bharatapur

Coat of arms of Bharatpur rulers

bharatapur Rajasthan ka ek pramukh shahar hone ke saath-saath desh ka sabse prasiddh pakshi udyaan bhi hai. 29 varg kimi. mein faila yeh udyaan pakshi premiyon ke liye kisi svarg se kam naheen hai. vish‍aav dharohar soochi mein shaamil yeh sthaan pravaasi pakshiyon ka bhi basera hai. bharatapur shahar ki baat ki jaae to iski sthaapana jaat shaasak raaja soorajamal ne ki thi aur yeh apne samay mein jaaton ka gadh hua karta tha. yahaan ke mandir, mahal va kile jaaton ke kala kaushal ki gavaahi dete hain. raashtreeya udyaan ke alaava bhi dekhne ke liye yahaan anek jagah hain


iska naamakaran Ram ke bhaai bharat ke naam par kiya gaya hai. Lakshman is raaj parivaar ke kuladev maane gaye hain. iske poorv yeh jagah sogadiya jaat sardaar rustam ke adhikaar mein tha jisko mahaaraaja sooraj mal ne jeeta aur 1733 mein bharatapur nagar ki neenv daali.

anukram

bharatapur raajya

bharatapur naam se yeh ek svatantr raajya bhi tha jiski neenv mahaaraaja sooraj mal ne daali. mahaaraaja sooraj mal ke samay bharatapur raajya ki seema Agra, dholapur, mainapuri, haatharas, Aligadh, itaava, Meerut, Rohtak, farrukhanagar, mevaat, revaadi, Gurgaon, tatha Mathura tak ke vistrut bhoo-bhaag par faili hui thi.

bharatapur ke mahaaraajaaon ki soochi

mukhya aakarshan

bharatapur raashtreeya udyaan

bharatapur raashtreeya udyaan kevalaadev ghana ke naam se bhi jaana jaata hai. kevalaadev naam Bhagwan Shiv ko samarpit mandir se liye gaya hai jo is udyaan ke beech mein sthit hai. ghana naam ghane vanon ki or sanket karta hai jo ek samay is udyaan ko gher hue the. yahaan kareeb 375 prajaatiyon ke pakshi paae jaate hain jinmein yahaan rahane vaale aur pravaasi pakshi shaamil hain. yahaan Bhaarat ke anya bhaagon se to pakshi aate hi hain saath hi Europe, saaiberiya, cheen, Tibet aadi jagahon se bhi pravaasi pakshi yahaan aate hain. pakshiyon ke alaava saanbhar, cheetal, neelagaaya aadi pashu bhi yahaan paae jaate hain.

ganga mahaaraani mandir

yeh mandir shahar ka sabse sundar mandir hai. vaastukala ki rajput, mugal aur dakshin bhaarateeya shaili ka khoobsoorat mishran ganga mahaaraani mandir ka nirmaan mein bharatapur ke shaasak mahaaraaja balavant Singh ne karavaaya tha. mandir ki deevaaron aur khanbon par ki gayi baareek aur sundar nakkaashi darshaneeya hai. mandir ko poora hone mein 91 varsho ka lamba samay laga. poore desh se hajaaron shraddhaalu yahaan darshan karne aate hain.

keval shraddha ki drushti se hi naheen balki apne adbhut vaastushilp ke kaaran bhi yeh mandir logon ko aakarshit karta hai. devi ganga ki moorti ke alaava bharatapur ke is mandir mein magaramachh ki ek vishaal moorti hai jinhein devi ganga ka vaahan bhi maana jaata hai. har saal bhakt haridvaar se gangaajal laakar devi ke charanon ke paas rakhe vishaal rajat paatr mein daalte hain. maana jaata hai ki jab devi ganga apna divya aasheervaad is jal mein daalati hai tab yeh jal bhakton ke beech prasaad ke roop mein baant diya jaata hai.

baanke bihaari mandir

baanke bihaari mandir Bhaarat ke sabse prasiddh mandiron mein se ek hai. maana jaata hai ki yahaan Bhagwan Krishna bhakton ki sabhi aakaankshaaon ko poora karte hain. bharatapur ka baanke bihaari mandir Bhaarat ke un mandiron mein se ek hai jahaan hamesha saikadon logon ki bheed lagi rahati hai. aarti se pehle Bhagwan ki pratima ko vastr aur aabhooshanon se sajaaya jaata hai. mukhya kaksh ke baahar baraamade ki deevaaron par Bhagwan Krishna ke bachapan ko darshaate chitr dekhe ja sakte hain. mandir ki deevaaron aur chhaton par anek devi devataaon ki sundar tasveerein banaai gayi hain.

Lakshman mandir

Lakshman mandir ka nirmaan mahaaraaja balavant Singh ne 1870 mein karavaaya tha. unke pita mahaaraaja baladev Singh shri sant das ke sampark mein aae aur tab unhonne is mandir ki neenv rakhi. shri sant das Lakshman ji ke bhakt the aur jeevanaparyant unke prati samarpit rahe. is mandir ki neenv rakhane ke baad mahaaraaja baladev Singh ne balavant Singh ko apna uttaraadhikaari ghoshit kar diya. mandir ko poora karaane ka shreya mahaaraaja balavant Singh ko jaata hai.

mandir ke mukhya garbhagruh mein lakshmanaji aur urmila ji ki pratimaaen sthaapit hain, lekin inke alaava Ram, bharat, shatrughan aur hanumaan ki chhoti moortiyaan bhi yahaan dekhi ja sakti hain. ye sabhi pratimaaen ashtaghaatu se bani hain. yeh mandir pattharon par ki gayi khoobsoorat nakkaashi ke liye prasiddh hai.

