bhaarateeya darshan mein parmaanu

is lekh mein sandarbh ya sootr naheen diye gaye hain.
krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (November 2015)

bhaarateeya darshan mein parmaanu ka ullekh paashchaatya vigyaan se kai sadi pehle hi ho gaya tha. parmaanu aur anu, kai maton ke anusaar ek hi tatv se do naam hain. bhinn bhinn darshan ke anusaar paramaanuon ka apne tareeke se varnan kiya gaya hain. parantu iska saaraansh yeh hi niklata hain ki parmaanu padaarth ka sabse sookshm ang hain, jiska adhik vibhaajan saadhya naheen.

anukram

vyupatti

parmaanu sanskrut bhaasha ke do shabdon ka mel hain - param + anu. param arthaat sarvotkrusht tatha anu arthaat sabse chhota hissa. tat:, parmaanu aur anu ka sthool roop se arth ek hi hain. par chooainki vigyaan mein anu se laghu, uske vibhaajit ango ko sambodhit kiya gaya hain, isliye avibhaajya parmaanu ko anu se bhinn samajhna galat naheen.

vaisheshik darshan

vaisheshik mein chaar bhooton ke chaar tarah ke parmaanu maane hain — pruthvi parmaanu, jal parmaanu, tej parmaanu aur vaayu-parmaanu. paaainchava bhoot aakaash vibhu hai. isse uske tukade naheen ho sakte. parmaanu isaliye maanane pade hain ki jitne padaarth dekhne mein aate hain sab chhote chhote tukadon se bane hain. in tukadon mein se kisi ek ko lekar baraabar tukade karte gaye to ant mein aise tukade honge jo dikhaai na padeinge.

vaisheshikon ka siddhaant hai ki kaaran gunapoorvak hi kaarya ke gun hote hain, at: jaise gun parmaanu mein honge vaise hi gun unase bani hui vastuon mein hoge. jaise, gandh, gurutv aadi jis prakaar pruthvi parmaanu mein rahate hain usi prakaar sab paarthiv vastuon mein hote hain.

paramaanuvaad

nyaaya aur vaisheshik ke mat se inheen paramaanuon ke sanyog se pruthvi aadi dravyon ki utpatti hui hai jiska kram prashastapaad bhaashya mein is prakaar likha gaya hain -

jab jeevon ke karmakal ke bhog ka samay aata hai tab maheshvar ki us bhog ke anukool srushti karne ki ichha hoti hai. is ichha ke anusaar jeevon ke addasht ke bal se vaayu paramaanuon mein chalan utpann hota hai. is chalan se un paramaanuon mein paraspar sanyog hota hai. do do paramaanuon ke milne se 'dvayanuk' utpann hote hain. teen dvayanuk milne se 'trasarenu'. chaar dvayanuk milne se 'chaturanuk' ityaadi utpann ho jaate hain. is prakaar ek mahaan vaayu utpann hota hai. usi vaayu mein jal paramaanuon ke paraspar sanyog se jaladvayanuk jalatraseranu aadi ki yojana hote hote mahaan jalanidhi utpann hota hai. is jalanidhi mein pruthvi paramaanuon ke sanyog se dvayanukaadi kram se mahaapruthvi utpann hoti hai. usi jalanidhi mein tejas paramaanuon ke paraspar sanyog se mahaan tejoraashi ki utpatti hoti hai. isi kram se chaaro mahaabhoot utpann hote hain. yahi sankshep mein vaisheshikon ka paramaanuvaad hai.

tarkaamrut