banaaras gharaana

Shahid paravej Khan banaaras gharaane ke tabale ke jaadoogar pandit samata prasaad ke sang ek sangeet sabha mein.

banaaras gharaana bhaarateeya tabala vaadan ke chh: prasiddh gharaanon mein se ek hai.[1] ye gharaana 200 varshon se kuchh pehle khyaatipraapt pandit Ram sahaaya (1780-1826) ke prayaason se viksit hua tha. pandit Ram sahaaya ne apne pita ke sang paanch varsh ki aayu se hi tabala vaadan aarambh kiya tha. 9 varsh ki aayu mein ye Lucknow aa gaye evam Lucknow gharaane ke modhu Khan ke shishya ban gaye. jab Ram sahaaya maatr 17 varsh ke hi the, tab Lucknow ke naye navaab ne modhu Khan se poochha ki kya Ram sahaaya unke liye ek pradarshan kar sakte hain? kehte hain, ki Ram sahaaya ne 7 raaton tak lagaataar tabala-vaadan kiya jiski prashansa poore samaaj ne ki evam un par bheton ki barasaat ho gayi. apni is pratibha pradarshan ke baad Ram sahaaya banaaras vaapas aa gaye.

Shahid paravej Khan, banaaras gharaane ke anya bade mahaarathi pandit kishn mahaaraaj ke saath ek sabha mein.

kuchh samay uparaant Ram sahaaya ne paaramparik tabala vaadan mein kuchh badlaav ki aavashyakta mahasoos ki. agale chh: maah tak ye ekaantavaasi ho gaye aur is ekaantavaas ka parinaam saamane aaya, jise aaj banaaras-baaj kehte hain. ye banaaras gharaane ki vishisht tabala vaadan shaili hai. is nayi vaadan shaili ke peechhe pramukh uddeshya tha ki ye ekal vaadan ke liye bhi upayukt thi aur kisi anya sangeet vaadya ya nrutya ke liye sangat bhi de sakti thi. ismein tabale ko naajuk bhi vaadan kar sakte hain, jaisa ki khayaal ke liye chaahiye hota hai aur pakhaavaj ki tarah dhrupad ya kathak nrutya shaili ki sangat ke liye drut gati se bhi bajaaya ja sakta hai. Ram sahaaya ne tabala vaadan mein anguli ki thaap ka naya tareeka khoja, jo visheshakar na ki taal ke liye mahattvapoorn tha. ismein anguli ko modkar daahine mein adhiktam anunaad kanpan utpann kar sakte hain. inhonne tatkaaleen sanyojan praaroopon jaise jaise gat, tukada, paraan, aadi se bhi vibhinn sanyojan kiye, jinmein uthaan, banaarasi theka aur frd pramukh hain.

aaj banaarasi tabala gharaana apne shaktishaali roop ke liye prasiddh hai, haalaanki banaaras gharaane ke vaadak halke aur komal svaron ke vaadan mein bhi saksham hain. gharaane ko poorvi baaj me vargeekrut kiya gaya hai, jismein Lucknow, farrukhaabaad aur banaaras gharaane aate hain. banaaras shaili tabale ke adhik anunaadik thaapon ka prayog karti hai, jaise ki na aur dhin. banaaras vaadak adhimaanya roop se poore haath se thai-thai thaap dete hain, bajaay ek anguli se dene ke; jaise ki Delhi shaili mein dete hain. vaise banaaras baaj shaili mein donon hi thaap ekeekrut ki gayi hain. banaaras gharaane ke tabala vaadak tabala vaadan ki sabhi shailiyon mein, jaise ekal, sangat, gaayan evam nrutya sangat aadi mein paarangat hote hain.

banaaras gharaane mein ekal vaadan bahut ikasit hua hai aur kai vaadak jaise pandit shaarada sahaaya, pandit kishn mahaaraaj[2] aur pandit samata prasaad[3], ekal tabala vaadan mein mahaarat aur prasiddhi praapt hain. gharaane ke naye yug ke tabala vaadakon mein pan॰ Kumar Bose, pan.samar saaha, pan.baalakrushn aiyar, pan.shashaank bakhshi, sandeep das, paarthasaarathi mukharji, sukhavindar Singh naamadhaari, vineet vyaas aur kai anya hain. banaarasi baaj mein 20 vibhinn sanyojan shailiyon aur anek prakaar ke mishran prayukt hote hain.

sandarbh

  • sahaaya, shaarada end shefrd, fraansis A, 2000 play tabala, A mainyual for tabala pleing. sitingaborn:asian education press

baahari kadiyaaain