lohaagadh kila

mahaaraaja soorajamal ne ek abhedhya kile ki parikalpana ki thi, jiske antargat shart yeh thi ki paisa bhi kam lage aur majabooti me bemishaal ho| raaja sahab ne is vishay par mantriyo darabaariyo tatha vidvtjno se gahan vichaar vimarsh kiya gaya, tatkaaleen yuddh ke saadhano ev unki maarak kshamata ka dhyaan rakhate hue kila banaane ka nirnaya liya gaya jiske falsvaroop kile ke dono taraf majaboot darvaaje jinme nukeele lohe ki salaakhe lagaayi gayi| us samay topo tatha baarud ka prachalan atyadhik tha, jisse kilo ki majaboot se majaboot deevaaro ko aasaani se dhahaaya ja sakta tha | isaliye pehle kile ki chaudi chaudi majaboot patthar ki oochi oochi pracheere banaai gayi, ab in par topo ke golo ka asar nahi ho iske liye in deevaaro ke chaaro or saikado foot chaudi kachchi mitti ki deevaar banaai gayi aur neeche saikado foot gahari aur chaudi khaai bana kar usame paani bhara gaya, jisse dushaman ke dvaara topo se gole deevaaro par daagane par vo mitti me dhas kar dam tod de aur agar neeche ki or prahaar kare to paani me shaant ho jaaye | aur paani ko paar kar sapaat deevaar par chadhana to mushkil hi nahi asmbhav tha | mushkil vakt me kile ke daravaajo ko band karke sainik sirf pakki deevaaro ke peechhe aur daravaajo par morcha lekar poore kile ko aasaani se abhedya bana lete the | jis kile me leshamaatr bhi loha nahi laga aur apni abhedyata ke bal par lohagadh kahalaaya | jisne samay samay par dushmano ke daant khatte kiye aur apna loha manabaane ko shatru ko majaboor kiya | aise the bharatapur ke dooradrshi raaja | lohaagadh kile ka nirmaan 18veen shataabdi ke aarambh mein jaat shaasak mahaaraaja soorajamal ne karavaaya tha. yeh kila bharatapur ke jaat shaasakon ki himmat aur shaurya ka prateek hai. apni suraksha pranaali ke kaaran yeh kila lohaagadh ke naam se jaana gaya. kile ke chaaron aur gahari khaaiyaan hain jo ise suraksha pradaan karti hain. yadyapi lohaagadh kila is kshetr ke anya kilon ke samaan vaibhavashaali naheen hain lekin iski taakat aur bhavyata adbhut hai. kile ke andar mahatvapoorn sthaan hain: kishori mahal, mahal khaas, moti mahal aur kothi khaas. soorajamal ne mugalon aur angrejon par apni jeet ki yaad mein kile ke andar Jawahar burj aur fateh burj banavaae. yahaan ashtadhaatu se nirmit ek dwaar bhi hai jismein haathiyon ke vishaal chitr bane hue hain.

aas-paas ke darshaneeya sthal

deeg ke mahal

bharatapur se 34 kimi. uttar mein deeg naamak baagon ka khoobsoorat nagar hai. shahar ke mukhya aakarshanon mein manamohak udyaan, sundar favvaar aur bhavya jalamahal shaamil hain. yeh shahar badi sankhya mein paryatakon ko apni or aakarshit karta hai. deeg ke raaj mahalon mein nirmit gopaal bhavan ka nirmaan 1780 mein kiya gaya tha. khoobsoorat bageechon se saje is bhavan se gopaal saagar ka adbhut najaara dekha ja sakta hai. bhavan ke donon or do chhoti imaaratein hain jinhein saavan bhavan aur bhaado bhavan ke naam se pukaara jaata hai.


deeg ka kila

bharatapur ke aaspaas ghoomana tab tak adhoora hai jab tak deeg kila naheen dekh liya jaata. raaja soorajamal ne is kile ka nirmaan kuchh oonchaai par karavaaya tha. kile ka mukhya aakarshan hai yahaan ki vauch tower, jahaan se na keval poore mahal ko dekha ja sakta hai balki neeche shahara ka najaara bhi liya ja sakta hai. iske oopar ek bandook rakhi hai jo Agra kile se yahaan laai gayi thi. khaai, oonchi deevaaron aur dvaaron ke ghir is kile ke avashesh maatr ki dekhe ja sakte hain.

pakshi vihaar evam kevalaadev Ghana raashtreeya udyaan

Asia mein pakshiyon ke, samooh prajaatiyon wala sarvashreshth udyaan hai, ke liye prasiddh hai. bharatapur ki garm jalavaayu mein sardiyaan bitaane pratyek varsh saaiberiya ke durlabh saaras yahaaain aate hai.

ek samay mein bharatapur ke raajakunvaron ki shaahi shikaaragaah raha yeh udyaan vishv ke uttam pakshi vihaaron mein se ek hai jismein paani vaale pakshiyon ki chaar sau se adhik prajaatiyon ki bharamaar hai. garm taapamaan mein sardiyaan bitaane Afghanistan, madhya Asia, Tibet se pravaasi chidiyon ki mohak kismein tatha aarkatik se saaiberiyn, saaiberiya se bhoore pairon vaale hans aur cheen se dhaareedaar sir vaale hans July-August mein aate hain aur October - nabambar tak unka pravaas kaal rahata hai.


udyaan ke chaaron or jalakauvon, spoonabil, lakalak bagulon, jalasinh ibis aur bhoore bagoolon ka samooh dekha ja sakta hai.