big bang siddhaant

mahaavisfot pratiroop ke anusaar, yeh brahmaand ati saghan aur ooshm avastha se vistrut hua hai aur ab tak iska vistaar chaaloo hai. ek saamaanya dhaarana ke anusaar antariksh swayam bhi apni aakaashagangaaon sahit vistrut hota ja raha hai. oopar darshit chitr brahmaand ke ek sapaat bhaag ke vistaar ka kalaatmak drushya hai.

brahmaand ka janm ek mahaavisfot ke parinaamasvaroop hua. isi ko mahaavisfot siddhaant ya big bang siddhaant kehte hain.[1], jiske anusaar se lagbhag baarah se chaudah arab varsh poorv sampoorn brahmaand ek paramaanvik ikaai ke roop mein tha.[2] us samay maanaveeya samay aur sthaan jaisi koi vastu astitv mein naheen thi.[3] mahaavisfot pratiroop ke anusaar lagbhag 13.7 arab varsh poorv[4] is dhamaake mein atyadhik oorja ka utsajarn hua. yeh oorja itni adhik thi jiske prabhaav se aaj tak brahmaand failata hi ja raha hai. saari bhautik maanyataaen is ek hi ghatna se paribhaashit hoti hain jise mahaavisfot siddhaant kaha jaata hai. mahaavisfot naamak is mahaavisfot ke dhamaake ke maatr 1.43 second antaraal ke baad samay, antariksh ki vartamaan maanyataaen astitv mein aa chuki theen. bhautiki ke niyam laagoo hone lag gaye the. 1.34vein second mein brahmaand 1030 guna fail chuka tha aur kvaark, laiptaan aur foton ka garm dravya ban chuka tha. 1.4 second par kvaark milkar protaun aur nyootraun banaane lage aur brahmaand ab kuchh thanda ho chuka tha. haaidrojan, heeliym aadi ke astittv ka aarambh hone laga tha aur anya bhautik tatv banane lage the.[1][3]

mahaavisfot siddhaant ke aarambh ka itihaas aadhunik bhautiki mein George limetri ne likha hua hai. limetri ek roman Catholic paadari the aur saath hi vaigyaanik bhi. unka yeh siddhaant albart aainsateen ke prasiddh saamaanya saapekshavaad ke siddhaant par aadhaarit tha. mahaavisfot siddhaant do mukhya dhaaranaaon par aadhaarit hota hai. pehla bhautik niyam aur doosra brahmaandeeya siddhaant. brahmaandeeya sidvaant ke mutaabik brahmaand sajaateeya aur samadaishik (aaisotraupik) hota hai. 1964 mein british vaigyaanik Peter higgas ne mahaavisfot ke baad ek second ke arabein bhaag mein brahmaand ke dravyon ko milne vaale bhaar ka siddhaant pratipaadit kiya tha, jo bhaarateeya vaigyaanik satyendr naath Bose ke boson siddhaant par hi aadhaarit tha. ise baad mein 'higgas-boson' ke naam se jaana gaya. is siddhaant ne jahaan brahmaand ki utpatti ke rahasyon par se parda uthaaya, vaheen uske svaroop ko paribhaashit karne mein bhi madad ki.[5]

sandarbh

  1. a aa yeh mahaavisfot ki punaraavrutti naheen hai?.amar ujaala.(hindi). shyaamaratn paathak, taara bhautikvid
  2. mahaavisfot thyauri kya hai?.BBC hindi.(hindi). BBC samvaadadaata, London:mamata gupta aur mahaboob Khan
  3. a aa mahaavisfot siddhaant.Hindustan live.(hindi).27 October, 2009
  4. komaatsoo, E; et al. (2009). "faaiv iyar vilkinsan maaikrovev ainistraupi prob objrveshans: kausmolaujikl intarpreteshans". ऍstrofijikl journal sapleement 180: 330. Bibcode 2009ApJS..180..330K.
  5. mahaavisfot prayog ke praneta hain Bose, par naheen mila Nobel. daits hindi.(hindi).10 September, 2008. indo-asian news service.

baahari kadiyaaain