barlin ki deevaar

"Irgendwann fäaallt jede Mauer" - "antat: har deevaar girti hai"

barlin ki deevaar (jarman: Berliner Mauer barleenar maauar) pashchimi barlin aur jarman lokataantrik ganaraajya ke beech ek avarodh thi jisne 28 saal tak barlin shahar ko poorvi aur pashchimi tukadon mein vibhaajit karke rakha. iska nirmaan 13 August 1961 ko shuru hua aur 9 November, 1989 ke baad ke saptaahon mein ise tod diya gaya. barlin ki deevaar andaruni jarman seema ka sabse pramukh bhaag thi aur sheet yuddh ka pramukh prateek thi.

barlin ki deevaar ka ek bhaag. beech ke "mrutyu kshetr" mein bachakar bhaagane vaale pravaasi seema rakshakon ke liye seedha nishaana bante the. deevaar ke ek or bhittichitr dekhe ja sakte hain. ye keval pashchimi barlin ki taraf banaae ja sakte the, poorvi barlin ki or aisa karna sakht mana tha.

dviteeya vishvayuddh ke baad jab Germany ka vibhaajan ho gaya, to sainkadon kaareegar aur vyavasaayi pratidin poorvi barlin ko chhodkar pashchimi barlin jaane lage. bahut se log raajanaitik kaaranon se bhi samaajavaadi poorvi Germany ko chhodkar pooainjeevaadi pashchimi Germany jaane lage (jarman: Republikflucht). isse poorvi Germany ko aarthik aur raajanaitik roop se bahut haani hone lagi. barlin deevaar ka uddeshya isi pravaasan ko rokana tha. is deevaar ke vichaar ki kalpana vaaltar ulbrikht ke prashaasan ne ki aur soviyt neta nikita khrushchev ne ise manjoori di.

barlin ki deevaar banane se yeh pravaas bahut kam ho gaya - 1949 aur 1962 ke beech mein jahaaain 25 lakh logon ne pravaas kiya vaheen 1962 aur 1989 ke beech keval 5,000 logon ne. lekin is deevaar ka banana samaajavaadi gut ke prachaar tantr ke liye bahut bura saabit hua. pashchim ke logon ke liye yeh samaajavaadi atyaachaar ka prateek ban gayi, khaas taur par jab bahut se logon ko seema paar karte hue goli maar di gayi. bahut se logon ne seema paar karne ke anokhe tareeke khoje - surang banaakar, garam hava ke gubbaaron se, deevaar ke oopar gujarati taaron par khiskakar, ya tej raftaar gaadiyon se sadak avarodhon ko todte hue.

1980 ke dashak mein soviyt aadhiptya ke patan hone se poorvi Germany mein raajanaitik udaareekaran shuroo hua aur seema niyamon ko dheela kiya gaya. isse poorvi Germany mein bahut se pradarshan hue aur antat: sarkaar ka patan hua. 9 November 1989 ko ghoshana ki gayi ki seema par aavaagaman par se rok hata di gayi hai. poorvi aur pashchima barlin donon or se logon ke bade bade samooh barlin ki deevaar ko paarakar ek-doosare se mile. agale kuchh saptaahon mein ullaas ka maahaul raha aur log dheere-dheere deevaar ke tukade todkar yaadagaar ke liye le gaye. baad mein bade upakaranon ka prayog karke ise dhaha diya gaya.

barlin deevaar ke girne se poore Germany mein raashtravaad ka udaya hua aur poorvi Germany ke logon ne Germany ke punarekeekaran ke liye manjoori de di. 3 October 1990 ko Germany fir se ek ho gaya.

sandarbh

baahari kadiyaaain