brahm

brahm (sanskrut : brahman) hindu (ved parampara, vedaant aur upanishd) darshan mein is saare vishv ka param satya hai aur jagat ka saar hai . vo duniya ki aatma hai . vo vishv ka kaaran hai, jisse vishv ki utpatti hoti hai , jismein vishv aadhaarit hota hai aur ant me jismein vileen ho jaata hai . vo ek aur adviteeya hai . vo swayam hi paramajnyaaan hai, aur prakaash-strot ki tarah roshan hai. vo niraakaar, anant, nitya aur shaashvat hai . brahm sarvashaktimaan aur sarvavyaapi hai . bramh hindi mein brahm ka glat uchchaaran aur likhaavat hai .

parabrahm

parabrahm ya param-brahm brahm ka vo roop hai, jo nirgun aur aseem hai . "neti-neti" karke iske gunon ka khandan kiya gaya hai, par ye asal me anant satya, anant chit aur anant aanand hai . advait vedaant mein use hi paramaatma kaha gaya hai, brah hi satya hai,baaki sab mithya hai. 'brahm satyam jagan mithya,jivo bramhaiv na par:

vah brahm hi jagat ka niynta hai.

aparabrahm

aparabrahm brahm ka vo roop hai, jismein anant shubh gun hain . vo pooja ka vishay hai, isaliye use hi ishvar maana jaata hai . advait vedaant ke mutaabik brahm ko jab insaan man aur buddhi se jaanane ki koshish karta hai, to brahm maaya ki vajah se ishvar ho jaata hai .