behula

sati behula ya bihula ya behula ((baangla : বaaেaaহaaুaaলaaা) (angika : bihula) madhyakaaleen baangla saahitya mein maanasamangal evam isi prakaar ke kai anya kaavyakrutiyon ki naayika hai. terahaveen se atthaarahaveen shati ki avadhi mein is katha par aadhaarik bahut si rachanaaen ki gayeen. in krutiyon ka dhaarmik uddeshya manasa devi ki mahatta ka pratipaadan karna tha kintu ye krutiyaaain behula evam evam unke pati baala lakhandar ke pavitra prem ke liye adhik jaane jaate hain. yeh bihula-bishhari ki katha praacheen Bhaarat ke shodash janapadon me se ek angadesh (vartamaan Bihar ke Bhaagalpur,munger jilon ke aaspaas ka kshetr) ki rajdhani chanpa (vartamaan me Bhaagalpur jile ke naathanagar ke chanpaanagar) ki hai. mahaabhaarat ke samay yahaaain ke raaja karn hua karte the aisa maana jaata hai.

sati bihula ki katha Bhojpuri-bhaashi kshetr mein ek geetakatha ke roop mein gaai jaati hai. saamaanyataya yeh nichli jaatiyon ki katha ke roop mein prachalit hua karti thi parantu ab yeh jaati ki seemaaon ko laaaingh kar sarvapriya katha ke roop mein sthaapit hai aur ab yeh naari maatr ke utsarg ke abhootapoorv pratimaan ke uddharan ki katha ke roop mein sthaapit hai.[1] kyonki kahaani ke anusaar apni kathor tapasya se sati behula ne apne pati ko jeevit kar dikhaaya tha.

sankshipt kathaasaar

champa nagari mein chandradhar saudaagar naamak ek dhani vaishya tha. vah param Shiv-bhakt tha, kintu manasa devi se usaka bada virodh tha. isi virodh ke kaaran manasa devi ne chandradhar ke chhah putron ko vishdhar naagon se dansava kar marava daala. saatavein putr lakshmeechandr ka vivaah ujjayini ke dhaarmik saadhu naamak vaishya ki param sundari saadhvi kanya behula ke saath hua. lakshmeechandr ki kundali dekhkar jyotishiyon ne bata diya tha ki vivaah ki pratham raatri mein hi saanp ke kaatne se iski mrutyu ho sakti hai. chandradhar ne lohe ka aisa majaboot ghar banavaaya, jismein vaayu bhi pravesh na kar sake, magar manasa devi ne bhavan-nirmaata se chhota-sa chhed chhod dene ke liye kah diya. vivaah-raatri ko naagin ne lakshmeechandr ko dans liya aur vah mar gaya. saare ghar mein shor mach gaya. tab usaki patni behula ne kele ke paudhe ki naav banvaai aur pati ke shav ko lekar, usamein baith gayi. usane laal saadi pahan rakhi thi aur sindoor laga rakha tha. nadi ki laharein us shav ko bahut door le gain. vah apne pati ko pun: jinda karne par tuli hui thi. bahut dinon tak usane kuchh naheen khaaya, jisse usaka shareer sookh gaya tha. lakshmeechandr ke shareer se durgandh bhi aane lagi thi. uske saare shareer mein keede pad gaye the. maatr usaka kankaal hi shesh rah gaya tha.

behula naav ko kinaare ki or le chali. usane vahaan ek dhobin ke mukh se tej tapakate dekha. uske kathor tap ko dekhkar hi manasa devi ne use vahaan bheja tha. usane behula se kaha, "tum mere saath devalok mein chal kar apne nrutya se mahaadev ko rijha do to tumhaare pati pun: jinda ho jaaenge." behula ne usaki salaah maan li. vah uske saath chal padi pati ki asthiyaan uske vakshasthal se chipki theen. vah apne pati ki smruti se unmatt hokar nrutya karne lagi. saara Dave samudaaya dravit ho gaya. manasa devi bhi dravit ho gain. lakshmeechandr jeevit ho gaya aur iske saath hi behula ka naam amar ho gaya.

sandarbh