bappa raaval

bappa raaval (713-810) mevaad raajya (gohil raajavansh) ke sansthaapak raaja the. janm- 713 mrutyu- 810 (andaajan)

parichay

bappa raaval bappa ya baapa vaastav mein vyaktivaachak shabd naheen hai, apitu jis tarah "Bapu" shabd mahaatma Gandhi ke liye roodh ho chuka hai, usi tarah aadarasoochak "baapa" shabd bhi mevaad ke ek nrupavishesh ke liye prayukt hota raha hai. guhil vanshi raaja kaalabhoj ka hi doosra naam baapa maanane mein kuchh aitihaasik asangati naheen hoti. iske prajaasarankshan, desharakshan aadi kaamon se prabhaavit hokar hi sambhavat: janta ne ise baapa padavi se vibhooshit kiya tha. mahaaraana kunbha ke samay mein rachit ekaling mahaatmya mein kisi praacheen granth ya prashasti ke aadhaar par baapa ka samay sanvat 810 (san 753) E. diya hai. ek doosare ekaling maahaatmya se siddh hai ki yeh baapa ke raajyatyaag ka samay tha. yadi baapa ka raajyakaal 30 saal ka rakha jaae to vah san 723 ke lagbhag gaddi par baitha hoga. usase pehle bhi uske vansh ke kuchh prataapi raaja mevaad mein ho chuke the, kintu baapa ka vyaktitv un sabse badhkar tha. chittaud ka majaboot durg us samay tak mori vansh ke raajaaon ke haath mein tha. parampara se yeh prasiddh hai ki haareet rishi ki krupa se baapa ne maanamori ko maarkar is durg ko hastagat kiya. taud ko yaheen raaja maanaka vi. san. 770 (san 713 E.) ka ek shilaalekh mila tha jo siddh karta hai ki baapa aur maanamori ke samay mein vishesh antar naheen hai.

chittaud par adhikaar karna koi aasaan kaam na tha. anumaan hai ki baapa ki vishesh prasiddhi arabon se safal yuddh karne ke kaaran hui. san 712 E. mein muhammad kaasim se sindhu ko jeeta. uske baad arabon ne chaaron or dhaave karne shuru kiye. unhonne chaavadon, mauryon, saindhavon, kachhellon aur goorjaron ko haraaya. maaravaad, maalava, mevaad, Gujarat aadi sab bhoobhaagon mein unki senaaeain chha gain. is bhayankar kaalaagni se bachaane ke liye ishvar ne Rajasthan ko kuchh mahaan vyakti diye jinmein vishesh roop se pratihaar samraat naagabhat pratham aur baapa raaval ke naam ullekhya hain. naagabhat pratham ne arabon ko pashchimi Rajasthan aur maalave se maar bhagaaya. baapa ne yahi kaarya mevaad aur uske aaspaas ke pradesh ke liye kiya. maurya (mori) shaayad isi arab aakraman se jarjar ho gaye hon. baapa ne vah kaarya kiya jo mori karne mein asamarth the aur saath hi chittaud par bhi adhikaar kar liya. baapa raaval ke muslim deshon par vijay ki anek dantakathaaeain arabon ki paraajaya ki is sachchi ghatna se utpann hui hongi.

dau॰ gaureeshankar heeraachand ojha ne Ajmer ke sone ke sikke ko baapa raaval ka maana hai. iska tol 115 gren (65 ratti) hai. is sikke mein saamane ki or oopar ke hisse mein maala ke neeche shri bopp lekh hai. baain or trishool hai aur usaki daahini taraf vedi par shivling bana hai. iske daahini or nandi shivling ki or mukh kiye baitha hai. shivling aur nandi ke neeche dandavat karte hue ek purush ki aakruti hai. peechhe ki taraf chamar, soorya aur chhatr ke chinh hain. in sabke neeche daahini or mukh kiye ek gau khadi hai aur usi ke paas doodh peeta hua bachhada hai. ye sab chinh bapa raaval ki shivbhakti aur uske jeevan ki kuchh ghatnaaon se sambaddh hain.


