beej

vibhinn paudhon ke beej
beej ki mool aantarik rachana

beej (seed) paudhon ka janak hota hai. beejon ko jameen mein ropane tatha upayukt mausami dasha upalabdh karaane se ve ankur bante hai tatha ped paudhon mein viksit hote hai.

anukram

beej ka mahatva

manusmruti mein kaha gaya hai-

akshetre beejamutsrushtamantaraiv vinshyati.
abeejakamapi kshetran kevalan sthandilan bhavet..
subeejam sukshetre jaayate sanvardhate

uparokt shlok dvaara spasht kiya gaya hai ki anupayukt bhoomi mein beej bone se beej nasht ho jaate hain aur abeej arthaat gunavattaaheen beej bhi khet mein keval laathadi bankar rah jaata hai. keval subeej-arthaat achha beej hi achhi bhoomi se bharpoor utpaadan de sakta hai. ab yeh jaanana aavashyak hai ki subeej kya hai subeejam su tatha beejam shabd se mil kar bana hai. su ka arth achha aur beejam ka arth beej arthaat achha beej. achha beej jaanane ke poorv yeh jaanana bhi aavashyak hai ki beej kya hai?

vaanaspatik paribhaasha

k) aisi rachana jo saadhaaranataya garbhaadhaan ke baad bhroon se viksit hoti hai beej kahalaati hai.

kh) vistaaraneeya aisi ikaai ko bhran se utpann hoti hai beej kahalaati hai.

g) aisa paripakva bhroon jismein ek paudha chhipa hota hai. aur paudhon ke aaranbhik poshan ke liye khaadya saamagri ho tatha yeh beej kavach se dhaka ho aur anukool paristhitiyon mein ek svasth paudha dene mein samarth ho, beej kahalaata hai.

gh) oksafod shabdakosh ke prushth 2708 ke anusaar paudhe ka bhroon ya paudh ka bhaag jo bone ke uddeshya se ikattha kiya gaya ho, beej kahalaata hai.

ङ) enasaaiklopeediya britaanika ke anusaar beej vah aakruti hai jismein bhroon baahari raksha kavach (beej aavaran) se dhaka ho iske atirikt khaadya padaarth endosparm ke roop mein upalabdh ho tatha yahaan yeh padaarth enpdosparm ke roop mein na ho yahaan, beej patron ke roop mein ho. beej ka vikaas ande va sparm ke garbhaadhaan kriya ke dvaara hota hai. aur is prakaar se utpann yugmaj mein koshika tatha naabhakeeya vibhaajan hota hai tatha bhroon ke roop mein viksit hota hai beej nirmaan ki yeh prakriya vibhinn paudhon mein bhinn-bhinn prakaar se hoti hai.

beej khara to bhandaar bhara

kai prakaar ke mishrit beejon ka ankuran

desh ke sinchit kshetr mein anaaj ki do pramukh fasalein ugaai jaati hain gehooain aur dhaan. in fasalon ka utpaadan badhaane ke liye, fasal ko rogon se bachaane ke liye aur achhi kism ka anaaj paane ke liye unnat kism ke beej viksit kiye gaye hain. gehuain aur dhaan ke alaava mote anaaj, daalein, tilhan tatha fal-sabjiyon ki unnat kismein bhi taiyaar hui hain. aise beej kisaan ko upalabdh ho sakein, is disha mein bhi baraabar prayaas ho rahe hain.

beej kahaan se praapt karein

har teen ya chaar varsh baad beej badalna ek achhi neeti hai, jiske parinaamasvaroop fasal achhi hoti hai. achhi upaj ke liye pramaanit beej ka prayog karein, jo ki achhe sansthaan se hi praapt ho sakta hai. isse achha jamaav aur beej ki kism ki uttamata ke vishay mein sunishchitta hoti hai, saath-saath beej shaareerik beemaariyon se mukt hota hai.

inhein bhi dekhein

baahari kadiyaaain