buddhacharit

buddhacharitm, sanskrut ka mahaakaavya hai. iske rachayita ashvaghosh hain. ismein Gautam buddh ka jeevanacharit varnit hai. iski rachanaakaal doosari shataabdi hai.

san 420 mein dharmaraksha ne iska cheeni bhaasha mein anuvaad kiya tatha 7veen evam 8veen shati mein iska atyant shuddh tibbati anuvaad kiya gaya. durbhaagyavash yeh mahaakaavya mool roop mein apoorn hi upalabdh hai. 28 sargon mein virchit is mahaakaavya ke dviteeya se lekar trayodash sarg tak tatha pratham evam chaturdash sarg ke kuchh ansh hi milte hain. is mahaakaavya ke shesh sarg sanskrut mein upalabdh naheen hai. is mahaakaavya ke poore 28 sargon ka cheeni tatha tibbati anuvaad avashya upalabdh hai.

anukram

parichay

buddhacharit ke 28 sargo mein bhagavatprasooti, sanvegotpatti, abhinishkraman, tapovan pravesh, ant:pur vilaap, kumaaraanveshanam, shrenabhigmanam, buddhatvapraapti, mahaashishyaana pravrajya pramukh hain.

is mahaakaavya ka aarambh buddh ke garbhaadhaan se tatha iski parinti buddhatv-praapti mein hoti hai. yeh mahaakavya Bhagwan buddh ke sangharshamaya safal jeevan ka jvalant, ujjval tatha moort chitrapat hai. iska cheeni bhaasha mein anuvaad paanchaveen shataabdi ke praarambh mein dharmaraksh, dharmakshetr athva dharmaakshar naamak kisi bhaarateeya vidvaan ne hi kiya tha tatha tibbati anuvaad naveen shataabdi se poorvavarti naheen hai. iski katha ka roop-vinyaas vaalmeekikrut raamaayan se milta-julata hai.

buddhacharit 28 sargon mein tha jismein 14 sargon tak buddh ke janm se buddhatv-praapti tak ka varnan hai. yeh ansh ashvaghosh krut mool sanskrut sampoorn upalabdh hai. keval pratham sarg ke praarambh saat shlok aur chaturdash sarg ke battees se ek sau baarah tak (81 shlok) mool mein naheen milte hain. chaukhamba sanskrut series tatha chaukhamba vidyaabhavan ki prerana se un shlokon ki rachana shri raamachandradaas ne ki hai. unheen ki prerana se is ansh ka anuvaad bhi kiya gaya hai.

15 se 28 sargon ki mool sanskrut prati Bhaarat mein bahut dinon se anupalabdh hai. usaka anuvaad tibbati bhaasha mein mila tha. uske aadhaar par kisi cheeni vidvaan ne cheeni bhaasha mein anuvaad kiya tatha aaksaford vishvavidyaalaya se sanskrut adhyaapak daaktar jaunsatan ne use angreji mein likha. iska anuvaad shreesooryanaaraayan chaudhari ne hindi mein kiya hai, jisko shri raamachandradaas ne sanskrutapadyamaya kaavya mein parint kiya hai.

buddhacharit ke sarg

buddhacharitm mool roop mein apoorn hi upalabdh hai. 28 sargon mein virchit is mahaakaavya ke doosare sarg se lekar terahavein sarg tak poorn roop se tatha pehla evam chaudahavaaain sarg ke kuchh ansh hi milte hain. is mahaakaavya ke shesh sarg sanskrut mein upalabdh naheen hai. pratham terah sargon ke naam is prakaar hain-[1]

  1. bhagavatprasooti,
  2. ant:puravihaar
  3. sanvegotpatti:
  4. streevighaatan
  5. abhinishkraman
  6. handakanivrtanam
  7. tapovanapravesham
  8. ant:puravilaap
  9. kumaaraanveshanam
  10. shrenabhigmanam
  11. kaamavigrhanam
  12. aaraadadarshan
  13. maaravijya

sandarbh

baahari kadiyaaain