braj

sheth lakshmeechand mandir ka dwaar (1860 ke dashak ka photo)

braj shabd sanskrut dhaatu 'braj' se bana hai, jiska arth gatisheelata se hai. jahaan gaaya charati hain aur vichran karti hain vah sthaan bhi braj kaha gaya hai. amarakosh ke lekhak ne braj ke teen arth prastut kiye hain- goshth (gaayon ka baada) maarg aur vrund (jhund) 1 sanskrut ke vruj shabd se hi hindi ka braj shabd bana hai.

vaidik sanhitaaon tatha raamaayan, mahaabhaarat aadi sanskrut ke praacheen dharmagranthon mein braj shabd goshaala, go-sthaan, gochar bhoomi ke arthon mein bhi prayukt hua hai. riagaved mein yeh shabd goshaala athva gaayon ke khirk ke rup mein varnit hai. 2 yajurved mein gaayon ke charane ke sthaan ko braj aur goshaala ko goshth kaha gaya hai. 3 shuklayajurved mein sundar seengon waali gaayon ke vichran sthaan se braj ka sanket milta hai. 4 atharvaved mein goshalaaon se sambadhit poora sookt hi prastut hai. 5 harivansh tatha bhaagavatapuraanon mein yeh shabd gop bast ke rup mein prayukt hua hai. 6 skandapuraan mein maharshi shaanndilya ne braj shabd ka arth vthaapit vatalaate hue ise vyaapak bramh ka rup kaha hai. 7 at yeh shabd braj ki aadhyaatmikta se sambadhit hai.

vedon se lekar puraanon tak mein braj ka sambadh gaayon se varnit kiya gaya hai. chaahe vah gaayon ko baandhane ka baada ho, chaahe goshaala ho, chaahe gochar bhoomi ho aur chaahe gop-basti ho. bhaagavatakaar ki drushti mein goshth, gokul aur braj samaanaarthak hain. Bhagwat ke aadhaar par sooradaas ki rachanaaon me bhi braj isi arth mein prayukt hua hai.

Mathura aur usaka niktavarti bhoo-bhaag praacheen kaal se hi apne saghan vanon, vistrut chaaraagaahon, goshthon aur sundar gaayon ke liye prasiddh raha hai. Bhagwan shreekrushn ka janm yadyapi Mathura nagar mein hua tha, tathaapi raajanaitik kaaranon se unhein janm lete hi yamuna paar ki gop-vasti mein bhej diya gaya tha, unki vaalyaavastha ek bade gopaalak ke ghar mein gop, gopi aur go-vrund ke saath beeti thi. us kaal mein unke paalak nandaadi gop gan apni suraksha aur gochar-bhoomi ki suvidha ke liye apne gokul ke saath Mathura niktavarti vistrut van-khandon mein ghooma karte the. shreekrushn ke kaaran un gop-gopiyon, gaayon aur gochar-bhoomiyon ka mahatva bad gaya tha.

pauraanik kaal se lekar vaishnav sampradaayon ke aavirbhaav kaal tak jaise-jaise krushnau-paasana ka vistaar hota gaya, vaise-vaise shreekrushn ke ukt parikron tatha unke leela sthalon ke gaurav ki bhi vruddhi hoti gayi. is kaal mein yahaan go-paalan ki prachurata thi, jiske kaaran vrajakhandon ki bhi prachurata ho gayi thi. isaliye shri Krishna ke janm sthaan Mathura aur unki leelaaon se samvadhit Mathura ke aas-paas ka samast pradesh hi braj athva brajamandal kaha jaane laga tha.

sooradaas tatha anya vrajabhaasha ke bhakt kaviyon aur vaartaakaaron ne Bhagwat puraan ke anukaran par Mathura ke niktavarti vanya pradesh ki gop-basti ko braj kaha hai aur use sarvatr 'Mathura', 'madhupuri' ya 'madhuvan' se prathak vatalaaya hai. 9 � aajkal Mathura nagar sahit vah bhoo-bhaag, jo shreekrushn ke janm aur unki vividh leelaaon se sambadhit hai, braj kahalaata hai. is prakaar braj vartamaan Mathura mandal aur praacheen shooraseinn pradesh ka upper naam aur usaka ek chhota rup hai. ismein Mathura, vrundaaban, govardhan, gokul, mahaaban, valadev, nandagaaainv, varasaana, deeg aur kaamaban aadi Bhagwan shreekrushn ke sabhi leela-sthal sammilit hain. ukt braj ki seema ko chauraasi kos maana gaya hai.

is prakaar braj shabd ka kaal-kramaanusaar arth vikaas hua hai. vedon aur raamaayan-mahaabhaarat ke kaal mein jahaaain iska prayog 'goshth'-'go-sthaan' jaise laghu sthal ke liye hota tha. vahaan pauraanik kaal mein 'gop-basti' jaise kuchh bade sthaan ke liye kiya jaane laga. us samay tak yeh shabd pradeshavaayi na hokar kshetravaayi hi tha.

Bhagwat me 'braj' kshetravaayi arth mein hi prayukt hua hai. 10 vahaan ise ek chhote gram ki sanjnyaa di gayi hai. usamein 'pur' se chhota 'gram' aur usase bhi chhoti basti ko 'braj' kaha gaya hai. 11 16veen shataabdi mein 'braj' pradeshavaayi hokar 'brajamandal' ho gaya aur tav usaka aakaar 84 kos ka maana jaane laga tha. 12 us samay Mathura nagar 'braj' mein sammilit naheen maana jaata tha. sooradaas tatha anya braj-bhaasha kaviyon ne 'braj' aur Mathura ka pruthak rup mein hi kathan kiya hai, jaise pahile ankit kiya ja chuka hai.

Krishna upaasak sampradaayon aur brajabhaasha kaviyon ke kaaran jab braj sanskruti aur brajabhaasha ka kshetr vistrut hua tab braj ka aakaar bhi suvistrut ho gaya tha. us samay Mathura nagar hi naheen, balki usase door-door ke bhoo-bhaag, jo braj sanskruti aur braj-bhaasha se prabhaavit the, vraj antargat maan liye gaye the. vartamaan

kaal mein Mathura nagar sahit Mathura jile ka adhikaansh bhaag tatha Rajasthan ke deeg aur kaamaban ka kuchh bhaag, jahaaain se brajayaatra gujarati hai, braj kaha jaata hai. braj sanskruti aur braj bhaasha ka kshetr aur bhi vistrut hai.

ukt samast bhoo-bhaag re praacheen naam, madhuban, shurasen, madhura, madhupuri, Mathura aur mathuraamandal the tatha aadhunik naam braj ya brajamandal hain. yadyapi inke arth-bodh aur aakaar-prakaar mein samay-samay par antar hota raha hai. is bhoo-bhaag ki dhaarmik, raajanaitik, aitihaasik aur sanskrutik parampara atyant gauravapoorn rahi hai.1

yeh bhi dekhein

baahari kadiyaaain