brahmasootr

brahamasootr, hinduon ke chh: darshanon mein se ek hai. iske rachayita baadaraayan hain. ise vedaant sootr, uttar-meemaansa sootr, shaareerik sootr aur bhikshu sootr aadi ke naam se bhi jaana jaata hai. is par anek bhaashya bhi likhe gaye hain.

vedaant ke teen mukhya stambh maane jaate hain - upanishd, bhagavadageeta evam brahmasootr. in teenon ko prasthaan trayi kaha jaata hai. ismein upanishdon ko shruti prasthaan, geeta ko smruti prasthaan aur brahmasootron ko nyaaya prasthaan kehte hain. brahm sootron ko nyaaya prasthaan kehne ka arth hai ki ye vedaant ko poornat: tarkapoorn dhang se prastut karta hai. (nyaaya = tark)

anukram

parichay

praacheen parampara ke anusaar vedaantasootr ke lekhak baadaraayan maane jaate hain. par in sootron mein hi baadaraayan ka naamollekh karke unke mat ka uddharan diya gaya hai at: kuchh log ise baadaraayan ki kruti na maankar kisi paravarti sangraahak ki kruti kehte hain. baadaraayan aur vyaas ki kabhi-kabhi ek maana jaata hai. jaimini ne apne poorvameemaansaasootr mein baadaraayan ka tatha baadaraayan ne vedaantasootron mein jaimini ka ullekh kiya hai. yadi baadaraayan aur vyaas ek hi hain to mahaabhaarat ki parampara ke anusaar jaimini vyaas ke shishya the. aur guru apni kruti mein shishya ke mat ka ullekh kare, yeh vichitr sa lagta hai.

in sootron mein saankhya, vaisheshik, jain aur bauddh maton ki aur sanket milta hai. geeta ki or bhi ishaara kiya gaya hai. in sootron mein bahut se aise aachaaryon aur unke mat ka ullekh hai jo shraut sootron mein bhi ullikhit hain. garudpuraan, padmapuraan aur manusmruti vedaant sootron ki charcha karte hain. haapakins ke anusaar harivansh ka rachanaakaal isa ki doosari shataabdi hai aur ismein spasht roop se vedaantasootr ka ullekh hai. keeth ke anusaar yeh rachana 200 E. ke baad ki naheen hogi. jaakobi ise 200 se 450 E. ke beech ka maanate hain. maiksamoolar ise bhagavadgeeta ke pehle ki rachana maanate hain kyonki usamein brahmasootr shabd aaya hai jo vedaantasootr ka paryaayavaachi hai. bhaarateeya vidvaan iska rachanaakaal E.poo. 500 se 200 ke beech maanate hain.

jis prakaar meemaansaasootr mein ved ke karmakaand bhaag ki vyakhya prastut ki gayi hai usi tarah chaar adhyaayon mein vibhaajit lagbhag 500 vedaantasootron mein vaidik vaaङamaya ke antim bhaag arthaat upanishdon ki vyaakhya di gayi hai. upanishdon mein pratipaadit siddhaant itne paraspar virodhi tatha bikhre hue hai ki unase ek paprakaar ka daarshanik mat nikaalna kathin hai. vedaant sootr 'samanvaya' ke siddhaant ka sahaara lekar upanishdon mein ek daarshanik drushti ka pratipaadan karta hai. par ye sootr swayam itne sankshipt hai ki bina vyaakhya ke sahaare unase arth nikaalna kathin hai. inki sankshiptata ke kaaran inapar kai vyaakhyaaeain likhi gayi jo paraspar virodhi drushti se vedaant ka pratipaadan karti hai. vedaant ke sabhi prasthaan in sootron ko apna pramaan maanate hain. brahm ka pratipaadan karne ke kaaran in sootron ko brahmasootr bhi kehte hain.

sanrachana

brahmasootr mein chaar adhyaaya hain jinke naam hain - samanvaya, avirodh, saadhan evam fal. pratyek adhyaaya ke chaar paad hain. kul milaakar ismein 555 sootr hain.

bhaashya

brahmasootr par bahut se bhaashya likhe gaye hain. unamein sabse praacheen shankar bhaashya hai. shankaraachaarya ke bhaashya par vaachaspati mishr tatha padmapaad ne bhaashya likha. raamaanujaachaarya dvaara brahmasootr ka jo bhaashya likha gaya usaka naam 'shreebhaashya' hai.

iske atirikt madhvaachaarya, jayateerth, vyaasateerth, bhaaskar, nimbaark aadi ne bhi brahmasootr ke bhaashya likhe hain.

baahari kadiyaaain