaudh, jabalapur aur mahauba aadi kuchh sthaanon mein bauddh yug ki moortikla kaheen kaheen milti hai. shilaalekh bhi praapt hue hain. samraat ashok ne is praant par bhi apna adhikaar sthaapit kiya tha aur dharm prachaar hetu shilaalekhon par dharm prashastiyaaain uttakeern karaain thi. truteeya shataabdi se teharaveen shataabdi tak is praant mein us sthaapatya kala ka srujan hua jo kaling aur khajuraahon ki kruttiyon mein jeevant rup mein aaj bhi vartamaan hain. kaling ki kala chandeli kaal ki hai. khajuraaho ki usase bhi pehle ki hai, kyonki cheeni yaatri hvenasaang ne bhi khajuraaho mein mandir ka hona likha hai. kadaachit chandelon ne un puraatan mandiron ka jeernoddhaar kara kar prashastiyaan ankit ki hongi. khajuraaho ka vishaal mandir, devagadh ki vishnumoorti, datiya ka puraana mahal, panna ka bruhaspati kund, jataara ka madanasaagar aadi vaastukala ke savaal pramaan hai. ajayagadh, baruaa saagar, taalabehat, karaira aadi mein bhi kala ki prachurata hai.

khajuraaho

khajuraaho mein bees mandiron ke samooh kaviklpana ko maano moortimti karke pruthvi par utaar laaya hai. shilpi ka svapn maano saakaar ho gaya hai. apne vishaal mandapon, antaraalon, aamalak shikhar anushikhr aur stoopika se sajjit ooainchi meenaaron aur apni asankhya anupam shilaakrutiyon se vibhooshit yeh mandir samooh aaj anagin ko apne darshan ka aamantran dene laga hai. mandir ke baahar aur bheetar donon or ki deevaaron devataaon, apsaraaon, sandariyon, vidyaadharon, yugal-mithunon, gaj aur shaardoolon ki sundar kala-krutiyon se sajaai gayi hain. khajuraahon ke shilpi anupam krutitv hain, usaki naari pratimaaen itni sundar hain, unhein dekh kar aisa lagta hai maano jad mein chetan apne sampoorn vaibhav ke saath jaag utha ho. itna sammohan hai ki paashaan mein jeevan sapandan ka bhram hone lagta hai. khajuraaho ke shilpiyon ne naari ke jeevan aur bhaav ke pratyek rup ka ankan kiya hai. kabi shaalamanjik ke rup mein to kabhi apne premi ke saath kaam-kreeda tatha bhogavilaas karte, sakhiyon ke saath haas, parihaas aur vaartaalaap karte, bachchon ko stanapaan karaate, shrrungaar karte, sote, uthate-baithate, pratyek sthiti mein tanmaya aur bhaav-vibhor hokar. vishaal ardh nimilit netr, unnat uroj, bhaari nitmb, anek tedhi-medhi bhangimaaon, bhare adharon par tairati taral hainsi athva muskuraahat mein prem ka maun nimantran naari-moorti-shilp ki visheshata hai. naagaudh ke nikat mumara gram ka Shiv mandir tatha nachana gram (ajayagadh) ke sameep chaumukhanaath ka mandir donon apne dhang ke hain. itihaasakaaron ka mat hai ki inhein naagavansheeya shaiv shaasakon ne banavaaya tha. nachana ka shivaalaya naagakaaleen sthaapatya ka adbhut udaaharan hai. usame Shiv-paarvati ko shikharon par Kailash parvat par ka drushya ankit kiya gaya hai. kuchh log mumara aur nachana ke mandiron ki ganana guptakaaleen sthaapatya kala mein kiya karte hain. in mandiron ke darvaajon par vichitr kalaayukt toran utkeern hain. jabalapur jile mein tigvaan gram mein guptakaaleen sundar vishnu mandir hain. saagar jile mein anek sthaanon par bhi aisi kala ka kshetr hai. beena ke aas paas to iske bhandaar hain, vishesh kar Aaron gram ke nikat hoon raajya kaal mein bundelakhand ki rajdhani thi.

jabalapur

jabalapur ke paas lagbhag aath meal pashchim ki or tevar (tripuri) naamak gram hai. iske aas-paas devaalayon aur khandaharon ke avashisht paaye jaate hain, jinmein ukt sthaan ke beete vaibhav ki jhalak milti hai. yahaan anek moortiyaaain pai jaati hain, jinmein vajrapaani, Bhagwan buddh aur jain teetharnkar hi vishesh hain. tevar ki praacheenata hamein isa ki pehli shataabdi mein le jaati hai. tevar jise tripuri kehte hain kalachuriyon ka praadhaanya raha hai. kintu kuchh moortiyon tatha ek praacheen baavali ko chhod kar anya koi bhaagnaavashesh naheen bacha hai. tripuri se thodi door karnabel mein kuchh praacheen bhaagnaavasheth hai. tripri hi chedi ki rajdhani thi. jabalapur ke paas hi gadha gram puraatan "gadha mandalaraajya' ke avasheshon se poorn hai. gadha-mandala gaudon ka raajya tha gaud raaja kalachuriyon ke baad hue hain. jabalapur ke paas ki kalachuri vaastukala ka vistrut varnan alekjendar kaninhaam ne apni report (jild 7) mein kiya hai. prasiddh anveshak raakhaaladaas bainarji ne bi is vishay par ek atyant gaveshnaapoorn granth likha hai. bhedghaat aur nandachand aadi gaaainvo mein bhi anek kalaapoorn smaarak hain. bhedaaghaat mein prasidd "chaunsath yogini' ka mandir. iska aakaar gol haichh. isame 81 moortiyon ke rakhane ke liye khand bane hain. yeh 10veen shataabdi mein bana hai. mandir ke bheetar beech mein alhan mandir hai. in sabhi sthaanon mein mandiron aur moortiyon mein jis prakaar ki kala pai jaati hai, usase spasht hota hai ki bundelakhand vaastav mein kala-bhoomi raha hai. moortiyon ki mukhamudra, shareer ki banaavat, vaksh pradesh, kati, aainguliyaaain tata naasika aadi ki banaavat se uchchakoti ki kala ka parichay milta hai. anek sthaanon mein praapt moortiyon mein to itni dakshata pai jaati hai ki shilpkaar ke chhaini-hathaude ki sampoorn shakti usamein chuk gayi hoti hai. shareer par ke rom tak darshaaye ja sake hain. itna hi naheen paaradarshak vasr bhi darshaaye ja sake hain.