bofors ghotaala

san 1987 mein yeh baat saamane aayi thi ki sveedan ki hathiyaar company bofors ne bhaarateeya sena ko topein saplaai karne ka sauda hathiyaane ke liye 80 lakh dollar ki dalaali chukaayi thi. us samay kendra mein Congress ki sarkaar thi, jiske pradhaanamantri Rajiv Gandhi the. sveedan ki radio ne sabse pehle 1987 mein iska khulaasa kiya. ise hi bofors ghotaala ya bofors kaand ke naam se jaana jaata hain.

anukram

aarop

aarop tha ki Rajiv Gandhi parivaar ke najadeeki bataaye jaane vaale itaalavi vyaapaari ottaaviyo kvaatrokki ne is maamale mein bichauliye ki bhoomika ada ki, jiske badle mein use dalaali ki rakam ka bada hissa mila. kul chaar sau bofors topon ki khareed ka sauda 1.3 arab dollar ka tha. aarop hai ki sveedan ki hathiyaar company bofors ne Bhaarat ke saath saude ke liye 1.42 karod dollar ki rishvat baanti thi.

itihaas

kaafi samay tak Rajiv Gandhi ka naam bhi is maamale ke abhiyukton ki soochi mein shaamil raha lekin unki maut ke baad naam file se hata diya gaya. CBI ko is maamale ki jaanch saunpi gayi lekin sarkaarein badalne par CBI ki jaanch ki disha bhi lagaataar badalti rahi. ek daur tha, jab jogindar Singh CBI cheef the to agency sveedan se mahatvapoorn dastaavej laane mein safal ho gayi thi. jogindar Singh ne tab daava kiya tha ki case sulajha liya gaya hai. bas, deri hai to kvaatrokki ko pratyarpan kar Bhaarat laakar adaalat mein pesh karne ki. unke hatne ke baad CBI ki chaal hi badal gayi. is beech kai aise daanvapeinch khele gaye ki kvaatrokki ko raahat milti gayi. Delhi ki ek adaalat ne hinduja bandhuon ko riha kiya to CBI ne London ki adaalat se kah diya ki kvaatrokki ke khilaaf koi saboot hi naheen hain. adaalat ne kvaatrokki ke seal khaaton ko kholne ke aadesh jaari kar diye. nateejatan kvaatrokki ne raaton-raat un khaaton se paisa nikaal liya.

2007 mein red corner notice ke bal par hi kvaatrokki ko arjentina police ne giraftaar kiya. vah bees-pachchees din tak police ki hiraasat mein raha. CBI ne kaafi samay baad iska khulaasa kiya. CBI ne uske pratyarpan ke liye vahaan ki court mein kaafi der se arji daakhil ki. takaneeki aadhaar par us arji ko khaarij kar diya gaya, lekin CBI ne uske khilaaf vahaan ki oonchi adaalat mein jaana munaasib naheen samjha. nateejatan kvaatrokki jamaanat par riha hokar apne desh Italy chala gaya. pichhle baarah saal se vah intarapol ke red corner notice ki soochi mein hai. CBI agar usaka naam is soochi se hataane ki appeal karne ja rahi hai to iska seedha sa matlab yahi hai ki kaanoon mantraalaya, ataarni general aur CBI kvaatrokki ko bofors maamale mein dalaali khaane ke maamale mein clean chit dene ja rahi hai.

yeh aisa masala hai, jis par 1989 mein Rajiv Gandhi ki sarkaar chali gayi thi. vishvanaath prataap Singh hero ke taur par ubhare the. yeh alag baat hai ki unki sarkaar bhi bofors dalaali ka sach saamane laane mein vifal rahi thi. baad mein bhi samay-samay par yeh mudda desh mein raajaneetik toofaan laata raha. is prakaran ke saamane-aate hi jis tarah ki raajaneetik halachal shuroo hui, usase saaf hai ki bofors dalaali aaj bhi Bhaarat mein bada raajaneetik mudda hai.

inhein bhi dekhein

baahari kadiyaaain