bhaai paramaanand

chitr:Bhai Parmanand 1546.gif
bhaai paramaanand ka ek durlabh chitr

bhaai paramaanand (janm: 4 November 1876 - mrutyu: 8 December 1947) bhaarateeya svatantrata sangraam ke mahaan kraantikaari the. bhaai ji bahuaayaami vyaktitv ke svaami the. ve jahaaain aaryasamaaj aur vaidik dharm ke ananya prachaarak the, vaheen itihaasakaar, saahityamaneeshi aur shikshaavid ke roop mein bhi unhonne khyaati arjit ki thi. sardaar bhagat Singh, sukhadev, pan॰ Ram prasaad 'bismil', karataar Singh saraaba jaise asankhya raashtrabhakt yuvak unase prerana praapt kar bali-path ke raahi bane the.

deshbhakti, raajaneetik drudhta tatha svatantr vichaarak ke roop mein bhaai ji ka naam sadaiv smaraneeya rahega. aapne kathin tatha sankatapoorn sthitiyon ka datakar saamana kiya aur kabhi vichlit naheen hue. aapne hindi mein Bhaarat ka itihaas likha hai. itihaas-lekhan mein aap raajaaon, yuddhon tatha mahaapurushon ke jeevanavrutton ko hi pradhaanata dene ke paksh mein na the. aapka spasht mat tha ki itihaas mein jaati ki bhaavanaaon, ichhaaon, aakaankshaaon, sanskruti evam sabhyata ko bhi mahatva diya jaana chaahiye. aapne apne jeevan ke sansmaran bhi likhe hain jo yuvakon ke liye aaj bhi prerana dene mein saksham hain.

anukram

jeevani

bhaai ji ka janm 4 November 1876 ko jila jehalam (ab Pakistan mein sthit) ke kariyaala gram ke ek braahman parivaar mein hua tha. inke pitaaji ka naam bhaai taaraachandr tha. isi paavan kul ke bhaai matidaas ne hindu dharm ki raksha ke liye guru tegabahaadur ji ke saath Delhi pahuainchakar aurangajeb ki chunauti sveekaar ki thi. san 1902 mein bhaai paramaanand ne Punjab vishvavidyaalaya se snaatakottar ki upaadhi praapt ki aur Lahore ke dayaanand englo mahaavidyaalaya mein shikshak niyukt hue.

Bhaarat ki praacheen sanskruti tatha vaidik dharm mein aapki ruchi dekhkar mahaatma hansaraaj ne aapko bhaarateeya sanskruti ka prachaar karne ke liye October, 1905 mein Africa bheja. darban mein bhaai ji ki Gandhiji se bheint hui. Africa mein aap tatkaaleen pramukh kraantikaariyon sardaar ajeet Singh, soofi anbaaprasaad aadi ke sanrpak mein aae. in kraantikaari netaaon se sambandh tatha kaantikaari dal ki kaaravaahi police ki drushti se chhip na saki. Africa se bhaai ji landan chale gaye. vahaaain un dinon shri shyaamaji Krishna varma tatha vinaayak Damodar saavarakar kraantikaari kaaryon mein sakriya the. bhaai ji in donon ke sampark mein aaye.

bhaai ji san 1907 mein Bhaarat laut aaye. dayaanand vaidik mahaavidyaalaya mein padhaane ke saath-saath ve yuvakon ko kraanti ke liye prerit karne ke kaarya mein sakriya rahe. sardaar ajeet Singh tatha laala laajapat rai se unka nikat ka sampark tha. isi dauraan Lahore police unke peechhe pad gayi. san 1910 mein bhaai ji ko Lahore mein giraftaar kar liya gaya. kintu sheegra hi unhein jamaanat par riha kar diya gaya. iske baad bhaai ji amareeka chale gaye. vahaaain unhonne pravaasi bhaarateeyon mein vaidik (hindu) dharm ka prachaar kiya. vahaaain maartanak upanivesh (Martinique) mein aapki prakhyaat kraantikaari laala haradayaal se bheint hui. Bhaarat mein kraanti karaane ke liye pramukh kaaryakartaaon ke dal ko yahaaain sanghatit kiya ja raha tha. laala haradayaal ki prerana se aap bhi is dal mein sammilit ho gaye. karataar Singh saraaba, vishnu ganesh pingale tatha anya yuvakon ne unki prerana se apna jeevan Bhaarat ki svaadheenata ke liye samarpit karne ka sankalp liya. 1913 mein Bhaarat lautakar bhaai ji pun: Lahore mein yuvakon ko kraanti ki prerana dene ke kaarya mein sakriya ho gaye.

bhaai paramaanand ne dakshin America ke kai british upaniveshon ka daura kiya aur laala haradayaal se saan frainsisko mein pun: mile. gadar party ke sansthaapakon mein ve bhi shaamil the. san 1914 mein ek vyaakhyaan yaatra ke liye ve laala haradayaal ke saath portalaind gaye tatha gadar party ke liye 'tavaarikhe-hind' (Bhaarat ka itihaas) naamak granth ki rachana ki. bhaai ji dvaara likhi pustak "tavaareekhe-hind" tatha unke lekh yuvakon ko sashastr kraanti ke liye prerit karte the.

