bharatanaatyam

bharatanaatyam nrutya

bharatanaatyam ya chadhir attam mukhya rup se dakshin Bhaarat ki shaastreeya nrutya shaili hai. yeh bharat muni ke naatya shaastr (jo 400 ipoo ka hai) par aadhaarit hai. vartamaan samay mein is nrutya shaili ka mukhya rup se mahilaaon dvaara abhyaas kiya jaata hai. is nrutya shaili ke preranaastrot Chidambaram ke praacheen mandir ki moortiyon se aate hain.

bharatanaatyam ko sabse praacheen nrutya maana jaata hai| is nrutya ko Tamil Nadu mein devadaasiyon dvaara viksit va prasaarit kiya gaya tha| shuroo shuroo mein is nrutya ko devadaasiyon ke dvaara viksit hone ke kaaran uchit sammaan naheen mil paaya| lekin beesavi sadi ke shuroo mein E. Krishna ayyar aur rukeemani devi ke prayaason se is nrutya ko dubaara sthaapit kiya gaya| bharat naatyam ke do bhaag hote hain ise saadhaaranat do anshon mein sampann kiya jaata hai pehla nrutya aur dusara abhinay| nrutya shareer ke angon se utpann hota hai ismein ras, bhaav aur kaalpanik abhivyakti jaroori hai|

bharatanaatyam mein shaareerik prakriya ko teen bhaagon mein baanta jaata hai -: samabhang, abhang, tribhang bharat naatyam mein nrutya kram is prakaar hota hai| aalaaripu - is ansh mein kavita(solloo kuttoo ) rahati hai| isi ki chhand mein aavruti hoti hai| tishr ya mishr chhand tatha karataal aur mrudang ke saath yeh ansh anushthit hota hai, ise is nrutyaanushthaan ki bhoomika kaha jaata hai| jaateesvaram - yeh ansh kala gyaan ka parichay dene ka hota hai ismein nartak apne kala gyaan ka parichay dete hain| is ansh mein svar maalika ke saath raag roop pradarshit hota hota hai jo ki uchch kala ki maang karta hai| shabdam - ye teesare number ka ansh hota hai| sabhi anshon mein yeh ansh sabse aakarshak ansh hota hai| shabdam mein naatyabhaavon ka varnan kiya jaata hai| iske liye bahuvichitr tatha laavanyamaya nrutya pesh karek naatyabhaavon ka varnan kiya jaata hai. varnam - is ansh mein nrutya kala ke alag alag varnon ko prastut kiya jaata hai| varnam mein bhaav, taal aur raag teenon ki prastuti hoti hai| bharatanaatyam ke sabhi anshon mein yeh ansh bharatanaatyam ka sabse chunauti poorn ansh hota hai| padam - is ansh mein saat panktiyukt vandana hoti hai| yeh vandana sanskrut, telugu, tamil bhaasha mein hoti hai| isi ansh mein nartak ke abhinay ki majabooti ka pata chalta hai| tillaana - yeh ansh bharatanaatyam ka sabse aakhiri ansh hota hai| is ansh mein bahuvichitr nrutya bhangimaaon ke saath saath naari ke saundarya ke alag alag laavanayon ko dikhaaya jaata hai|

ang

iske teen pramukh ang hain:

  • naatya: is ang mein nrutya ke maadhyam se kalaakaar katha kehta hai.
  • nrut: is ang mein taalon ka prayog hota hai.
  • nrutya: yeh nrut aur naatya ka mikshan hain.

r