braj bhaasha saahitya

anukram

vyaapak shaili kshetr

bhaasha aur shaili ki drushti se shauraseni ya pashchimi apabhransh ka ek vyaapak kshetr tha. brajabhaasha ko ek prakaar se isi vyaapak kshetr ki seemaaeain viraasat mein mili theen. brajabhaasha ka shaili- rup bhaasha- kshetr se kaheen adhik vistrut seemaaon ka sparsh karta hai.

braj aur brajabhaasha

kuchh lekhakon ne brajabhaasha naam se uske kshetr- vistaar ka kathan kiya hai. "vansh bhaaskar' ke rachayita soorajamal ne brajabhaasha pradesh Delhi aur gvaaliyr ke beech maana hai. "tuhafatul hind' ke rachayita mirja khaaain ne brajabhaasha ke kshetr ka ullekh is prakaar kiya hai "bhaasha' braj tatha uske paas- pados mein boli jaati hai. gvaaliyr tatha chandavaar bhi usamein sammilit hain. ganga- yamuna ka doaab bhi brajabhaasha ka kshetr hai.

lalloojeelaal ke anusaar brajabhaasha ka kshetr "brajabhaasha vah bhaasha hai, jo braj, jila gvaaliyr, bharatapur bateshvar, bhadaavar, antarved tatha bundelakhand mein boli jaati hai. ismein (braj) shabd Mathura kshetr ka vaachak hai.' lalloojeelaal ne yeh bhi likha hai ki braj aur gvaaliyr ki brajabhaasha shuddh evam parinishthit hai.

griyrsan ne brajabhaasha- seemaaeain is prakaar likhi hain. "Mathura kendra hai. dakshin mein aagare tak, bharatapur, dhaulapur aur karauli tak brajabhaasha boli jaati hai. gvaaliyr ke pashchimi bhaagon tatha Jaipur ke poorvi bhaag tak bhi yahi prachalit hai. uttar mein iski seema gudgaaainv ke poorvi bhaag tak pahuainchati hai. uttar- poorv mein iski seemaaeain doaab tak hain. bulandashahar, Aligadh, eta tatha gangaapaar ke badaaainyoo, bareli tatha naineetaal ke taraai paragane bhi isi kshetr mein hai. madhyavarti doaab ki bhaasha ko antarvedi naam diya gaya hai. antarvedi kshetr mein Agra, eta, mainapuri, farrukhabad tatha itaava jile aate hain, kintu itaava aur farrukhabad ki bhaasha inke anusaar kannauji hain, shesh samast bhaag brajabhaashi hai.'

kelaag ne likha hai ki rajputana ki boliyon ke uttar- poorv, poore upper doaab tatha ganga- yamuna ki ghaatiyon mein brajabhaasha boli jaati hai.

dau॰ dheereindr varma ne griyrsan dvaara nirdisht kannauji kshetr ko braji ke kshetr se alag naheen maana hai. apne sarvekshan ke aadhaar par unhonne Kanpur tak, brajabhaashi kshetr hi kaha hai. unke anusaar uttar pradesh ke Mathura, Aligadh, Agra, bulandashahar, eta, mainapuri, badaayoon tatha bareli ke jile -- Punjab aur gudgaaainv jile ka poorvi bhaag -- Rajasthan mein bharatapur, dhaulapur, karauli tatha Jaipur ka poorvi bhaag -- madhyabhaarat mein gvaaliyr ka pashchimi bhaag braji ke kshetr mein aate hain. chooainki griyrsan saahab ka yeh mat lekhak ko maanya naheen ki kannauji svatantr boli hai, isliye uttar pradesh ke peeleebheet, shaahajahaaainpur, farrukhabad, haradoi, itaava aur Kanpur ke jile bhi brajabhaasha kshetr mein sammilit kar liye hain. is prakaar boli jaane waali brajabhaasha ka kshetr atyant vistrut thaharata hai. ek prakaar se praacheen madhyadesh ka adhikaansh bhaag ismein sammilit ho jaata hai.

