baitaal pacheesi

vikram aur betaal

baitaal pacheesi (vetaal pacheesi ya betaal pachcheesi ; sanskrut: betaalapanyachavinshatika) pachchees kathaaon se yukt ek katha granth hai. iske rachayita betaalabhatt bataaye jaate hain jo nyaaya ke liye prasiddh raaja vikram ke nau ratnon mein se ek the. ye kathaayein raaja vikram ki nyaaya-shakti ka bodh karaati hain. betaal pratidin ek kahaani sunaata hai aur ant mein raaja se aisa prashn kar deta hai ki raaja ko usaka uttar dena hi padta hai. usane shart laga rakhi hai ki agar raaja bolega to vah usase roothakar fir se ped par ja latakega. lekin yeh jaante hue bhi savaal saamane aane par raaja se chup naheen raha jaata.

parichay

baitaal pacheesi ki kahaaniyaaain Bhaarat ki sabse lokapriya kathaaon mein se hain. inka srot raaja saatavaahan ke mantri “gunaadhya” dvaara rachit “abad kahaa” (sanskrut: bruhatkatha) naamak granth ko diya jaata hai jiski rachana E. poorv 495 mein hui thi. kaha jaata hai ki yeh kisi puraani praakrut mein likha gaya tha aur isame 7 lakh chhand the. aaj iska koi bhi ansh kaheen bhi praapt naheen hai. Kashmir ke kavi somadev ne isko fir se sanskrut mein likha aur kathaasaritsaagar naam diya. badkaha ki adhiktam kahaaniyon ko katha saritsaagar mein sankalit kar diye jaane ke kaaran ye aaj bhi hamaare paas hain. “avetaal panchavinshati” yaani betaal pachcheesi “akatha sarit saagara” ka hi bhaag hai. samay ke saath in kathaaon ki prasiddhi anek deshon mein pahuainchi aur in kathaaon ka bahut si bhaashaaon mein anuvaad hua. betaal ke dvaara sunaai gayi yo rochak kahaaniyaaain sirf dil bahalaane ke liye naheen hain, inmein anek goodh arth chhipe hain. kya sahi hai aur kya galat, isko yadi ham theek se samajh le to sabhi prashaasak raaja vikram ki tarah nyaaya priya ban sakeinge aur chhal va dvesh chhodakar, karm aur dharm ki raah par chal sakeinge. is prakaar ye kahaaniyaaain nyaaya, raajaneeti aur vishn paristhitiyon mein sahi nirnaya lene ki kshamata ka vikaas karti hain.

inhein bhi dekhein

baahari kadiyaaain