bhagavati charan vohara

mahaan kraantikaari bhagavati charan vohara

bhagavati charan vohara (4 July 1904 - 28 May 1930)) Bhaarat ke svatantrata sangraam ke mahaan kraantikaari the. ve Hindustan prajaataantrik soshalist party ke sadasya aur bhagat Singh ke saath hi ek pramukh siddhaantakaar hote hue bhi giraftaar nahi kiye ja sake aur na hi ve faansi par chadhe. unki mrutyu bam parikshan ke dauraan durghatana mein hui.

parichay

bhagavati charan vohara ka janm July 1903 mein Agra mein hua tha. unke pita Shiv charan vohara railway ke ek uchch adhikaari the. baad mein ve Agra se Lahore chale aaye. unka parivaar aarthik roop se sampann tha. bhagavati charan ki shiksha-deeksha Lahore mein hui. unka vivaah bhi kam umr mein kar diya gaya. patni ka naam durga tha. baad ke daur mein unki patni bhi kraantikaari kaaryo ki sakriya sahayogi bani. kraantikaariyo dvaara diya gaya " durga bhaabhi " sanbodhan ek aam sanbodhan ban gaya.

Lahore national kaalej mein shiksha ke dauraan bhagavati charan ne rusi kraantikaariyo se prerana lekar chhaatro ki ek adhyayan mandali ka gathan kiya tha. raashtra ki paratantrata aur usase mukti ke prashn par kendrit is adhyayan mandali mein niyamit roop se shaamil hone vaalo mein bhagat Singh, sukhadev aadi pramukh the. baad mein chalakar inhi logo ne naujavaan Bhaarat sabha ki sthaapana ki. padhaai ke dauraan 1921 mein hi bhagavati charan Gandhi ji ke aahvaan par padhaai chhodakar asahayog aandolan mein kood pade the.

baad mein aandolan vaapas hone par inhone kaalej ki padhaai poori ki. beee ki pareeksha paas ki saath hi naujavaan Bhaarat sabha ke gathan aur kaarya ko aage badhaaya. is sabha ke general sekreti bhagat Singh aur propeganda (prachaar) sekreti bhagavati charan the. April 1928 mein naujavaan Bhaarat sabha ka ghoshana patra prakaashit hua. bhagat Singh va anya saathiyo se salaah - mashavire se masavide ko taiyaar karne ka kaam bhagavati charan vohara ka tha. naujavaan Bhaarat sabha ke utkarsh mein bhagavati charan aur bhagat Singh ka hi pramukh haath tha. bhagat Singh ke alaava ve hi sangathan ke pramukh siddhaantakaar the. kraantikaari vichaarak, sangathanakarta, vakta, prachaarakarta, aadarsh ke prati nishtha va pratibdhata tatha uske liye aparaajeya himmat - hausala aadi saare gun bhagavati charan mein vidyamaan the. kisi kaam ko poore manoyog ke saath poora karne mein bhagavati charan bejod the. 1924 mein suprasiddh kraantikaari shacheendranaath saanyaal dvaara "Hindustan- prajaataantrik sangh ke ghoshana patra - di rivolyooshanari" ko 1 January 1925 ko vyaapak se vitrit karne ki pramukh jimmedaari bhagavati charan par hi thi. jise unhonne bakhoobi poora kiya. baad ke daur mein sangathan ke saathiyo mein bhagavati charan ke baare mein yeh sandeh failaaya gaya ki ve see0 I 0 dee0 ke aadmi hai aur usase tanakhvaah paate hai. in aaropon ko lagaane ke peechhe us samay sangathan mein aaye ve log the jinhein kisi kaam ka jokhim nahi uthaana tha. isliye bhi ve log bahuaayaami vyaktitv ke dhani bhagavati charan par aarop lagaakar na keval khud netruttv mein aana chaahate the. balki kraantikaari kaaryavaahiyon par rok bhi lagaana chaahate the. aise logo ka yeh uddeshya bhi tha ki sangathan ke kaam ko aapasi bahas, mubaahisa, prachaar aur paisa jama karne ke kaam tak seemit kar diya jaae. bhagavati charan par si 0 I 0 dee0 ka aarop lagaane vaalo mein pramukh sajjan jayachandr vidyaalankaar the. ve un dinon national kaalej ke adhyaapak bhi the. naujavaan kraantikaari toli par unke pad, gyaan va vidvata ki dhaak bhi thi. bhagavati charan aise aaropon se beparavaah rahate hue kraantikaari kaaryo ko aage badhaane mein lage rahate the. unka kehna tha ki " jo uchit hai use karte jaana unka kaam hai. safaai dena aur naam kamaana unka kaam nahi hai. "

bhagavati charan Lucknow ke kaakori case, Lahore shadyantr case aur fir laala laajapat rai ko maarane vaale angrej saarjeint - saandars ki hatya mein bhi aaropit the. par na to kabhi pakade gaye aur na hi kraantikaari kaaryo ko karne se apna pair peechhe kheecha. is baat ka saboot yeh hai ki itne aaropon se ghire hone ke baad bhi bhagavati charan ne special train mein baithe vaayasaraaya ko chalti train mein hi uda dene ka bharpoor prayaas kiya. is kaam mein yashapaal, indrapaal, bhaagaaraam unke sahayogi the. maheene bhar ki taiyaari ke baad niyat tithi par gujarati special train ke neeche bam - bisfot karne mein log kaamayaab bhi ho gaye. parantu vaayasaraaya bach gaya. train mein khaana banaane aur khaana khaane wala dibba kshatigrast ho gaya aur usame ek aadmi ki maut ho gayi.

inhein bhi dekhein

baahari kadiyaaain