bhakti yog

is sandook ko: dekhein samvaad

hindu dharm
par ek shreni ka bhaag

Om
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm

HinduSwastika.svg

hindu maapan pranaali

bhakti yog bhajanakuryaamisht devata mein anuraag rakh kar aantarik vikaas. bhajan keertan vsatsang karna.

bhaktiyog kya hai?[1]

yeh yog bhaavanaapradhaan aur premi prakruti vaale vyakti ke liye upayogi hai. vah ishvar se prem karna chaahata hai aur sabhi prakaar ke kriya-anushthaan, pushp, gandh-dravya, sundar mandir aur moorti aadi ka aashray leta aur upayog karta hai. prem ek aadhaarbhoot evam saarvabhaum sanveg hai. yadi koi vyakti mrutyu se darata hai to iska arth yeh hua ki use apne jeevan se prem hai. yadi koi vyakti adhik svaarthi hai to iska taatparya yeh hai ki use svaarth se prem hai. kisi vyakti ko apni patni ya putr aadi se vishesh prem ho sakta hai. is prakaar ke prem se bhaya, ghruna athva shok utpann hota hai. yadi yahi prem paramaatma se ho jaaya to vah muktidaata ban jaata hai. jyon-jyon ishvar se lagaav badhta hai, nashvar saansaarik vastuon se lagaav kam hone lagta hai. jab tak manushya svaarthayukt uddeshya lekar ishvar ka dhyaan karta hai tab tak vah bhaktiyog ki paridhi mein naheen aata. paraabhakti hi bhaktiyog ke antargat aati hai jismein mukti ko chhodkar anya koi abhilaasha naheen hoti. bhaktiyog shiksha deta hai ki ishvar se, shubh se prem isliye karna chaahiye ki aisa karna achhi baat hai, na ki svarg paane ke liye athva santati, sampatti ya anya kisi kaamna ki poorti ke liye. vah yeh sikhaata hai ki prem ka sabse badh kar puraskaar prem hi hai aur swayam ishvar prem svaroop hai. vishnu puraan (1-20-19) mein bhaktiyog ki sarvottam paribhaasha di gayi hai

ya preetirvivekaanaan vishyeshvanapaayini.

tvaamanusmarat: sa me hrudayaanmaapasamarpatu .

''he ishvar! ajnyaaani janon ki jaisi gaadhi preeti indriyon ke bhog ke naashavaan padaarthon par rahati hai, usi prakaar ki preeti meri tujhamein ho aur tera smaran karte hue mere hrudaya se vah kabhi door na hove.'' bhaktiyog sabhi prakaar ke sanbodhanon dvaara ishvar ko apne hrudaya ka bhakti-arghya pradaan karna sikhaata hai- jaise, srushtikrta, paalanakarta, sarvashaktimaan, sarvavyaapi aadi. sabse badhkar vaakyaansh jo ishvar ka varnan kar sakta hai, sabse badhkar kalpana jise manushya ka man ishvar ke baare mein grahan kar sakta hai, vah yeh hai ki 'ishvar prem svaroop hai'. jahaaain kaheen prem hai, vah parameshvar hi hai. jab pati patni ka chumban karta hai, to vahaaain us chumban mein vah ishvar hai. jab maata bachche ko doodh pilaati hai to is vaatsalya mein vah ishvar hi hai. jab do mitr haath milaate hain, tab vahaaain vah paramaatma hi premamaya ishvar ke roop mein vidyamaan hai. maanav jaati ki sahaayata karne mein bhi ishvar ke prati prem prakat hota hai. yahi bhaktiyog ki shiksha hai.

bhaktiyog bhi aatmasanyam, ahinsa, imaandaari, nishhalata aadi gunon ki apeksha bhakt se karta hai kyonki chitt ki nirmalata ke bina ni:svaarth prem sambhav hi naheen hai. praarambhik bhakti ke liye ishvar ke kisi svaroop ki kalpit pratima ya moorti (jaise durga ki moorti, Shiv ki moorti, Ram ki moorti, Krishna ki moorti, ganesh ki moorti aadi) ko shraddha ka aadhaar banaaya jaata hai. kintu saadhaaran star ke logon ko hi iski aavashyakta padti hai.

inhein bhi dekhein

sandarbh

  1. http://vishwahindusamaj.com/bhaktiyoga.htm