baikunth

Bhagwan vishnu ka aavaas. Bhagwan vishnu jis lok mein nivaas karte hain use baikunth kaha jaata hai . saral shabdon mein baikunth dhaam jagatapaalak Bhagwan vishnu ki duniya hai. vaise hi, jaise Kailash par mahaadev va brahmalok mein brahmadev basate hain. iske kai naam hain - saaket, golok, paramadhaam, paramasthaan, paramapad, paramavyom, sanaatan aakaash, shaashvat-pad, brahmapur . shaastron ke anusaar bahut hi punya se manushya ko is lok mein sthaan milta hai. jo yahaan pahunch jaata hai use pun: garbh mein naheen aata kyonki use moksh ki praapti ho jaati hai. adhyaatm ki najar se baikunth dhaam man ki avastha hai. baikunth koi sthaan na hokar aadhyaatmik anubhooti ka dharaatal hai. jise baikunth dhaam jaana ho, uske liye gyaan hi ummeed ki kiran hai. isse vah ishvar ke svaroop se ekaakaar ho jaata hai. lekin jiske bheetar param gyaan hai, Bhagwan ke prati ananya bhakti hai, ve hi baikunth pahunch sakte hain.

vaheen maanaveeya jindagi ke liye baikunth ki saarthakata dhoondhe to baikunth ka shaabdik arth hai - jahaan kuntha na ho. kuntha yaani nishkriyta, akarmanyata, niraasha, hataasha, aalasya aur daridrata. iska matlab yeh hua ki baikunth dhaam aisa sthaan hai jahaan karmaheenata naheen hai, nishkriyta naheen hai. vyaavahaarik jeevan mein bhi jis sthaan par nishkriyta naheen hoti us sthaan par raunak hoti hai.