bharat chakravarti

bharat chakravarti, pratham teerthankar rishabhadev ke jyeshth putr the. jain aur hindu puraanon ke anusaar vah chakravarti samraat the aur unhi ke naam par Bhaarat ka naam "bhaaratavarsh" pada.[1]

hindu granth, skand puraan (adhyaaya 37) ke anusaar: "rishabhadev naabhiraaj ke putr the, rishabh ke putr bharat the, aur inke hi naam par is desh ka naam "bhaaratavarsh" pada"|[2]

rishabho marudevyaashch rishabhaat bharato bhavet
bharataad bhaaratan varshan, bharataat sumatistvabhoot
— vishnu puraan (2, 1, 31)
rishabh marudevi ko paida hue the, bharat rishabh ko paida hue the,
bhaaratavarsh bharat se uga aur sumati bharat se ugi

tatashch bhaaratan varshametallokeshugeeyate
bharataaya yat: pitra dattan pratishthita vanam
- vishnu puraan (2, 1, 32)
yeh bhoomi tab se bhaaratavarsh ke roop mein jaani jaati hai
jab se pita apne putr bharat ko raajya saunp kar tapasya ke liye jungle mein gaye


anukram

aadipuraan

bharat chakravarti dvaara dekhe gaye 16 svapn. yeh vartamaan (dukhama) kaal se jude the.

10 vi sadi mein likhe gaye aadipuraan mein rishabhadev, bharat aur baahubali ke das janmon ke baare mein bataaya gaya hai. [3][4]

janm aur bachapan

bharat ke janm se poorv unki maata ne 6 svapn dekhe. rishabhadev ne unhein inka arth samajhaaya aur bataaya ki baalak pratham chakravarti banega.[5][6] bharat ki bahan hui braahmi.[7] bharat ko mukhya roop se nyaaya ki shiksha mili.[8]

chakravarti

jain kaalachakr ke anusaar har kaal mein 63 salaakaapurush janm lete hai. iname se 12 chakravarti hote hai, jo sampoorn vishv par raaj karte hai. chakravarti sabke aadarsh maane jaate hai.[9] bharat avasarpini (vartamaan kaal) ke pratham chakravarti the.[10]

sapt ratn

jain granthon ke anusaar chakravarti ke paas saat ratn hote hai-

  1. sudarshan chakr
  2. raani
  3. rathon ki vishaal sena
  4. aabhooshan
  5. apaar sampada
  6. ghodon ki vishaal sena
  7. haathiyon ki vishaal sena

raaj

jab rishabhadev ne muni banane ka nishya kiya, tab unhonne apna saamraajya apne 100 putron mein baaaint diya |[11][12] iske pashchaat bharat ne vishv vijeta banane ka nishya kiya. sampoorn vishv par vijay karne ke pashchaat chakravarti banane ke liye unhonne apne bhaaiyon se adheenata sveekaarane ko kaha. 98 bhaaiyon ne apne putron ko raajya saunp kar jaineshvari deeksha le li, parantu baahubali ne unhein yuddh ke liye lalkaara.[13] jhagada sulajhaane ke liye teen tarah ke yuddh hue:

  1. drushti yuddh
  2. jal yuddh
  3. mal yuddh

baahubali yuddh mein jeet gaye par unhein sansaar se vairaagya ho gaya aur vah muni ban gaye.[14][15]

bharat ne karm yug mein neeti raaj ki shuruaat ki.[16] unhonne chaar tarah ke dand nishchit kiye.[17] aadipuraan ke anusaar unhonne braahman varn ki shuruaat ki[18], par yeh braahman jaati aaj ki braahman jaati se bahut bhinn thi.[19] bharat ke paas paas avadhi gyaan tha|[20] sabhi chakravartiyon ki tarah bharat bhi sansaar ki aasaarata jaan muni ban gaye aur ant mein moksh gaye.

mandir

shravanabelagola ke chandragiri naamak pahaadi par bharat ki pratima

shravanabelagola mein bharat ka ek mandir hai. irinjaalakooda (koodalamanichkaam) bharat mandir asal mein ek jain mandir tha jiske moolanaayak siddh bharat the.[21]

inhein bhi dekhein

sandarbh

sandarbh soochi