brahmachaarini

brahmachaarini
ब्रह्मचारिणी- नवदुर्गाओं में नवम
brahmachaarini- navadurgaaon mein navam
sambandhit hindu devi
astr-shastr kamandal va maala
vaahan pair

navaraatr parv ke doosare din maaain brahmachaarini ki pooja-archana ki jaati hai. saadhak is din apne man ko maaain ke charanon mein lagaate hain. brahm ka arth hai tapasya aur chaarini yaani aacharan karne waali. is prakaar brahmachaarini ka arth hua tap ka aacharan karne waali. inke daahine haath mein jap ki maala evam baaeain haath mein kamandal rahata hai.

shakti

is din saadhak kundalini shakti ko jaagrut karne ke liye bhi saadhana karte hain. jisse unka jeevan safal ho sake aur apne saamane aane waali kisi bhi prakaar ki baadha ka saamana aasaani se kar sakein.

fal

maaain durgaaji ka yeh doosra svaroop bhakton aur siddhon ko anantafal dene wala hai. inki upaasana se manushya mein tap, tyaag, vairaagya, sadaachaar, sanyam ki vruddhi hoti hai. jeevan ke kathin sangharshon mein bhi usaka man kartavya-path se vichlit naheen hota.

maaain brahmachaarini devi ki krupa se use sarvatr siddhi aur vijay ki praapti hoti hai. durga pooja ke doosare din inheen ke svaroop ki upaasana ki jaati hai. is din saadhak ka man 'svaadhishthaan 'chakr mein shithil hota hai. is chakr mein avasthit manavaala yogi unki krupa aur bhakti praapt karta hai.

is din aisi kanyaaon ka poojan kiya jaata hai ki jinka vivaah tay ho gaya hai lekin abhi shaadi naheen hui hai. inhein apne ghar bulaakar poojan ke pashchaat bhojan karaakar vastr, paatr aadi bheint kiye jaate hain.

upaasana

pratyek sarvasaadhaaran ke liye aaraadhana yogya yeh shlok saral aur spasht hai. maaain jagadambe ki bhakti paane ke liye ise kanthasth kar navaraatri mein dviteeya din iska jaap karna chaahiye.

ya devi sarvabhoo‍aateshu maaain brahmachaarini roopen sansthita.
namastasyai namastasyai namastasyai namo nam:..

arth : he maaain! sarvatr viraajamaan aur brahmachaarini ke roop mein prasiddh ambe, aapko mera baar-baar pranaam hai. ya main aapko baaranbaar pranaam karta hooain.