bhootanaath

bhootanaath babu devakeenandan khatri ka tilsmi upanyaas hai ! chandrakaanta ki kahaani chandrakaanta santati me aage badhaai gayi hai! aur santati ke baad usi kahaani ko bhootanaath aur uske baad rohataas math ke jriye anjaam tak pahuainchaaya gaya hai! chandrakaanta santati me ek rahasmayi kirdaar ka aagaman hota hai jo pehle ke sabhi aiyaaro se tej hai sahi kaam karne ke liye glat raasta apnaane se nahi chookata or hamesha is kashamakash me jeeta rahata hai ki vah vaastav me kis charitra ka hai? glat log jaise daaroga, shivdatt use apne jaisa glat or indradev use sahi saabit karne me lage rahate hai! chandrakaanta santati me bhootanaath ka aagaman ek turup ke patte ki tarah hota hai jo chhalaave ki tarah aata hai or baaji palat ke chala jaata hai! bhootanaath kaan ka kachcha insaan hai jo sabhi ki baato me aa jaata hai! kabhi vo buraai ki madad karta hai chandrakaanta santati ke poorak ke roop me bhootanaath seerees likhi gayi thi! ye 7 jild ka upanyaas babu devakeenandan khatri ka mahatvaaakaankshi upanyaas tha jise vo poora nahi kar sake! maana jaata hai ki agar vo ise poora kar paate to ye upanyaas kaalpanik upanyaaso ka sarataaj hota! par khatri ji ka is upanyaas ko poora karne se pehle hi nidhan ho gaya! unke bete durga prasaad khatri ne is upanyaas ko poora kiya! par babu devaki nandan khatri ki lekhani ki chamatkrutata inki lekhani me nahi thi fir bhi inhone is kahaani poora kiya! baad me durga prasaad ji ne rohataas math naam se is vismayakaari shrunkhala ka samaapan kiya!