baingan

baingan ka fala hua paudha
sabji jiske sir par taaj hai:- baingan

baigan (angreji: Brinjal) ek sabji hai. baingan Bhaarat mein hi paida hua aur aaj aaloo ke baad doosari sabse adhik khapat waali sabji hai. vishv mein cheen (54 pratishat) ke baad Bhaarat baingan ki doosari sabse adhik paidaavaar (27 pratishat) vaale desh hain. yeh desh mein 5.5 lakh hekteyar kshetrafal mein ugaaya jaata hai.

baingan ka paudha 2 se 3 foot ooaincha khada lagta hai. fal baingani ya haraapan liye hue peele rang ka, ya safed hota hai aur kai aakaar mein, gol, andaakaar, ya sev ke aakaar ka aur lamba tatha bade se bada football geind sa ho sakta hai. lanbaai mein ek foot tak ka ho sakta hai.

baingan Bhaarat ka deshaj hai. praacheen kaal se Bhaarat se iski kheti hoti aa rahi hai. ooainche bhaagon ko chhodkar samast Bhaarat mein yeh ugaaya jaata hai.

anukram

parichay

baingan maheen, samruddh, bhali bhaaainti jalotsaarit, balui dumat mitti mein achha upajata hai. paudhon ko khet mein baithaane ke poorv mitti mein sadi gobar ki khaad tatha amoniym salfet urvarak prayukt kiya ja sakta hain. prati ekad chaar gaadi raakh bhi daali ja sakti hai. baingan tushaaragraahi hai. mausam ke baad bone se fasal achhi naheen ugati.

saadhaaran taur par baingan ki teen boaai ho sakti hai :

  • (1) June July mein beej daala ja sakta hai aur paudhe 6�a� ooainche ho jaaeain tab khet mein ropa ja sakta hai. 115 se 120 dinon mein fal lagne lagta hai. fal ka lagana kam ho jaane par kabhi-kabhi chhaintaai karne se, nae praroh nikalne aur unapar fir fal lagne lagta hai.
  • (2) February mein beej bone se varsha ritu mein paudhe fal dene lagte hai.
  • (3) November ki ropaai se fal February mein lagne lagte hain. jaade mein paudhon ki vruddhi kam hoti hai.

pehli boaai sabse achhi hai aur usase adhiktam fal praapt hota hai. prati ekad ausat upaj 100-150 man ho sakti hai.

baingan kai prakaar ke, chhote se lekar bade tak gol aur lambe bhi, hote hain : gol gahra baingani, lamba baingani, lamba hara, gol hara, haraapan liye hue safed, safed, chhota gol baingani rangavaala, vaaman baingan, blaikabyooti (Black Beauty), gol gahre rang wala, muktakeshi, raamanagar baingan, guchhe vaale baingan aadi. baingan solenesi (Solanaceae) kul ke solenam melongana (Solanum melongena) ke antargat aata hai. iske vibhinn kism veraesakyooleintam (var-esculantum), ver sarpetinm (var-sarpentinum) aur ver dipressam (var-depressum) jaatiyon ke hai. fal ke pakane mein kaafi samay lagta hai. at: beej ki praapti ke liye kisi fal ko chunakar, usamein kuchh chinh lagaakar, pakane ke liye chhod dena chaahiye.

baingan ke rog aur unki rokathaam

baingan vaise to bahut aam si dikhne waali sabji hai lekin saadhaaran si dikhne waali is sabji mein kaafi gun hain, jinke baare mein adhiktar log naheen jaante. baingan ke niyamit sevan se shareer mein baid kolestraul ka star kam hota hai jisse dil ke rogon ka risk kam hota hai.[1] [2]

baingan ke fal aur praroh chhidrak

lyusinod aarvonelis (Leucinodes orbonalis) ek patinga hota hai, jiski soondi (caterpillar) chhote tanon aur falon mein chhed kar andar chali jaati hai. isse ped murajhaakar sookh jaate hain. fal khaane yogya naheen rah jaata aur kabhi kabhi sad jaata hai. iski rokathaam ke liye rogagrast tanon ko turant kaatkar hata dena aur use jala dena chaahiye. ropani ke pehle yadi paudhon par kruminaashak dhool chhidk di jaae, to usase bhi soondi ka asar naheen hota. ek maas ke antaraal par fasal par kruminaashak aushadhi ka chhidkaav karna chaahiye. chhidkaav ke poorv rogagrast bhaag ko kaatkar, nikaalkar jala dena chaahiye. baingan ki fasal ke samaapt ho jaane par uske thooainth mein aag lagaakar jala dena chaahiye aur ek varsh tak usamein baingan ki fasal na boni chaahiye.

baingan ke tane ka chhidrak

yoojofera paartisela (Euzophera perticella) naamak patinge ki sooaindi tane mein chhed kar pravesh kar jaati aur usaka guda khaati hai, jisse paudhon ka badhna ruk jaata aur aakraant bhaag sookh jaata hai. iske nivaaran ka upaaya bhi vahi hai jo oopar diya hua hai.

epilechhuaa beetals

epilechhuaa beetals (Epilachua beetles) naamak jantu paudhon ki nai aur praudh pattiyon ko khaate hain. inki rokathaam ke liye paudhon ke aakaar ke anusaar 5 pratishat bi. H. si. dhoolan ka prati ekad 10 se 20 pound ki dar se, athva 'paairodast 4,000' ka prati ekad 10-15 pound ki dar se chhidkaav kiya ja sakta hai.

vishv mein baigan ka utpaadan

baigan ke sarvaadhik utpaadak das desh (2010)
desh utpaadan (tan) tippani
Flag of the People's Republic of China.svg cheeni janavaadi ganaraajya 24,501,936 F
Flag of India.svg Bhaarat 10,563,000
Flag of Egypt.svg misr 1,229,790 F
Flag of Iran.svg Iran 888,500 F
Flag of Turkey.svg Turkey 849,998
Flag of Indonesia.svg Indonesia 482,305 F
Flag of Iraq.svg iraak 387,435 F
Flag of Japan.svg Japan 330,100 F
Flag of Italy.svg Italy 302,551
fileepeens 208,252
vishv 41,840,989 kul
F = FAO ka aakalan,

srot: sanyukt raashtra khaadya evam krushi sangathan (FAO)[3]


sandarbh

inhein bhi dekhein

baahari kadiyaaain