bhroonavijnyaaan

6 saptaah ka maanav bhroon

bhroonavijnyaaan (Embroyology) ke antargat andaanu ke nishechan se lekar shishu ke janm tak jeev ke udbhav evam vikaas ka varnan hota hai. apne poorvajon ke samaan kisi vyakti ke nirmaan mein koshikaaon aur ootakon ki paarasparik kriya ka adhyayan ek atyant ruchi ka vishay hai. stri ke andaanu ka purush ke shukraanu ke dvaara nishechan hone ke pashchaat jo kramabaddh parivartan bhroon se poorn shishu hone tak hote hain, ve sab iske antargat aate hain, tathaapi bhroonavijnyaaan ke antargat prasav ke poorv ke parivartan evam vruddhi ka hi adhyayan hota hai. :ऍstudia L desarrollo prenatal. ऍchh por nartin

anukram

parichay

kromosom ke aantarik ghatak, arthaat jeen (gene), jo garbhadhaaran ke pashchaat bhroon mein rahate hain, yadi unako anukool vaataavaran praapt hota hai, to ve vikaas ki dar evam svaroop ka niyantran karte hain.

ekakoshikeeya andaanu ka shishu mein parivartan hone ka mukhya kaaran do prakriyaaeain (1) vruddhi aur (2) vibhedan (differentiation), hoti hai.

vruddhi

ismein koshikaaon ka aakaar aur sankhyaatmak vardhan hota hai, jo vibhaajan evam poshan ke dvaara sanpaadit hota hai. iske antargat vah kriya bhi aa jaati hai jiske dvaara bhroon ke aakaar ki punarrachana bhi hoti hai.

vibhedan

is prakriya se kuchh koshikaaon ka samooh koi ek nishchit kaarya karne ke liye ek vishesh prakaar ka svaroop grahan kar leta hai. yeh vibhedan aanuvanshikta, ant:sraav tatha paryaavaran aadi par nirbhar karta hai.

nishechan andaanu se jo koshikaaeain praarambh mein vibhaajan dvaara praapt hoti hain, unamein poornashaktimtta (totipotency), hoti hai, arthaat unamein se ek ke dvaara sampoorn bhroon ka nirmaan ho sakta hai, parantu is alp saamayik avastha ke turant pashchaat sughatyata (plasticity) ki avastha hoti hai. is avastha mein koshika samooh mein sarvashaktimtta naheen rahati hai. ab ve vishesh prakaar ke ootakon ka hi nirmaan kar sakte hai, jo unke liye nishchit kiya ja chuka hai. yeh avastha turant raasaayanik vibhedan (chemo-differentiation) mein parivrtit ho jaati hai. ab is avastha mein koshikaadravya (cytoplasm) ke raasaayanik ghatakon ka pun: vitran hota hai. koshika ki shaktimtta ka hraas hota hai tatha ant mein usamein kaaryashakti ki bhinnata utpann ho jaati hai.

is vigyaan ke antargat shukraanu tatha unka paripaak, garbhaadhaan, khandeebhavan, vapan, dainik vruddhi, jaraayu, apara evam angon ka nirmaan, bhroon poshan, yamal tatha sahaj vikrutiyon ka poorn varnan kiya jaata hai.

mahatva

chikitsa vigyaan ke kshetr mein maanav bhroonavijnyaaan ke adhyayan ka atyant mahatva hai, kyonki shareerachana sambandhi anek vichitr vaastaviktaaon ko ham bhroonavijnyaaan ke gyaan se ab theek se samajh sakte hain, jinhein pehle naheen samajh paate the. shareer-rachana-vikrutiyon ka vaastavik kaaran tatha prakram ab samajhaaya ja sakta hai. yeh vigyaan tulanaatmak shareer-rachana-vigyaan evam maanav-shareer-rachana-vigyaan, jaativrutt ke madhya setu ka kaam karta hai. maanav vikaas ki kai jatiltaaon ko samaanyat: samajh paana bada kathin hota hai, ataev nimnakoti ke praaniyon ke vikaas ka tulanaatmak gyaan praapt kar maanav vikaas ke siddhaanton ka nirnaya karna hota hai. is adhyayan ko tulanaatmak bhroon vruddhijnyaaan kaha jaata hai.

inhein bhi dekhein

  • aprushthavanshi bhroonatatv (inavartebret enbrioloji / Invertebrate embryology)
  • kasherukadandi bhroonatatv (vartebret enbrioloji / Vertebrate embryology)

baahari kadiyaaain