braj shaili kshetr

brajabhaasha kaavyabhaasha ke rup mein pratishthit ho gayi. kai shataabdiyon tak ismein kaavya- rachana hoti rahi. saamaanya brajabhaasha- kshetr ki seemaaon ka ullanghan karke brajabhaasha- shaili ka ek vruhattar kshetr bana. is baat ka anumaan reetikaal ke kavi aachaarya bhikhaareedaasaji ne kiya. unhonne spasht kaha ki brajabhaasha ka parichay braj se baahar rahane vaale kaviyon se bhi mil sakta hai. yeh naheen samajhna chaahiye ki brajabhaasha madhur- sundar hai. iske saath sanskrut aur faarasi hi naheen, anya bhaashaaon ka bhi put rahata hai. fir bhi brajabhaasha shaili ka vaishishtya prakat rahata hai. isse yeh bhi siddh hota hai ki brajabhaasha shaili anek bhaashaaon se samanvit thi. vaastav mein 16 veen shati ke madhya tak brajabhaasha ki mishrit shaili saare madhyadesh ki kaavya- bhaasha ban gayi thi.

brajabhaasha shaili ke kshetr

vistaar mein bhakti aandolan ka bhi haath raha. Krishna- bhakti ki rachanaaon mein ek prakaar se yeh shaili rudh ho gayi thi. pan॰ vishvanaath prasaad mishr ne anek pradeshon ke braj bhaasha bhakt- kaviyon ki bhaugolik sthiti is prakaar prakat ki hai -- "braj ki vanshi- dhvani ke saath apne padon ki anupam jhankaar milaakar naachane waali meera Rajasthan ki theen, naamadev Maharashtra ke the, narasi Gujarat ke the, bhaarateindu harishchandr Bhojpuri bhaasha kshetr ke the. ...Bihar mein Bhojpuri, magahi aur maithili bhaasha kshetron mein bhi brajabhaasha ke kai pratibhaashaali kavi hue hain. poorv mein Bengal ke kaviyon ne bhi brajabhaasha mein kavita likhi.'

pashchim mein Rajasthan to brajabhaasha shailiyon ka prayog prachur maatra mein karta hi raha 1 aur bhi pashchim mein Gujarat aur kachh tak brajabhaasha shaili samaadrut thi. kachh ke mahaaraav lakhapat bade vidyaapremi the. brajabhaasha ke prachaar aur prashikshan ke liye inhonne ek vidyaalaya bhi khola tha.

is prakaar madhyakaal mein brajabhaasha ka prasaar braj evam uske aaspaas ke pradeshon mein hi naheen, poorvavarti pradeshon mein bhi raha. Bengal, Maharashtra, Gujarat, kaathiyaavaad evam kachh aadi mein bhi brajabhaasha ki rachanaaeain hui.

brajabhaasha shaili ke kshetr vistaar ki do sthitiyaaain raheen. pratham sthiti bhaasha vaigyaanik itihaas ke kram se utpann hui. jab pashchimi ya madhyadesheeya bhaasha anek kaaranon se apni bhaugolik seemaaon ka ullanghan karne lagi, tab sthaaneeya rupon se samanvit hokar, vah ek vishishth bhaasha shaili ka rup grahan karne lagi. jin kshetron mein yeh kathya bhaasha na hokar keval saahitya mein prayukt krutrim, mishrit aur vishisht rup mein dhl gayi aur vishisht avsaron, sandarbhon ya kaavya rupon mein rudh ho gayi, un kshetron ko shaili kshetr maana jaaega. shaili- kshetr poorvayugeen bhaasha- vistaar ya shaili- vistaar ke sahaare badhta hai. pashchimi ya madhyadeshi apabhransh ke uttarakaaleen rupon ki vistruti isi prakaar hui.

inhein bhi dekhein: braj shaileegat kshetr vistaar ki pratham sthiti

doosari sthiti tab upasthit hui jab poorv- parampara ki bhaasha- shaili ki kshetreeya vistruti to prushthabhoomi bani aur shaileegat kshetr- vistaar ke aitihaasik (bhakti- aandolan) aur vastugat (krushnavaarta) kaaran bhi upasthit ho gaye.

inhein bhi dekhein: braj shaileegat kshetr vistaar ki dviteeya sthiti

saaaincha:brajabhaasha