bhoodaan aandolan

bhoodaan aandolan sant vinoba bhaave dvaara san 1951 mein aarambh kiya gaya svaichhik bhoomi sudhaar aandolan tha. vinoba ki koshish thi ki bhoomi ka punarvitran sirf sarkaari kaanoonon ke jariye naheen ho, balki ek aandolan ke maadhyam se iski safal koshish ki jaae. 20veen sadi ke pachaasavein dashak mein bhoodaan aandolan ko safal banaane ke liye vinoba ne Gandhivadi vichaaron par chalte hue rachanaatmak kaaryon aur trasteeship jaise vichaaron ko prayog mein laaya. unhonne sarvodaya samaaj ki sthaapana ki. yeh rachanaatmak kaaryakartaaon ka akhil bhaarateeya sangh tha. iska uddeshya ahinsaatmak tareeke se desh mein saamaajik parivartan laana tha.

parichay

vah 18 April 1951 ki taareekh thi, jab aachaarya vinoba bhaave ko jameen ka pehla daan mila tha. unhein yeh jameen telangaana kshetr mein sthit pochamapalli gaanv mein daan mein mili thi. yeh vinoba ke usi bhoodaan aandolan ki shuruaat thi, jo ab itihaas ke pannon mein darj hai ya fir puraane logon ki smruti mein.

tab vinoba padayaatraaen karte aur gaanv-gaanv jaakar bade bhoosvaamiyon se apni jameen ka kam se kam chhatha hissa bhoodaan ke roop mein bhoomiheen kisaanon ke beech baantane ke liye dene ka anurodh karte the. tab paanch karod ekad jameen daan mein haasil karne ka lakshya rakha gaya tha jo Bhaarat mein 30 karod ekad jotane laayak jameen ka chhatha hissa tha. us vakt praja soshalist party (peeesapi) ke neta jayaprakaash Narayan bhi 1953 mein bhoodaan aandolan mein shaamil ho gaye the. aandolan ke shuruaati dinon mein vinoba ne telangaana kshetr ke kareeb 200 gaanvon ki yaatra ki thi aur unhein daan mein 12,200 ekad bhoomi mili. iske baad aandolan uttar Bhaarat mein faila. Bihar aur uttar pradesh mein iska gahra asar dekha gaya tha. March 1956 tak daan ke roop mein 40 lakh ekad se bhi adhik jameen bataur daan mil chuki thi. par iske baad se hi aandolan ka bal bikhrata gaya.

1955 tak aate-aate aandolan ne ek naya roop dhaaran kiya. ise 'graamadaan' ke roop mein pahachaana gaya. iska arth tha 'saari bhoomi gopaal ki'. graamadaan vaale gaanvon ki saari bhoomi saamoohik svaamitv ki maani gayi, jispar sabon ka baraabar ka adhikaar tha. iski shuruaat udeesa se hui aur ise kaafi safalta mili. 1960 tak desh mein 4,500 se adhik graamadaan gaanv ho chuke the. inmein 1946 gaanv udeesa ke the, jabki Maharashtra doosare sthaan par tha. vahaan 603 graamadaan gaanv the. kaha jaata hai ki graamadaan vaale vichaar unheen sthaanon par safal hue jahaan varg bhed ubhare naheen the. vah ilaaka aadivaasiyon ka hi tha.

par badi ummeedon ke baavajood saath ke dashak mein bhoodaan aur graamadaan aandolan ka bal kamjor pad gaya. logon ki rai mein iski rachanaatmak kshamataaon ka aam taur par upayog naheen kiya ja saka. daan mein mili 45 lakh ekad bhoomi mein se 1961 tak 8.72 lakh ekad jameen gareebon va bhoomiheenon ke beech baanti ja saki thi. kaha jaata hai ki iski kai vajahein raheen. masalan- daan mein mili bhoomi ka achha-khaasa hissa kheti ke laayak naheen tha. kaafi bhoomi mukadamein mein fansi hui thi, aadi-aadi. kul milaakar ye baatein ab bhula di gayi hain. haalaanki, kabhi-kabhaar media mein bhoodaan mein mili jameen ke baabat khabarein aati rahati hain. aachaarya vinoba ka bhoodaan aandolan logon ke jehan mein rah gaya hai. jaankaaron ki rai mein aajaadi ke baad yeh un pehli koshishon mein se ek tha, jahaan rachanaatmak aandolan ke maadhyam se bhoomi sudhaar ki koshishein ki gayi thi. so logon ne badi koshishein ki hain, is samaaj ko aage laane ki. dukh hai ki vah koshish raajaneetik ya fir shaasakeeya makadaajaal mein fansakar rah jaati hai.

inhein bhi dekhein

baahari kadiyaaain