bhaarateeya charaagaah evam chaara anusandhaan sansthaan, Jhansi

bhaarateeya charaagaah evam chaara anusandhaan sansthaan (Indian Grassland and Fodder Research Institute) uttar pradesh ke Jhansi mein sthit hai. iski sthaapana 1962 mein hui thi. Jhansi mein is sansthaan ki sthaapana karne ka mukhya kaaran yahaaain sabhi pramukh ghaason ka paaya jaana bhi tha. tatpashchaat san 1966 mein iska prashaasanik niyantran bhaarateeya krushi anusandhaan parishad, nai Delhi ko saunpa gaya.

sansthaan ne apne sthaapana kaal se hi chaara utpaadan va upayog ke vibhinn pahaluon par anusandhaan kar raashtreeya evam antararaashtreeya star par usaka prachaar-prasaar karne aur samanvit vikaas karne mein aham bhoomika nibhaayi hai. iske atirikt sansthaan mein akhil bhaarateeya chaara samanvit pariyojana ka sanchaalan bhi kiya ja raha hai. saath hi sansthaan ke uddeshyon ki poorti ke liye desh-videsh ke sahayog se anya pariyojanaaen safalataapoorvak sanchaalit ki ja raheen hain.

jalavaayu tatha krushi ki kshetreeya aavashyakataaon ko dhyaan mein rakhakar Bhaarat ke anya bhaagon mein is sansthaan ke teen kshetreeya anusandhaan kendra sthaapit kiye gaye hain jo Ambika nagar (Rajasthan), dhaaravaad (Karnataka) evam paalamapur (Himachal pradesh) mein sthit hain.

adhidesh

sansthaan ke mukhya lakshya nimnavat hain:

  • chaara fasalon ke aanuvaanshik sansaadhanon ka sankalan, sanvardhan, sangrahan evam unnat kismon ka vikaas.
  • chaara fasalon evam charaagaahon ke vikaas, utpaadan evam upabhog par aadhaarbhoot tatha yojanaabaddh anusandhaan.
  • chaara fasalon evam charaagaahon par hone vaale anusandhaan kaaryon ka samanvayan evam sankalan.
  • chaara fasalon evam charaagaahon ke kshetr mein visheshajnyaata evam salaah upalabdh karaana.
  • pashupaalan vyavasaaya ke liye maanav sansaadhan ka vikaas evam takaneeki sthaanaantaran.

inhein bhi dekhein

baahari kadiyaaain