baijoo baavara

baijoo baavara (1542-1613) Bhaarat ke dhrupadagaayak the. unako baijanaath prasaad aur baijanaath mishr ke naam se bhi jaana jaata hai. ve gvaaliyr ke raaja Mansingh ke darbaar ke gaayak the aur Akbar ke darbaar ke mahaan gaayak taanasen ke samakaaleen the. unke jeevan ke baare mein bahut si kinvadantiyaaain hain jinki aitihaasik roop se pushti naheen ki ja sakti hai.

anukram

praarambhik jeevan

16 veen shataabdi ke mahaan gaayak sangeetajnya taanasen ke gurubhaai pandit baijanaath ka janm chanderi mein san 1542 mein sharad poornima ki raat ek braahman parivaar mein hua. pandit baijanaath ki baalyakaal se hi gaayan evam sangeet mein kaafi ruchi thi. unke gale ki madhurata aur gaayan ki chaturaai prabhaavashaali thi. pandit baijanaath ko bachapan mein log pyaar se 'baijoo' kehkar pukaarate the. baijoo ki umr ke saath-saath unke gaayan aur sangeet mein bhi badhotri hoti gayi. jab baijoo yuva hue to nagar ki kalaavati naamak yuvati se unka prem prasang hua. kalaavati baijoo ki preyasi ke saath-saath preranaasrot bhi rahi. sangeet aur gaayan ke saath-saath baijoo apni preyasi ke pyaar mein paagal ho gaye. isi se log unhein baijoo baavara kehne lage. baijanaath ne dhrupad shaili mein gaayan ki deeksha us samay ke mashahoor guru haridaas svaami se vrundaavan mein grahan ki thi.
gvaaliyr mein jaya vilaas mahal mein sanrakshit aitihaasik pustakon ke anusaar, baijoo raag deepak gaakar tel ke deep jala sakte the, raag megh, megh malhaar, ya gaud malhaar gaakar varsha kara sakte the, raag bahaar gaakar fool khila sakte the aur yahaaain tak ki raag maalakauns gaakar patthar bhi pighla sakte the.

sangeet pratiyogita

samraat Akbar sangeet evam kala ka premi tha. uske darbaar mein sangeetakaaron aur saahityakaaron ka taanta laga rahata tha. taanasen Akbar ke darbaar ke nau ratnon mein gine jaate the. Akbar ne apne darbaar mein ek sangeet pratiyogita ka aayojan rakha. is pratiyogita ki yeh shart thi ki taanasen se jo bhi mukaabala kar jeetega, vah Akbar ke darbaar ka sangeetakaar bana diya jaayega tatha haare hue pratiyogi ko mrutyudand diya jaaega. koi bhi sangeetakaar is shart ke kaaran saamane naheen aaya parantu baijoo baavara ne yeh beeda uthaaya tatha apne guru haridaas se aajnyaa praapt kar sangeet pratiyogita mein bhaag liya. antat: is pratiyogita mein baijoo ki haar hui, kintu baad mein Akbar ne prasann hokar baijoo ko apne darbaar mein rakhane ka prastaav rakha. lekin Akbar ke darbaar ke itihaasakaar abul fjl aur aurangajeb ke darbaar ke itihaasakaar fkeerullaah ke anusaar baijoo ne taanasen ko pratiyogita mein haraaya tha aur taanasen ne baijoo ke pair chhookar apne praanon ki bheekh maangi thi. baijoo ne taanasen ko maaf kar diya aur khud gvaaliyr vaapas chala gaya.

Kashmir prakaran

baijoo baavara Akbar ke darbaar mein rahane ke bajaay gvaaliyr aa gaye, jahaan unhein soochana mili ki unke guru haridaas samaadhisth hone vaale hain. ve apne guru ke antim darshanon ke liye vrundaavan pahunche aur unke darshan karne ke pashchaat vibhinn prakaar ki aapadaaon ka saamana karte hue apne jeevan ke antim padaav mein Kashmir naresh ki rajdhani shreenagar pahunche. us samay unka shishya gopaal naayak vahaan darabaari gaayak tha. fatehaal baijoo ne apne aane ki soochana gopaaladaas tak pahunchaane ke liye dvaarapaal se kaha, to dvaarapaal ne do took javaab diya ki unke svaami ka koi guru naheen hai. yeh sunakar baijoo ko kaafi aaghaat pahuncha aur ve shreenagar ke ek mandir mein pahunchakar raag dhrupad ka gaayan karne lage. baijoo ke shreshth gaayan ko sunakar apaar bheed umadne lagi. jab baijoo ki khabar Kashmir naresh ke paas pahunchi, to ve swayam bhi vahaan aae tatha baijoo ka svaagat kar apne darbaar mein le aae. Kashmir naresh ne gopaaladaas ko pun: sangeet shiksha diye jaane hetu baijoo se nivedan kiya. raaja ki aajnyaa se unhonne gopaal ko pun: sangeet shiksha dekar nipun kiya.
ek anya dantakatha ke anusaar gopaal naayak baijoo ka priya shishya tha. vah apni patni prabha ke saath baijoo ko chhod jeevika ke liye kaheen aur chala gaya jiske aaghaat se baijoo apna aapa kho baitha aur usaka naam baijoo baavara pad gaya. gopaal naayak Kashmir naresh ke darbaar mein gaayak niyukt ho gaya aur vahaaain usane yeh prachalit kar diya ki vah sv-shikshit hai aur us par kisi bhi guru ki krupa naheen hai. yeh sun baijoo fatehaal shreenagar pahuaincha aur apne gaayan se sabko mantramugdh kar diya lekin gopaal naayak ne apne guru ko pahachaanane se mana kar diya. aahat baijoo ek mandir mein jaakar gaana gaane laga aur vahaaain bhaari bheed umad padi aur jab Kashmir naresh ko is baat ki soochana mili to Kashmir naresh ne baijoo ko apne darbaar mein bulava bheja aur baijoo aur gopaal ki sangeet pratiyogita rakhava daali. baijoo ko pehle gaane ka mauka mila aur gopaal ko usaka uttar dena tha. baijoo ne raag bheemapalaasi gaaya jiske kaaran patthar pighlane lage. gopaal ne uttar mein gaaya lekin jeet na paaya. pratiyogita ki shart ke anusaar haarne vaale ko mrutyudand diya jaana tha lekin baijoo baavara ne raaja se anurodh kar gopaal ko mrutyudand se bacha liya. lekin apni moorkhata ke kaaran gopaal ko apni jaan se haath gainvaana pada. usaka antim sansakaar satalaj ke kinaare usaki putri meera ne kiya. aisa kaha jaata hai ki daah sanskaar ke baad jab gopaal ki haddiyon ko nadi mein feinka gaya to vah doob gayeen. dantakatha ke anusaar gopaal ki vidhva prabha ne jab baijoo se un haddiyon ko laane ka anurodh kiya to baijoo ne gopaal ki putri meera ko raag malhaar ka ek naya sanskaran sikhaaya jisko ek saptaah tak seekhane ke baad jab meera ne satalaj ke kinaare bheed ke saamane jab gaaya to gopaal ki haddiyaaain nadi ke kinaare aa lageen. us samay ke baad se us raag ko meera ki malhaar ka naam diya gaya. is prakaran ke pashchaat udaas baijoo chanderi vaapas chala aaya.

dehaant

baijoo ka 71 varsh ki aayu mein miyaadi bukhaar ke kaaran chanderi mein san 1613 E. mein vasant panyachami ke din dehaant ho gaya.

inhein bhi dekhein

baahari kadiyaaain