bhed paalan

bhedon ka jhund

bhed ka manushya se sambandh aadi kaal se hai tatha bhed paalan ek praacheen vyavasaaya hai. bhed paalak bhed se oon tatha maans to praapt karta hi hai, bhed ki khaad bhoomi ko bhi adhik oopajaaoo banaati hai. bhed krushi-ayogya bhoomi mein charati hai, kai kharapatavaar aadi anaavashyak ghaason ka upayog karti hai tatha unchaai par sthit charaagaah joki anya pashuon ke ayogya hai, usaka upayog karti hai. bhed paalak bhedon se prati varsh memane praapt karte hai.

bhed paalan vyavasaaya ko adhik laabhadaayak banaane ke liye kuchh mahatvapoorn jaankaari (prajanan sambandhi)

  • bhed aam taur par nau maheene ki aayu mein poorn vayask ho jaati hai kintu svasth memane lene ke liye yeh aavashyak hai ki use ek varsh ka hone ke pashchaat hi garbhadhaaran karaaya jaae. bhedon mein prajanan aath varsh tak hota hai. garbhavastha ausatan 147 din ki hoti hai.
  • bhed 17 din ke baad 30 ghante ke liye garmi mein aati hai. garmi ke antim samay mein meindhe se sampark karavaane par garbhadhaaran ki achhi sambhaavanaayein hoti hai.
  • garbhavastha tatha uske pashchaat jab tak memane doodh peete hai bhed ke paalan poshan par adhik dhyaan dena chaahiye. ek maada bhed ko garbhavastha tatha uske kuchh samay pashchaat tak santulit evam poshtik aahaar anya bhedon ki apeksha adhik dena chaahiye.
  • bhedon ko milte baar nar ya maada ka anupaat 1:40 se adhik naheen hona chaahiye. prajanan hetu chhodne ke do maah poorv se hi unke aahaar par vishesh dhyaan dein. is avadhi mein santulit aahaar tatha daane ki maatra bhi badha dein.
  • prajanan hetu chhodne se pehle yeh baat avashya dekh lein ki meindhe ke bahaya jananendriyon ki oon kaat li gayi hai tatha uske khur bhi kaat kr theek kr liye gaye hai.
  • nar memanon ki dedh saal se pehle prajanan ke liye upayog n karein. tatha samay samay par unki jananendriya ki jaanach kar lein. yeh baat vishesh dhyaan dene yogya hai ki vayask medhon ko tarun bhedon ke saath prajanan ke liye chhodna chaahiye.
  • medhon ko prajanan ke liye chhodne se pehle yeh nishchit kr lein ki unhein us kshetr mein pai jaane waali sankraamak bimaariyon ke teeke laga diye gaye hai tatha unako kruminaashak aushadhi se nahalaaya ja chooka hai. maindhe ko prajanan ke liye adhik se adhik aath saptaah tak chhodna chaahiye tatha nishchit avadhi ke pashchaat unhein revad se alag kr dena chaahiye.
  • yadi ek se adhik meindhe prajanan hetu chhodane hain to nar medhon kai koi nishchit pehchaan (kaan par number) laga dein taaki baad mein yeh pata chal sake ki kis nar ki prajanan shakti kamzor hai ya usase utpaadit memanein santoshajanak naheen hai taaki samay anusaar us nar ko badla ja sake. medhon ko yadi raat ko prajanan ke liye chhodna hai to unke pet par naabhi ke paas koi geela rang laga dein jisse yeh pata chal sake ki kis maindhe se kitni bhedon mein prakrutik garbhadhaan hua hai.
  • meindhe ka nasl ke anusaar kad va shaareerik gathan uttam hona chaahiye. tede khur utha hua kandha, neechi kamar aadi naheen honi chaahiye.
  • paida hone ke 8-12 saptaah ke pashchaat memanon ko maaain se alag kar lein tatha tatpashchaat usako santulit aahaar dena praarambh karein.
  • sankar evam videshi nasl ke memanon ke paida hone ke ek se teen saptaah ke andar usaki poonchh kaat lein.
  • samay samay par yeh sunishchit karein ki tarun bhed ka vajan kam to naheen ho raha hai. is avadhi mein usako adhik se adhik har ghaas upalabdh karavaayein.
  • anupayogi aur nimn star ke pashuon ki prativrsh chhantani kar deni chaahiye anayatha unke paalne ka kharch badhega. bhedon ki chhantani adhik se adhik 1.5 varsh mein karni chaahiye. oon kaatne ya prajanan ke samay se is aayu tak unka shaareerik vikaas poorn ho jaata hai.

inhein bhi dekhein