Bhaarat mein kraanti karne ke uddeshya (tathaakathit 'gadar shadayantr') se ve Bhaarat laut aaye. unhone daava kiya tha ki unke saath paaainch hajaar kraantikaari (gadari) Bhaarat aaye the. gadar kraanti ke netaaon mein ve bhi the. unako peshaavar mein kraanti ka netrutv karne ka jimma diya gaya tha. 25 fravari 1915 ko Lahore mein gadar party ke anya sadasyon ke saath bhaai ji ko bhi giraftaar kar liya gaya. unke viruddh amareeka tatha inglaind mein angreji satta ke viruddh shadyantr rachane, karataar Singh saraaba tatha anya anek yuvakon ko sashastr kraanti ke liye prerit karne, aapattijanak saahitya ki rachana karne jaise aarop lagaakar faaainsi ki saja suna di gayi. saja ka samaachaar milte hi deshbhar ke log udvign ho uthe. antat: bhaai ji ki faaainsi ki saja radd kar unhein aajeevan kaaraavaas ka dand dekar December, 1915 mein andamaan (kaala paani) bhej diya gaya.

udhar bhaai ji jail mein amaanaveeya yaatanaaeain sahan kar rahe the, idhar unki dharmapatni shreemati bhaagyasudhi dhanaabhaav ke baavajood poorn svaabhimaan aur saahas ke saath apne parivaar ka paalan-poshan kar rahi theen.

andamaan ki kaal kothari mein bhaai ji ko geeta ke upadeshon ne sadaiv karmath banaae rakha. jail mein shreemadbhagavadgeeta sambandhi likhe gaye anshon ke aadhaar par unhonne baad mein "mere ant samay ka aashray" naamak granth ki rachana ki. raajanaitik bandiyon ko kathor kaaraavaas ke viruddh bhaai ji ne do maheene ka bhookh hadtaal kiya. gaandheeji ko jab kaalaapaani mein unhein amaanaveeya yaatanaaeain diye jaane ka samaachaar mila to unhonne 19 November 1919 ke "yang India" mein ek lekh likhkar yaatanaaon ki kathor bhartsana ki. unhonne bhaai ji ki rihaai ki bhi maaaing ki. 20 April 1920 ko bhaai ji ko kaalaapaani jail se mukt kar diya gaya.

kaalepaani ki kaalakothari mein paaainch varshon mein bhaai ji ne jo amaanaveeya yaatanaaeain sahan keen, bhaai ji dvaara likhit "meri aapabeeti" pustak mein unka varnan padhkar rongate khade ho jaate hain. pro॰ dharmaveer dvaara likhit "kraantikaari bhaai paramaanand" granth mein bhi in yaatanaaon ka romaanchakaari varnan diya gaya hai.

jail se mukt hokar bhaai ji ne pun: Lahore ko apna kaarya kshetr banaaya. laala laajapataraaya bhaai ji ke ananya mitron mein the. unhonne raashtreeya vidyaapeeth (national kaalej) ki sthaapana ki to usaka kaaryabhaar bhaai ji ko saunpa gaya. isi kaalej mein bhagatasinh va sukhadev aadi padhte the. bhaai ji ne unhein bhi sashastr kraanti ke yagya mein aahutiyaaain dene ke liye prerit kiya. bhaai ji ne "veer banda vairaagi" pustak ki rachana ki, jo poore desh mein charchit rahi.

Congress tatha gaandhi ji ne jab muslim tushteekaran ki ghaatak neeti apnaai to bhaai ji ne usaka kada virodh kiya. yahi kaaran hai ki ve Congress ke aandolanon se door rahe. ve jagah-jagah hindu sangathan ke mahatva par bal dete the. bhaai ji ne "hindu" patra ka prakaashan kar desh ko khandit karne ke shadyantron ko ujaagar kiya. bhaai ji ne san 1930 mein hi yeh bhavishyavaani kar di thi ki muslim netaaon ka antim uddeshya maatrubhoomi ka vibhaajan kar Pakistan ka nirmaan karna hai. bhaai ji ne yeh bhi chetaavani di thi ki Congressi netaaon par vishvaas na karo, ye kisi din vishvaasaghaat kar desh ka vibhaajan karaayeinge.

baad mein aap hindu mahaasabha mein sammilit ho gaye. mahaamana pandit madanamohan maalaveeya ka nirdesh evam sahayog aapko baraabar mila. san‌ 1933 E. mein aap akhil bhaarateeya hindu mahaasabha ke Ajmer adhiveshan mein adhyaksh chune gaye.

jab bhaai ji ki bhavishyavaani satya siddh hui tatha Bhaarat vibhaajan aur Pakistan ke nirmaan ki ghoshana hui to bhaai ji ke hrudaya mein ek aisi vedana panapi ki ve usase Uber naheen paaye tatha 8 December 1947 ko unhonne is sansaar se vida le li.

bhaai ji ke suputr dau॰ bhaai mahaaveer aaj bhi apne poojya pitaashri ke padachinhon par chalte hue raashtra aur hindu samaaj ki seva mein sakriya hain. unki smruti ko banaaye rakhane ke liye Delhi mein ek vyaapaar adhyayan sansthaan ka naamakaran unke naam par kiya gaya hai.

krutiyaaain

bhaai ji dvaara likhit "hindu sangathan", "Bhaarat ka itihaas", "do laharon ki takkar", "mere ant samay ka aashray", "Punjab ka itihaas", "veer banda vairaagi", "meri aapabeeti" aadi saahitya aaj bhi is mahaan vibhooti ki paavan smruti ko akshunn rakhe hue hain.

inhein bhi dekhein

baahari kadiyaaain