bajadi

baajara fasal

fal roop mein lage baajare ke daane athva seete (Pennisetum glaucum)

baajara ek pramukh fasal hai. ek prakaar ki badi ghaas jiski baaliyon mein hare rang ke chhote chhote daane lagte hain. in daanon ki ginti mote annon mein hoti hai. praayaa: saare uttari, pashchimi aur dakshini Bhaarat mein log ise khaate hain. baajara mote annon mein sabse adhik ugaaya jaane wala anaaj hai. ise Africa aur bhaarateeya upamahaadveep mein praagetihaasik kaal se ugaaya jaata raha hai, yadyapi iska mool Africa mein maana gaya hai. Bhaarat mein ise baad mein prastut kiya gaya tha. Bhaarat mein ise isa poorv 2000 varsh se ugaaye jaane ke pramaan milte hai. iska matlab hai ki yeh Africa mein isse pehle hi ugaaya jaane laga tha. yeh pashchimi Africa ke sahal kshetr se nikal kar faila hai.

baajare ki visheshata hai sookha prabhaavit kshetr mein bhi ug jaana, tatha ooaincha taapakram jhel jaana. yeh amleeyata ko bhi jhel jaata hai. yahi kaaran hai ki yeh un kshetron mein ugaaya jaata hai jahaan makka ya gehooain nahi ugaaye ja sakte. aaj vishv bhar mein baajara 260,000 varg kilometer mein ugaaya jaata hai. mote ann utpaadan ka aadha bhaag baajara hota hai.

is anaaj ki kheti bahut si baaton mein jvaar ki kheti se milti julati hoti hai. yeh khareef ki fasal hai aur praay: jvaar ke kuchh peechhe varsha ritu mein boi aur usase kuchh pehle arthaat jaade ke aarambh mein kaati jaati hain. iske kheton mein khaad dene ya sinchaai karne ki vishesh aavashyakta naheen hoti. iske liye pehle teen chaar baar jameen jot di jaati hai aur tab beej bo diye jaate hain. ekaadh baar niraai karna avashya aavashyak hota hai. iske liye kisi bahut achhi jameen ki aavashyakta naheen hoti aur yeh saadhaaran se saadhaaran jameen mein bhi praay: achhi tarah hota hai. yahaaain tak ki Rajasthan ki balui bhoomi mein bhi yeh adhikta se hota hai. Gujarat aadi deshon mein to achhi karaari rooi bone se pehle jameen tayaar karne ke liya ise bote hain. baajare ke daanon ka aata peesakar aur usaki roti banaakar khaai jaati hai. iski roti bahut hi balavardhak aur pushtikaarak maani jaati hai. kuchh log daanon ko yon hi ubaalakar aur usamein namak mirch aadi daalkar khaate hain. is rup mein ise 'khichdi' kehte hain. kaheen kaheen log ise pashuon ke chaare ke liye hi vote hain. vaidyak mein yeh vaadi, garam, rookha, agnideepak pitt ko kupit karanevaala, der mein pachanevaala, kaantijnak, balavardhak aur striyon ke kaam ko badhaanevaala maana gaya hai.

baajare ka prayog Bhaarat tatha Africa mein roti, daliya tatha beer banaane mein hota hai. fasal ke bache bhaag ka prayog chaara\chaare, indhan tatha nirmaan kaarya mein bhi hota hai. vishv ke viksit bhaagon mein iska prayog bhojan mein na hokar chaare ke roop mein hota hai. murgi jo ise chaare ke roop mein khaati hai ke ando mein omega 3 faiti aml jyaada paaya jaata hai. doosare jantu bhi ise chaare ke roop mein khaakar adhik utpaadan karte hai.

isame proteen tatha ameeno aml paryaapt maatra mein mil jaate hai, isame Cancer kaarak taaksin nahi bante hai, jo ki makka tathajvaar mein ban jaate hai.

• rabi ki fasal
• khareef ki fasal
• jaayad ki fasal
• juaar
• kodo
• saaainva
• taangun
• chena
• kutaki

[1] [2]

• baajare ki laabhakaari kheti (kendreeya shushk kshetr anusandhaan sansthaan)
• baajara
• mote anaaj ka mahattv
• Millet Network of India (MINI)

• Crop Wild Relatives Gap Analysis Portal reliable information source on where and what to conserve ex-situ, regarding Pennisetum genepool
• Lost Crops of Africa: Volume I: Grains, Chapters 4-6 - released by the National Research Council in 1996
• Pearl Millet Thresher IDDS project