bappa raaval ke baare mein kuchh tathyon

"bappa raaval"

  • janm - 713-14 E.
  • bappa raaval ko "kaalabhoj" ke naam se bhi jaana jaata hai
  • inke samay chittaud par maurya shaasak maan mori ka raaj tha

734 E. mein bappa raaval ne 20 varsh ki aayu mein maan mori ko paraajit kar chittaud durg par adhikaar kiya

  • vaise to guhilaaditya/guhil ko guhil vansh ka sansthaapak kehte hain, par guhil vansh ka vaastavik sansthaapak bappa raaval ko maana jaata hai
  • bappa raaval ko haareet rishi ke dvaara mahaadev ji ke darshan hone ki baat mashahoor hai
  • ekaling ji ka mandir - Udaipur ke uttar mein kailaashapuri mein sthit is mandir ka nirmaan 734 E. mein bappa raaval ne karavaaya | iske nikat haareet rishi ka aashram hai |
  • aadi varaah mandir - yeh mandir bappa raaval ne ekaling ji ke mandir ke peechhe banavaaya
  • 735 E. mein hajjaat ne raajapootaane par apni fauj bheji | bappa raaval ne hajjaat ki fauj ko hajjaat ke mulk tak khaded diya |
  • bappa raaval ki takareeban 100 patniyaaain theen, jinmein se 35 muslim shaasakon ki betiyaaain theen, jinhein in shaasakon ne bappa raaval ke bhaya se unhein byaah Dean |
  • 738 E. - arab aakramanakaariyon se yuddh

ye yuddh vartamaan Rajasthan ki seema ke bheetar hua bappa raaval, pratihaar shaasak naagabhatt pratham va chaalukya shaasak vikramaaditya dviteeya ki sammilit sena ne al hakam bin alaava, taameem bin jaid al utabi va junaid bin abdularahamaan al muri ki sammilit sena ko paraajit kiya

  • bappa raaval ne sindhu ke muhammad bin kaasim ko paraajit kiya
  • bappa raaval ne gajni ke shaasak saleem ko paraajit kiya
  • inhonne apni rajdhani naagada rakhi
  • kaviraaj shyaamaladaas ke shishya gaureeshankar heeraachand ojha ne Ajmer ke sone ke sikke ko baapa raaval ka maana hai. iska tol 115 gren (65 ratti) hai. is sikke mein saamane ki or oopar ke hisse mein maala ke neeche shri bopp lekh hai. baain or trishool hai aur usaki daahini taraf vedi par shivling bana hai. iske daahini or nandi shivling ki or mukh kiye baitha hai. shivling aur nandi ke neeche dandavat karte hue ek purush ki aakruti hai. peechhe ki taraf chamar, soorya aur chhatr ke chinh hain. in sabke neeche daahini or mukh kiye ek gau khadi hai aur usi ke paas doodh peeta hua bachhada hai. ye sab chinh bapa raaval ki shivbhakti aur unke jeevan ki kuchh ghatnaaon se sambaddh hain.
  • 753 E. mein bappa raaval ne 39 varsh ki aayu mein sanyaas liya

inka samaadhi sthaan ekalingapuri se uttar mein ek meal door sthit hai is tarah inhonne kul 19 varshon tak shaasan kiya

  • shilaalekhon mein varnan -

> kumbhalagadh prashasti mein bappa raaval ko vipravansheeya bataaya gaya hai > Abu ke shilaalekh mein bappa raaval ka varnan milta hai > keerti stambh shilaalekh mein bhi bappa raaval ka varnan milta hai > ranakapur prashasti mein bappa raaval va kaalabhoj ko alag-alag vyakti bataaya gaya hai | haalaanki aaj ke itihaasakaar is baat ko naheen maanate | > Colonel James taud ko 8veen sadi ka shilaalekh mila, jismein maanamori (jise bappa raaval ne paraajit kiya) ka varnan milta hai | Colonel James taud ne is shilaalekh ko samudra mein feink diya |

  • bappa raaval ka dehaant naagada mein hua, jahaaain inki samaadhi sthit hai.


.