binaaka geet maala

binaaka geetamaala bhaarateeya filmi sangeet ka sabse pehla kaaunt daaun (count down) kaaryakram tha radio par| 1950 aur 1960 ke dashak film, film sangeet aur radio ke dashak the| film aur radio ke alaava koi aur vishesh saadhan naheen tha un dinon manoranjan ka| lokapriya filmi geeton par aadhaarit ek kaaryakram prasaarit hota tha un dinon radio seelon se - binaaka geetamaala| filmi geeton se sambandhit sabse lokapriya kaaryakram tha ye us samay ka| har Budhvaar ko raat 8 baje se 9 baje tak binaaka geetamaala sunane ke liye log radio se chipk jaaya karte the| melodiys dhunon aur madhur kanthasvaron ka sangam shrotaaon ko poore ek ghante tak bhaav vibhor banaaye rakhata tha|

binaaka geetamaala ka pehla kaaryakram san 1952 ke antim saptaah mein prasaarit hua tha| mahal, naagin, udn khatola jaise filmon, jinki aatmaaon mein keval madhur sangeet basata tha, ka jamaana tha vo| madhur geeton ke saath udghoshak ameen sayaani ke vishesh andaaj ne moh liya shrotaaon ko aur apne pehle hi prasaaran se binaaka geetamaala sarvaadhik lokapriya kaaryakram ban gaya radio ka| san 1952-53 tak keval 7 gaane prasaarit kiye jaate the is kaaryakram mein aur geeton ko lokapriyta ka darja bhi naheen diya jaata tha| san 1954 se binaaka geetamaala kaaunt daaun (count down) kaaryakram ban gaya aur gaanon ko rating diya jaane laga| us san ke pehle kaaryakram mein talat Mehmood ka gaaya geet 'jaayein to jaayein kahaaain…..' sheersh geet (topper) tha|

lokapriyta hi mukhya aadhaar hota tha gaanon ke rating ka| geeton ke record ke bikri ke aankade (sales figure) ekatrit kiye jaate the lokapriyta ke nirdhaaran ke liye aur shrotaaon ke mat (vote) bhi liye jaate the| parantu baad mein yeh pata chalne par ki kai gaanon ke liye shrotaagan farji naamon ke anek matapatr bhej dete hain, vhoting ki paddhati ko samaapt kar diya gaya|

binaaka geetamaala ke naam ko do baar badla gaya, pehle sibaaka geetamaala aur baad mein kolaget geetamaala ke roop mein| baad mein sibaaka geetamaala ka prasaaran radio vividh bhaarati se bhi kiya jaane laga par vividh bhaarati mein iska naam sibaaka sangeetamaala hua karta tha| koi bhi gaana 25 baar bajne ke baad retire kar diya jaata tha, gaana bajne ke paayadaano ki sankhya ko jod kar usaki rating vaarshik aadhaar par tay ki jaati thi tatha December ke aakhiri Budhvaar ko binaaka geetamaala sarataaj geet bajata tha |

is kaaryakram ke shuroo hone ke varsh 39 baad television par filmi geeton ke kaaunt daaun (count down) kaaryakram superhit mukaabala shuroo ho jaane ke kaaran iska logon mein prabhaav kam hone laga aur kaaryakram ke 42vein varsh mein is kaaryakram ko band kar diya gaya|

vividh bhaarati