bruj Narayan chakabast

brajanaaraayan chakabast (1882–1926) urdoo kavi the.

ve prasiddh tatha sammaanit Kashmiri parivaar ke the. yadyapi inke poorvaj Lucknow ke nivaasi the tathaapi inka janm faijaabaad mein san‌ 1882 E. mein hua tha. inke pita pan॰ udit Narayan ji inki alpaavastha hi mein gat ho gaye. inki maata tatha bade bhaai mahaaraajanaaraayan ne inhein achhi shiksha dilaai, jisse ye san‌ 1907 E. mein vakaalat pareeksha mein utteern hokar safal vakeel hue. ye samaajasudhaarak the aur sevaakaaryo mein sada sannaddh raha karte the. urdoo kavita bhi karne lage the aur sheegra hi ismein aisi yogyata praapt kar li ki urdoo ke kaviyon ki pratham pankti mein inhein sthaan mil gaya. ek mukadame se raayabareli se lautate samay 12 fravari san‌ 1926 E. ko station par hi faalij ka aisa aakraman hua ki kuchh hi ghanton mein inki mrutyu ho gayi. inki mrutyu se urdoo bhaasha tatha kavita ko vishesh kshati pahuainchi.

chakabast Lucknow ke vyavahaar aadi ke achhe aadarsh the. inke svabhaav mein aisi vinmrata, milnasaari, sajjanata tatha suvyavahaarasheelata thi ki ye sarvajan priya ho gaye the. dhaarmik kattarata inmein naam ko bhi naheen thi. inhonne poorvavarti kaviyon ki urdoo kavitaaeain bahut padhi thi aur inapar anees, aatish tatha gaalib ka prabhaav achha pada tha. urdoo mein praaya: kavign gajalon se hi kavita karna aarambh karte hain parantu inhonne najm dvaara aapani kavita aarambh ki aur fir gajle bhi aisi likheen jo urdoo kaavyakshetr mein apna jod naheen rakhati. inki kavita mein bauddhik kaushal adhik hai arthaat‌ keval sunakar aanand lene yogya naheen hai pratyut‌ padhkar manan karne yogya hai. inhonne apne samay ke netaaon ke jo marsiye likhe hain unhein padhne se paathakon ke hrudaya mein deshbhakti jaagrat hoti hai. drushyavarnan bhi inka uchch koti ka hua hai aur iske liye bhaasha bhi saaf suthari rakhi hai. inki varnanashaili mein Lucknow ki rangeeni tatha Delhi ki saadagi aur prabhaavotpaadakata ka sundar mel hai. upadesh tatha gyaan ki baatein bhi aise achhe dhang se kaheen gayi hain ki sunanevaale oobate naheen. padya ke siva gadya bhi inhonne bahut likha hai, jo 'mujaameene chakabast' mein sangruheet hain. inmein aalochanaatmak tatha raashtronnati sambandhi lekh hain jo dhyaanapoorvak padhne yogya hai. gambhir, vidvattaapoorn‌ tatha vishisht gadya likhne ka inhonne naya maarg nikaala aur desh ki bhinn bhinn jaatiyon mein tatha vyavahaar ka sambandh drudh kiya. 'subahe vatan' mein inki kavitaaon ka sangrah hai. inhonne 'kamala' naamak ek naatak likha hai.

inhein bhi dekhein

baahari kadiyaaain