bahujan samaaj party

bahujan samaaj party
Elephant Bahujan Samaj Party.svg
dal adhyaksh maayaavati
mahaasachiv sateesh chandr mishr
sansadeeya dal adhyaksh maayaavati
neta Loksabha daara Singh
neta Rajyasabha maayaavati
gathan 1984
mukhyaalaya 11, gurudvaara rakaabaganj road,
nai Delhi - 110001
Loksabha me seaton ki sankhya
0 / 543
Rajyasabha me seaton ki sankhya
14 / 245
raajya vidhaanasabha mein seaton ki sankhya uttar pradesh
80 / 403
vichaaradhaara saarvabhaumik nyaaya, svatantrata, samaanata aur bhaaichaare ke sarvochch siddhaanton ki soch wala maanavataavaadi bauddh darshan
prakaashan aadil Jaffrey, maayaayug
jaalasthal http://bspindia.org/
Bhaarat ki raajaneeti
raajanaitik dal
chunaav


bahujan samaaj party (angreji: Bahujan Samaj Party) saarvabhaumik nyaaya, svatantrata, samaanata aur bhaaichaare ke sarvochch siddhaanton ki soch wala, Bhaarat ka ek raashtreeya raajaneetik dal hai. iska gathan mukhyat: ek kraantikaari saamaajik aur aarthik aandolan ke roop mein kaam karne ke liye kiya gaya hai jo Bhaarat ko ek sampoorn prabhutv sampann, samaajavaadi, panthanirpeksh, lokatantraatmak ganaraajya banaane ke liye tatha uske samast naagrikon ko saamaajik, aarthik aur raajaneetik nyaaya, vichaar, abhivyakti, vishvaas, dharm aur upaasana ki svatantrata, pratishtha aur avsar ki samaanata dilaane, unamein vyakti ki garima aur raashtra ki ekta aur akhandata sunishchit karne waali bandhuta badhaane ke liye kaarya karti hai jaisa bhaarateeya samvidhaan ki prastaavana mein varnit hai. iska gathan mukhyat: bhaarateeya jaati vyavastha ke antargat sabse neeche maane jaane vaale bahujan, jismein anya pichhda varg, anusoochit jaati, anusoochit janajaati aur alpasankhyak shaamil hain, aise samaaj ka pratinidhitv karne ke liye kiya gaya tha, jinki janasankhya Bhaarat desh mein 85% hai.[krupaya uddharan jodein] dal ka darshan Baba saaheb ambedakar ke maanavataavaadi bauddh darshan se prerit hai.

anukram

sankshipt itihaas

basapa ka gathan uchch profaail vaale karishmaai lokapriya neta kaansheeraam dvaara 14 April 1984 mein kiya gaya tha. is party ka raajaneetik prateek (chunaav chinh) ek haathi hai. 13 veen Loksabha (1999-2004) mein party ke 14 sadasya the. 14 veen lok sabha mein yeh sankhya 17 aur vartamaan yaani 15 veen lok sabha mein yeh sankhya 21 hai. basapa ka mukhya aadhaar uttar pradesh hai aur party ne is pradesh mein kai baar anya paartiyon ke samarthan se sarkaar bhi banaai hai. maayaavati kai varshon se party ki adhyaksh hain.

bahujan shabd ka itihaas

bahujan shabd tathaagat buddh ke dharmopadeshon (tripitk) se liya gaya hai, tathaagat buddh ne kaha tha bahujan hitaaya bahujan sukhaaya unka dharm bahut bade jan-samudaaya ke hit aur sukh ke liye hai.

u0pra0 mein poorn bahumat

11 May 2007 ko ghoshit vidhaan sabha chunaav parinaamon ke pashchaat uttar pradesh raajya mein 1991 se 15 varshon tak trishanku vidhaan sabha ka parinaam bhugatne ke baad Bhaarat ke sarvaadhik aabaadi vaale raajya mein spasht bahumat praapt kar satta mein aayi. basapa adhyaksh maayaavati ne mukhyamantri ke roop mein uttar pradesh mein apne chautha kaaryakaal shuroo karte hue 13 May 2007 ko pradesh ki rajdhani Lucknow mein 50 anya mantriyon ke saath mukhyamantri pad ki shapath grahan ki. bahujan shabd ka sabse pehle istemaal Gautam budh ne kiya tha.

party ki upalabdhiyaaain

2007 mein uttar pradesh ki janta ne basapa ko poorn bahumat se sarkaar banaakar kaam karne ka mauka diya, mukhyamantri maayaavati ne kaansheeraam evam anekon dalit samaaj sudhaarakon (jinka naam itihaas ke panno mein dafn kar diya gaya tha) ko sammaan dene ke liye unke naam par bahut se smaarak, park aur vishvavidyaalaya khole. inse na keval in mahaapurasho ka sammaan hua balki pradesh ko ek nayi pehchaan bhi mili. iname se "buddha intaraneshan sarkit", Gautam buddh vishvavidyaalaya, raashtreeya dalit prerana sthal, rama baai ambedakar maidaan, ambedakar smaarak, kaansheeraam smaarak, baalak aur baalika intar college adi pramukh hain. bahujan samaaj party ki sarkaar ne raajya mein kushal aur prabhaavi prashaasan de kar ek mishaal sthaapit ki. bahujan samaaj party ki sabhi neetiyaaain "bahujan hitaaya, bahujan sukhaaya" par aadhaarit raheen. parantu apne savarn virodhaabhaash ke chalte jaatigt aadhaar par hi baat karti hai.

mission-2014

party ka mission-2014 hai : - 2014 ke aam chunaavo mein kendra mein poorn bahumat ke saath sarkaar banaana tatha bahan maayaavati ko desh ka pradhaanamantri banaana tha. par party ko ek bhi seat naheen mili. isliye abhi ye mission 2019 mein poora kiya jaayega.