brahm puraan

brahm puraan
ब्रह्मपुराण.gif
geetaapres Gorakhpur ka aavaran prushth
lekhak vedavyaas
desh Bhaarat
bhaasha sanskrut
shrrunkhala puraan
vishay vishnu, Shiv, brahma bhakti
prakaar pratham vaidik puraan granth
prushth 10,000 shlok

puraanon ki di gayi soochi mein is puraan ko pratham sthaan par rakha jaata hai, is puraan mein srushti ki utpatti, pruthu ka paavan charitra, soorya evam chandravansh ka varnan, shreekrushn-charitra, kalpaantajeevi maarkandeya muni ka charitra, teerthon ka maahaatmya evam anek bhaktiprak aakhyaanon ki sundar charcha ki gayi hai. bhagavaan shreekrushn ki brahmaroop mein vistrut vyaakhya hone ke kaaran yeh brahmapuraan ke naam se prasiddh hai. [1] is puraan mein saakaar brahm ki upaasana ka vidhaan hai. ismein 'brahm' ko sarvopari maana gaya hai. iseeliye is puraan ko pratham sthaan diya gaya hai. puraanon ki parampara ke anusaar 'brahm puraan' mein srushti ke samast lokon aur bhaaratavarsh ka bhi varnan kiya gaya hai. kaliyug ka varnan bhi is puraan mein vistaar se upalabdh hai. [2] brahm ke aadi hone ke kaaran is puraan ko aadipuran bhi kaha jaata hai. vyaas muni ne ise sarvapratham likha hai. ismein das sahasr shlok hain. praacheen pavitra bhoomi naimish aranya mein vyaas shishya soot muni ne yeh puraan samaahit rishi vrund mein sunaaya tha. ismein srushti, manuvansh, Dave devata, praani, puthvi, bhoogol, narak, svarg, mandir, teerth aadi ka niroopan hai. Shiv-paarvati vivaah, Krishna leela, vishnu avataar, vishnu poojan, varnaashram, shraaddhakarm, aadi ka vichaar hai. [3]

katha evam vistaar

vistaar
sampoorn 'brahm puraan' mein 246 adhyaaya hain. iski shlok sankhya lagbhag 10,000 hai. is puraan ki katha lomaharshan soot ji evam shaunak rishiyon ke samvaad ke maadhyam se varnit hai. yahi katha praacheen kaal mein brahma ne daksh prajaapatti ko sunaayi thi. [4]
katha
yeh puraan sab puraanon mein pratham aur dharm arth kaam aur moksh ko pradaan karne wala hai, iske andar naana prakaar ke aakhyaan hai, devata daanav aur prajaapatiyon ki utpatti isi puraan mein bataayi gayi hai. lokeshvar Bhagwan soorya ke punyamaya vansh ka varnan kiya gaya hai, jo mahaapaatakon ke naash ko karne wala hai. ismein hi Bhagwan raamachandr ke avataar ki katha hai, soorya vansh ke saath chandravansh ka varnan kiya gaya hai, shreekrushn Bhagwan ki katha ka vistaar isi mein hai, paataal aur svarg lok ka varnan narakon ka vivran sooryadev ki stuti katha aur paarvati ji ke janm ki katha ka ullekh likha gaya hai. daksh prajaapti ki katha aur ekaamrak kshetr ka varnan hai. purushottam kshetr ka vistaar ke saath kiya gaya hai, isi mein shreekrushn charitra ka vistaarapoorvak likha gaya hai, yamalok ka vivran pitron ka shraaddh aur usaka vivran bhi isi puraan mein bataaya gaya hai, varnon aur aashramon ka vivechan bhi kaha gaya hai, yogon ka niroopan saankhya siddhaanton ka pratipaadan brahmavaad ka digdarshan aur puraan ki prashansa ki gayi hai. is puraan ke do bhaag hai aur padhane sunane se yeh deerghata ki or badhaane wala hai.

sandarbh

baahari kadiyaaain