bhaaratabhooshan Agrawal

bhaaratabhooshan Agrawal chhaayaavaadottar hindi kavita ke ek sashakt hastaakshar hain. ve ajnyaeya dvaara sanpaadit taarasaptak ke mahatvapoorn kavi hain.


jeevan parichay

kavi, lekhak aur samaalochak bhaaratabhooshan Agrawal ka janm 3 August 1919 (tulasi-jayanti) ko Mathura (u.pr.) ke sataghada mohalle mein hua. unka nidhan 23 June 1975 (soor-jayanti) ko hua. inhonne Agra tatha Delhi mein uchch shiksha praapt ki fir aakaashavaani mein tatha mein tatha anek saahityik sansthaaon mein seva ki. Patrick vyavasaaya se door, unhonne saahitya rachana ko hi apna karm maana. pehla kaavya-sangrah 'chhavi ke bandhan' (1941) prakaashit hone ke baad, ve maaravaadi samaaj ke mukhapatr 'samaaj sevak' ke sampaadak hokar Calcutta gaye. yaheen unka parichay baangla saahitya aur sanskruti se hua. bhaaratabhooshanaji 'taarasaptak' (1943) mein mahatvapoorn kavi ke roop mein sammilit hue aur apni kavitaaon tatha vaktavyon ke liye charchit hue. apni anya krutiyon 'jaagate raho' (1942), 'muktimaarg' (1947) ke lekhan ke dauraan ve Allahabad se prakaashit patrika 'prateek' se bhi jude aur 1948 mein aakaashavaani mein kaaryakram adhikaari bane. 1959 mein unka ek sangrah 'O aprastut man' prakaashit hua, jo unki rachanaatmak paripkvata aur vaichaarik praudhta ka nidrshan tha.

pramukh krutiyaaain

chhavi ke bandhan, jaagate raho, O aprastut man, anupasthit log, muktimaarg, ek utha hua haath, utana vah sooraj hai utana vah sooraj hai kavita-sangrah par saahitya academy puraskaar, ek utha hua haath, utana vah sooraj hai, ahinsa, chalte-chalte, parinti, prashnachihn, foota prabhaat, bhaaratatv, milan, vida bela, videh, samaadhi lekh.

saahitya akaademi ke upasachiv

dau॰ bhaaratabhooshan Agrawal 1960 mein saahitya academy ke upasachiv bane aur akaademi ke prakaashanon tatha kaaryakramon ko raashtreeya star par pratishthit karne mein apna yogadaan diya. 1975 mein ve ushatar adhyayan sansthaan, Shimla ke vijiting felo bane aur mrutyuparyant 'bhaarateeya saahitya mein desh-vibhaajan' vishay par shodh karte rahe. apni vyangyamukhar prakharata ke naate unki rachanaaen jahaan apne samakaaleenon se sarvatha alag prateet hoti hain, vahaan aaj bhi utani hi mahatvapoorn aur praasangik bani hui hain. vibhinn vidhaaon mein samaan roop se lekhan mein siddhahast dau॰ Agrawal ki rachanaaon mein vishesh roop se ullekhaneeya hain- bahut baaki hai, anupasthit log, kaagajke fool, prasangavash aur kavi ki drushti. unki rachanaavali chaar khandon mein prakaashit ho chuki hai.