benito musolini

benito musolini (1140)

benito musolini (29julaai, 1882 - 28 April 1945) Italy ka ek raajaneta tha jisne raashtreeya faisist party ka netrutv kiya. vah faaseevaad ke darshan ki neenv rakhane vaalon mein se pramukh vyakti tha. usane doosare vishvayuddh mein eksis samooh mein milkar yuddh keeya. ve hitlar ke niktatam raajaneetijnya the. inka jeevan avasaravaad, aavaaraapan aur pratibha ke mishran se bana kaha gaya hai. unki goli maarkar hatya ki gayi.

jeevani

musolini ka janm 1883 ki 29 July ko Italy ke pridaapyo naamak gaaainv mein hua tha. athaarah varsh ki avastha mein ye ek paathashaala mein adhyaapak bane. 19 saal ki umr mein benito bhaagakar Switzerland chale gaye. vahaaain ve majadoori karte aur saath hi raat ko samaajavaadiyon se milte-julate aur samaajavaad ka adhyayan karte. vahaaain se lautakar kuchh samay tak sena mein kaarya kiya. taduparaant ghar lautakar unhonne samaajavaadi aandolan mein bhaag lena jaari rakha aur saath hi ve patrakaarita mein lag gaye. 1912 tak ve samaajavaadi dal ke mukhapatr "aavaanti" ke sampaadak ban gaye.

1914 mein pratham mahaayuddh chhidne ke saath musolini ne samaajavaadiyon ki tarah yeh maanane se inkaar kiya ki Italy ko nishpaksh rahana chaahiye. ve chaahate the ki Italy Britain aur France ke paksh mein ladaai mein utare. is kaaran unhein "aavaanti" ke sampaadak pad se alag hona pada aur ve dal se nikaal diye gaye.

benito musolini (1117)

1919 ke 23 March ko musolini ne apne dhang se raajaneeti mein ek nae sangathan ko janm diya. is dal ka naam tha "faasi-di-kanbaattimeinti". ismein unhonne unheen logon ko liya jo 1914 mein unke vichaar ke the. ismein mukhyat: bhootapoorv sainik aae. desh is prakaar ke kaaryakram ke liye taiyaar tha kyonki samaajavaadi kamjor the, bhootapoorv sainikon mein bekaari fail gayi thi, bhrashtaachaar badh gaya tha, raashtreeyata ka jor ho raha tha aur logon mein antararaashtreeya samaajavaad ke prati anaastha utpann ho gayi thi. musolini dheere-dheere shaktishaali hote gaye aur ek chatur avasaravaadi hone ke kaaran sabhi avsaron se ve laabh uthaate rahe, yahaaain tak ki faasiston ne rom par 30 October 1922 ko kabja kar liya. sarkaari sena ke tatasth ho jaane se yeh sambhav hua.

musolini ne 1935 mein abeeseeniya par hamla kiya aur kaha ja sakta hai ki yaheen se dviteeya mahaayuddh ka praarambh hua. antararaashtreeya kshetr mein hitlar aur musolini ka gathabandhan ho chuka tha aur jab dviteeya mahaayuddh chhida to hitlar aur musolini Europe mein ek taraf the aur doosari taraf Britain tatha France. kramash: ismein aur bhi shaktiyaaain aati gain. pehle hitlar ki vijay hui, fir faasiston ki paraajaya shuroo hui.

paraajayon ke kaaran 25 July 1943 tak aisi sthiti ho gayi ki musolini ko pradhaan mantri pad se isteefa dena pada aur ve hiraasat mein le liye gaye. par September mein hi hitlar ne unhein chhudaaya aur ve uttar Italy mein ek kathaputali raajya ke pradhaan ke roop mein sthaapit kiye gaye.

iske baad bhi faasist haarate hi chale gaye aur 26 April 1945 ko mitr senaaeain Italy pahuainch gain. desh ke gupt pratirodhakaariyon ne inka saath diya. usi din musolini Switzerland bhaagane ki cheshta karte hue pratirodhakaariyon dvaara pakad liye gaye aur 28 April 1945 ko unhein mrutyudand diya gaya.

inhein bhi dekhein