bheeshm saahani

janm: 8 August 1915
Rawalpindi, (tatkaalani) Bhaarat, vartamaan Pakistan
mrutyu: 11 July 2003
Delhi Bhaarat
kaaryakshetr: adhyaapan, patrakaarita, lekhan
raashtreeyata: bhaarateeya
bhaasha: hindi
kaal: aadhunik kaal
vidha: gadya
vishay: kahaani, upanyaas, laghukatha
saahityik
aandolan
:
pragativaad
adhyaapan, anuvaadak

Rawalpindi Pakistan mein janme bheeshm saahani (8 August 1915- 11 July 2003) aadhunik hindi saahitya ke pramukh stambhon mein se the. 1937 mein Lahore gavarnament college, Lahore se angreji saahitya mein M A karne ke baad saahani ne 1958 mein Punjab vishvavidyaalaya se Ph.D. ki upaadhi haasil ki. Bhaarat Pakistan vibhaajan ke poorv avaitanik shikshak hone ke saath-saath ye vyaapaar bhi karte the. vibhaajan ke baad unhonne Bhaarat aakar samaachaarapatron mein likhne ka kaam kiya. baad mein bhaarateeya jan naatya sangh (ipta) se ja mile. iske pashchaat Ambala aur amrutasar mein bhi adhyaapak rahane ke baad Delhi vishvavidyaalaya mein saahitya ke professor bane. 1957 se 1963 tak Moscow mein videshi bhaasha prakaashan gruh (fauren laigvejes pablikeshan house) mein anuvaadak ke kaam mein kaaryarat rahe. yahaan unhonne kareeb do darjan roosi kitaabein jaise taalastauya aastrovaski ityaadi lekhakon ki kitaabon ka hindi mein roopaantar kiya. 1965 se 1967 tak do saalon mein unhonne nayi kahaaniyaan naamak paatrika ka sampaadan kiya. ve pragatisheel lekhak sangh aur afro-eshiyaayi lekhak sangh (efro asian raaitars asosiyeshan) se bhi jude rahe. 1993 se 97 tak ve saahitya academy ke kaaryakaari sameeti ke sadasya rahe.

bheeshm saahani ko hindi saahitya mein premachand ki parampara ka agrani lekhak maana jaata hai.[1] ve maanaveeya moolyon ke liye himaayati rahe aur unhonne vichaaradhaara ko apne oopar kabhi haavi naheen hone diya. vaamapanthi vichaaradhaara ke saath jude hone ke saath-saath ve maanaveeya moolyon ko kabhi aankho se ojhal naheen karte the. aapaadhaapi aur uthaapatak ke yug mein bheeshm saahani ka vyaktitv bilkul alag tha. unhein unke lekhan ke liye to smaran kiya hi jaaega lekin apni sahrudayata ke liye ve chirsmaraneeya raheinge. bheeshm saahani hindi filmon ke jaane maane abhineta Balraj saahani ke chhote bhaai the. unhein 1975 mein tamas ke liye saahitya academy puraskaar, 1975 mein shiromani lekhak award (Punjab sarkaar), 1980 mein efro asian raaitars asosiyeshan ka lotus award, 1983 mein soviyt land Nehru award tatha 1998 mein Bhaarat sarkaar ke padmabhooshan alankaran se vibhooshit kiya gaya. unke upanyaas tamas par 1986 mein ek film ka nirmaan bhi kiya gaya tha.

pramukh rachanaaeain

  • upanyaas - jharokhe, tamas, basanti, maayaadaas ki maadi, kunto, neeloo nilima nilofar
  • kahaani sangrah - meri priya kahaaniyaan, bhaagyarekha, vaangachoo, nishaachar
  • naatak - hanoosh (1977), maadhavi (1984), kabeera khada bajaar mein (1985), muaavaje (1993)
  • aatmakatha - Balraj maaya brother
  • baalakatha- gulel ka khel

sandarbh

baahari kadiyaaain

  • log aman chaahate hain: bheeshm saahani ki mrutyu se kuchh hi samay pehle liye gaya BBC saakshaatkaar (aadiyo bhi upalabdh)