baluaa patthar

baluaa patthar ka shail

baalukaashm ya baluaa patthar (saindaston) aisi drudh shila hai jo mukhyataya baaloo ke kanon ka dabaav paakar jam jaane se banti hai aur kisi yojak padaarth se judi hoti hai. baaloo ke samaan iski rachana mein bhi anek padaarth vibhinn maatra mein ho sakte hain, kintu ismein adhikaansh sfatik hi hota hai. jis shila mein baaloo ke bahut bade bade daane milte hain, use mishrapindaashm aur jismein chhote chhote daane hote hain use baalumaya shail ya mrunmaya shail kehte hain.

parichay

baluaa patthar mein ve hi dhaatvik tatv haate hain, jo baaloo mein. sfatik ki bahutaayat hoti hai, jiske saath praaya: felsapaar tatha kabhi-kabhi shvet abhrak bhi hota hai. kabhi kabhi patthar ki vibhinn paraton ke beech mein abhrak ki tah si jami hui maaloom padti hai. Khan se patthar nikaalne mein is tah ka mahatvapoorn yogadaan hai. isi ke kaaran patthar ki patali paratein nikaali ja sakti hain, jo farsh banaane ke kaam aati hain. yojak padaarth praaya: baareek kailsidaani silika hota hai, kintu kabhi kabhi mool sfatik bhi yojak ka kaam karta hai. aisi dasha mein shila sfatik jaisi taiyaar hoti hai. kailsaait, glaukonaait, lauh oksaaid, kaarbaneeya padaarth aur anya anek prakaar ke padaarth bhi jodne ka kaam karte hain, tatha apna apna vishisht rang pradaan karte hain, jaise glaukonaait (glauconite) waali shilaaeain hari aur lohevaali laal, bhoori ya dhoosar hoti hain. jab yojak padaarth chikni mitti hota hai, tab shila praaya: shvet ya dhoosar varn ki hoti hai aur atyant drudhta se jami hui hoti hai.

20 guna aavardhit baluaa patthar

shuddh baluaa patthar mein 99% tak silika ho sakta hai. mulaayam patthar peesakar baaloo banaane ke kaam aata hai, kintu jo bahut drudhta se patthar jama hota hai, usaki intein bana li jaati hain. yeh bhatthiyon tatha aaingeethiyon mein astar lagaane ke kaam aati hain, kyonki silika atyant taapasah hota hai. gainistar (ganister) shila isi prakaar ki hoti hai. atyant drudhtaapoorvak jame, kuchh kam shuddh patthar sil, batte aur chakkiyaaain banaane ke kaam aate hain.

baluaa patthar daanedaar aur chhidral hota hai, isliye ispar achhi paulish naheen ki ja sakti aur na baareek kaam ho sakta hai, par moti gadhaai tatha kataai saaf aur sachchi ho sakti hai. isliye imaaraton mein iska bahuvidh upayog hota hai. aagare ka laal patthar musalmaanon ke jamaane se hi mahatvapoorn imaaraton mein lagaane ke liye door door tak bheja jaata hai. ab bhi sangeen chinaai mein safed aur laal baluaa patthar hi mukhyataya prayukt hote hain. ye praaya: khaanon se khodakar aur kabhi kabhi surang lagaakar nikaale jaate hain. panna ka safed patthar farshi chaukon ke roop mein door door tak bheja jaata hai. iske 10, 10, 12, 12 foot tak ke chauke nikaale ja sakte hain. patale chauke chhat par khaparail ki bhaaainti chhaae jaate hain. 10 se 12 foot paat tak ki chhaton mein iski dharanein bhi rakhi jaati hain, kintu chhaton par is prakaar iska upayog, dhulaai mainhagi hone ke kaaran, niktasth kshetron tak hi seemit hai. jahaaain doosra adhik kathor patthar suvidhaapoorvak naheen milta, vahaaain sadkon ke liye aur kankreet ke liye iski gitti bhi banaai jaati hai.

chhidral hone se iski paraton mein bhoomigat jal ekatr ho jaata hai, at: ye mahatvapoorn jalastrot hoti hain.

inhein bhi dekhein