bhaktivedaant svaami prabhupaad

shreel bhaktivedaant svaami prabhupaad

shreel bhaktivedaant svaami prabhupaad ((1 sitmbar 1896 – 14 November 1977)) beesaveen sadi ke ek prasiddh gaudeeya vaishnav guru tatha dharmaprachaarak the. unhonne vedaant, Krishna-bhakti aur isse sambandhit kshetron par apne vichaar rakhe aur krushnabhaavana ko pashchimi jagat mein pahuainchaane ka kaam kiya. ye bhaktisiddhaant thaakur sarasvati ke shishya the jinhonne inko angreji bhaasha ke maadhyam se vaidik gyaan ke prasaar ke liye prerit aur utsaahit kiya. inhone iskaun (ISKCON) ka sansthaapan kiya aur kai vaishnav dhaarmik granthon ka prakaashan aur sanpaadan kiya.

inka janm ka naam abhaya charan de tha aur ye kalaktta mein janme the. san 1922 mein Calcutta mein bhaktisiddhaant thaakur se milne ke baad unhone shreemadabhagvadgeeta par ek tippani likhi, gaudeeya math ke kaarya mein sahayog diya tatha 1944 mein bina kisi ki sahaayata ke ek anrgeji aarambh ki jiske sanpaadan, tankan aur parishodhan (yaani proof reeding) ka kaam swayam kiya. ni:shulk pratiyaaain bechakar bhi iske prakaashan k jaari rakha. san 1947 mein gaudeeya vaishnav samaaj ne inhein bhaktivedaant ki upaadhi se sammaanit kiya. san 1959 mein sanyaas grahan ke baad unhonne vrundaavan mein shreemadabhaagavatapuraan ka anek khandon mein angreji mein anuvaad kiya. aaranbhik teen khand prakaashitkarane ke baad san 1965 mein apne gurudev ke anushthaan k sampann karne America ko nikle jahaaain san 1966 mein unhonne antarraashtreeya krushnabhaavanaamrut sangh (ISKCON) ki sthaapana ki. san 1968 mein prayog ke taur par varjeeniya (America) ki pahaadiyon mein nav-vrundaavan ki sthaapana ki. do hajaar ekad ke is samruddh krushi kshetr se prabhaavit hokar unke shishyon ne anya jagahon par bhi aise samudaayon ki sthaapana ki. 1972 mein teksas ke dalaas mein gurukul ki sthaapana kar praathamik aur maadhyamik shiksha ki vaidik pranaali ka sootrapaat kiya.

unke granthon ki praamaanikta, gaharaai aur unasamein jhalakata unka adhyayan atyant maanya hai. Krishna ko srushti ka sarvesarva ke roop mein sthaapit karna aur anuyaayiyon ke mukh par hare Krishna hare Krishna Krishna Krishna hare hare ,hare Ram hare Ram Ram Ram hare hare ka uchchaaran sadaiv rakhane ki pratha inke dvaara sthaapit hui hai.