bhavaani

gaayatri ka ek naam bhavaani hai. is roop mein aadya shakti ki upaasana karne se us bharg-tej ki abhivruddhi hoti hai, jo avaanchhaneeyataaon se ladne aur paraast karne ke liye aavashyak hai, ise ek shakti-dhaara bhi kah sakte hain. bhavaani ke paryaaya vaachak, durga, chandi, bhairavi, kaali aadi naam hain. inki mukh mudra evam bhaav cheshta mein vikraalata hai. sangharsh mein unki gati-vidhiyaaain niyojit hain. unka vaahan Singh hai. Singh paraakram ka-aakraman ka prateek hai. haathon mein aise aayudh hain jo shatru ko videern karne ke hi kaam aate hain. lok vyavahaar mein bhavaani talavaar ko bhi kehte hain. usaka prayojan bhi avaanchhaneeyata ka pratirodh karna hai. asuron ke shastr utpeedn ke liye prayukt hote hain. unke liye bhavaani shabd ka prayog tabhi hoga jab unka upayog ki aneeti ke virodh aur neeti ke samarthan mein kiya ja raha ho.

dharm ka ek paksh seva, saadhana, karuna, sahaayata, udaarata ke roop mein prayukt hota hai. yeh vidhaayak-srujanaatmak paksh hai. doosra paksh aneeti ka pratirodh hai, iske bina dhamar na to poorn hota hai, na surakshit rahata hai. sajjanata ki raksha ke liye dushtata ka pratirodh bhi abheesht hai. is pratirodhak shakti ko hi bhavaani kehte hain. durga evam chandi ke roop mein usi ki leelaaon ka vanarn kiya jaata hai. 'devi Bhagwat' mein vishisht roop se aur anyaanya puraanon, upapuraanon mein saamaanya roop se isi mahaashakti ki charcha hui hai aur use asur vidaarini, sankat nivaarini ke roop mein chitrit kiya gaya hai. avataaron ke do uddeshya hain- ek dharm ki sthaapana, doosra adharm ka vinaash. donon ek doosare ke poorak hain.

srujan aur dhvans ki dvividh prakriyaaon ka avalamban lene se hi suvyavastha ban paati hai. bhojan jitna aavashyak hai, utana hi malavisrjan bhi. utpaadan evam sanvadharn ke liye kiye jaane vaale prayatnon ke saath aakramanakaari tattvon se bachaav ka bhi prabandh karna padta hai. raajasatta ko prajaapaalan ke atirikt upadravon ko rokane ke liye sena, police aadi ke surakshaatmak prayatn bhi karne padte hain. kisaan ko khet aur maali ko bageeche ko ugaane, badhaane ke saath-saath rakhavaale ka bhi prabandh karna hota hai. anyatha unka kiya hua saara parishram, avaanchhaneeya tattvon ke haath mein chala jaayaga aur ve us apaharan se adhik protsaahit, paripusht hokar haani pahuainchaane ka dussaahas kareinge. astu, sajjanata ka pariposhan jitna aavashyak hai, utana hi dushtata ka unmoolan bhi abheesht hai. inmein se kisi ek ko lekar chalne se suvyavastha rah naheen sakti.

sanghashar ka pratham charan durbuddhi se joojhna hai. nikrusht star ki dubhaarvanaaeain aur kuvichaaranaaeain antaraal mein jade jama kar vyakti ko patan, paraabhav ke gart mein dhakelati hain. buri aadaton ke vasheebhoot hokar manushya duvyarsanon aur dushkarmon mein pravrutt hota hai. falat: naana prakaar ke klesh sahata aur kasht uthaata hai. vyaktitv mein ghuse hue kashaaya-kalmashon, kusanskaaron ka unmoolan karne ke liye vibhinn prakaar ki tap-titikshaaeain apanaani padti hain.

lok vyavahaar mein yahi dushpravruttiyaaain aalasya, pramaad, asvachhata, ashishtata, avyavastha, sankeern svaarth parata aadi roopon mein manushya ko upekshit, tirskrut banaati hain. inki maatra adhik badh jaane se vyakti bhrasht, dusht aacharan karta hai aur pashu-pishaach kahalaata hain. vaasana, trushna aur ahanta ki badhottri se bhi manushya asaamaajik, avaanchhaneeya, uchhrunkhal evam aakraamak ban jaata hai. falat: use ghruna evam prataadna ka dand sahana padta hai. us sthiti se ubarane par hi vyakti ko susanskrut evam suviksit hone ka avsar milta hai. aatm shodhan ki saahasikta bhi bhavaani hai. aatmavijya ko sabse badi vijay kaha gaya hai.

samaaj mein jahaaain sahakaarita, sajjanata evam rachanaatmak prayatnon ka kram chalta hai, vahaaain dushtata, durabhisndhiyaaain bhi kam naheen hain. avaanchhaneeyata, anautikta, moodh maanyataaon ka jaal buri tarah bichha rahata hai. unheen ke kaaran anekaanek vaiyaktik evam saamaajik samasyaaeain uthati evam vikrutiyaaain badhti rahati hai. inse ladne ke liye vaiyakti evam saamoohik star par prachand prayaas hone hi chaahiye. isi prayatnasheelata ko chandi kehte hain. bhavaani yahi hai. srujan aur sanghashar ke anyonyaashraya tattvo mein se sangharsh ki aavashyakta ko sujhaane wala aur use apnaane ka protsaahan dene wala svaroop bhavaani hai. sadbuddhi ki adhishthaatri gaayatri ka ek paksh sanghasharsheel, shaurya, saahas ke liye bhi maagardasharn karta hai. is shakti ka gaayatri saadhana se sahaj sanvadharn hota hai.

bhavaani ke svaroop, aayudh evam vaahan aadi ka-sankshipt taattvik vivechan is prakaar hai- bhavaani ke ek mukh, aath haath hain. shankh se-Dave paksh ki sahaayata ka udghosh, gada se shakti, padm se nivirkaarita, bandhi mutthi se sangathan, chakr se gatisheelata, talavaar se doshanaash, paash se aasuri shakti ko baaaindhakar baadhit karne tatha aashsheevaard mudra se sajjaanon ko aashvast karne ka bhaav sannihit hai. vaahan-Singh-shaurya ka prateek hain.