bineshvar brahm

shri bineshvar brahm (janm : 1946 ; - hatya : 19 August 2000) asam ke bodo janajaateeya saahityakaar the evam bodo saahitya sabha ke adhyaksh the. tejasvi, ojasvi vakta, deshbhakt aur videsheesh shadyantron ke khilaaf nirbheekata se loha lene vaale. ve poorvaanyachal mein devanaagari aur hindi ke liye kaam karte the. anek varshon se bodo saahitya sabha ne bodo bhaasha devanaagari mein likhne ka sankalp kiya hua tha, bodo pustakein devanaagari mein chhapati theen. yeh sab un isaai pruthakataavaadiyon ko sahan naheen hua jo varshon se poorvaanyachal ki janajaatiyon ko shesh desh ki mukhyadhaara se kaatne mein jute hue hain. unhonne chhal-bal se bodo bhaasha ke liye roman lipi prachalit karavaana shuroo kiya. jab deshbhakt bodo logon ne iska virodh karna shuroo kiya to parinaam bineshvar brahm ki hatya ke roop mein saamane aaya. devanaagari ka tilk apne lahoo se karne vaale shaheed bineshvar brahm iseeliye "devanaagari ke navadevata' kahe gaye.

bineshvar brahm san‌ 1996 mein bodo saahitya-sabha ke adhyaksh bane aur 1999 mein ve fir se adhyaksh banaaye gaye. asam mein bodo bhaasha ke liye lipi ko lekar kai baar aandolan hua aur bineshvar brahm ne roman lipi ke sthaan par devanaagari lipi ka samarthan kiya aur vah sveekaar kar li gayi. lekin raajya mein church evam uske dvaara samarthit aatankvaadi gut "national democratic frant of bodolaind' (N.di.ef.bi.) ke dabaav se bodo saahitya sabha mein fir se lipi ka prashn uthaaya gaya. bineshvar brahm ne is baar bhi devanaagari lipi ka samarthan kiya aur N.di.ef.bi. ki dhamakiyon ki upeksha ki. is baar unhein parinaam bhugatna pada aur sashastr aatankavaadi ke samarthan ke kaaran unki hatya ki gayi. is hatya ke virodh mein poore yon ne unke ghar par hi unki hatya kar di.

baahari kadiyaaain