bahaai dharm
bahaai panth unneesaveen sadi ke Iran mein san 1844 me sthaapit ek naya dharm hai jo ekeshvaravaad aur vishvabhar ke vibhinn dharmon aur panthon ki ekamaatr aadhaarashila par jor deta hai.
iski sthaapana bahaaullaah ne ki thi aur iske maton ke mutaabik duniya ke sabhi maanav dharmon ka ek hi mool hai. iske anusaar kai logon ne ishvar ka sandesh insaanon tak pahuainchaane ke liye nae dharmon ka pratipaadan kiya jo us samay aur parivesh ke liye upayukt tha. is dharm ke anuyaayi bahaaullaah ko poorv ke avataaronKrishna, isa maseeh, muhammad, buddh, jarathustr, moosa aadi ki vaapasi maanate hain. bahaaullaah ko kalki avataar ke roop mein maana jaata hai jo sampoorn vishv ko ek karne hetu aaen hai aur jinka uddeshya aur sandesh hai " samast pruthvi ek desh hai aur maanavajaati iski naagrik" .
ishvar ek hai aur samay- samay par maanavajaati ko shikshit karne hetu vah pruthvi par apne avataaron ko bhejate hain.
anukram
Bhaarat mein bahaai dharm
Bhaarat, bahaai dharm se iske udbhav san 1844 se hi juda hua hai, jin 18 pavitra aatmaaon ne 'mahaatma Bob ', jo ki 'Bhagwan bahaaullaah' ke agradoot the, ko pahachaana aur sveekaar kiya tha, un mein se ek vyakti Bhaarat se the.
aaj lagbhag 20 lakh bahaai, Bhaarat desh ki mahaan vividhta ka pratinidhitv, Bhaarat ke har pradesh mein 10,000 se bhi adhik jagahon par rahate hue kar rahe hain.
" bahaaullaah " (1817-1892) bahaai dharm ke ishvareeya avataar hain. unhein bahaaiyon dvaara is yug ke daiveeya shikshak tatha ishvareeya avataaron ki kadi mein sabse nae avataar, ke roop mein maana jaata hai jinhonne is pruthvi ke nivaasiyon ko apne daiveeya gyaan se prakaashit kiya hai. is kadi mein Abraham, mojej, Bhagwan buddh, shri Krishna, joraastar, isa-maseeh aur muhammad jaise daiveeya shikshak the.
" bahaaullaah " ke sandesh ki mukhya avadhaarana thi ki sampoorn maanav ek jaati hai aur vah samay aa gaya hai, jab vah ek vaishvik samaaj mein badal jaaye. " bahaaullaah " ke anusaar jo sabse badi chunauti is pruthvi ke naagrik jhel rahe hai, vah hai unke dvaara apni ekta ko sveekaar karna aur us sampoorn maanavajaati ki ekta ki prakriya mein apna yogadaan dekar sadaiv pragati karne waali sabhyata ko aage badhaana
siddhaant
bahaai dharm ek naya svatantr dharm hai. “abahaaullaaha” ko is yug ka ishvareeya avataar maanane vaale anuyaayi bahaai kahalaate hain. bahaaullaah dvaara likhi gayi pustak "kitaab-A-akadas" mein iske siddhaanton ka vivran milta hai jo 1873 ke aaspaas likhi gayi thi. is kitaab ko iske faarasi naam kitaab-A-akadas ke naam se adhik jaana jaata hai.
bahaai dharm ke anuyaayi sampoorn vishv ke lagbhag 180 deshon mein samaaj-navanirmaan ke kaaryon mein jute hue hain. bahaai dharm mein dharm guru, pujaari, maulavi ya paadari varg naheen hota hai.
bahaai anuyaayi jaati, dharm, bhaasha, rang, varg aadi kisi bhi poorvaagrahon ko nahi maanate hain.
iske siddhaanton mein pramukh hain -
ishvar ek hai
sabhi dharmon ka strot ek hai
vishv shaanti evam vishv ekta
sabhi ke liye nyaaya
stree–purush ki samaanata
sabhi ke liye anivaarya shiksha
vigyaan aur dharm ka saamanjasya
gareebi aur dhan ki ati ka samaadhaan
bhautik samasyaaon ka aadhyaatmik samaadhaan
sampoorn vishv ke bahaai apna yogadaan is nai vishv vyavastha mein nimnalikhit prayaason se kar rahe hain. is vishvavyaapi kaaryakram ko manushya aur samaaj ki aisi avadhaarana par keindrit kiya gaya hai jo apni prakruti mein aadhyaatmik hai aur manushya ko aisi kshamata pradaan karta hai jo aadhyaatmik aur bhautik vikaas ki prakriya mein prakharata pradaan karta hai.
bahaai anuyaayi nimnlikhit gatividhiyo ke maadhyam se maanav jaati ke kalyaan me jute huye hai:-
- (1) praarthana sabhaaeain
- (2) bachchon ki naitik kakshaaeain
- (3) yuva sashaktikran kaaryakram
(4) adhyayan vrutt kakshaaeain
praarthana sabhaaeain
in sabhaaon mein ishvareeya pavitra vaani ka paath, praarthanaaeain aur bhajan sasvar liye jaate hain. ye praarthana sabhaaeain kisi ke bhi ghar ya sthaan par aayojit ki ja sakti hai, ye us sthaan, ghar, vyaktiyon ko aadhyaatmik oorja se bhar deti hai tatha ish krupa ko aakarshit karti hai. pratyek mahaadveep mein bahaai samudaaya ke anuyaayi vibhinn dharm evam jaati ke logo ke saath praarthana mein jud rahe hain aur apne hrudayon ko apne srujanakarta ki or unmukh kar rahe hain tatha aadhyaatmik shaktiyon ka aahvaan kar rahe hain |
bachchon ki naitik shiksha kaaryakram (10 varshon tak ke bachchon ke liye)
vartamaan yug mein vibhinn maadhyamon se aakraamak vichaaradhaara, sanskruti hamaare bachchon ke komal hradayon evam mastishk ko pradooshit kar rahi hain aur maapa-pita ke liye ek gambhir chunauti banaati ja rahi hai, aise mein agar bachapan ke praarambh mein hi aadhyaatmik gunon aur naitik moolyon ko aacharan mein laane ki aadat daal di jaae to inhi bachchon ki ek nai peedhi swayam ke tatha behtar vishv ke nirmaan mein saksham ho sakti hai.
kishor yuva sashaktikran kaaryakram (11 se 15 varshon tak ke kishoron ke liye)
samaaj mein rahane vaale nav-yuva ve kishor yuva hain jo 11-15 varsh ke hote hain. ve ek vishesh samooh ka pratinidhitv karte hain, jinki apni khaas jrooratein hain kyonki ve amooman bachapan aur yauvan ke beech ki dahaleej par hote hain | inke bheetar is avastha mein kai maanasik evam shaareerik parivartan hone lagte hain. aise mein yeh kishor yuva sashaktikran kaaryakram unke prashnon ke uttar talaashane mein evam bauddhik evam naitik sashaktikran laane mein sahaayata karta hai aur unke jeevan ki raah ko sthirta pradaan karta hai |
adhayayan vrutt kakshaaeain (15 varsh se adhik aayuvarg ke liye)
ye adhyayan vrutt kakshaaeain vyaktiyon gyaan vardhan karne, aadhyaatmik samajh badhaane, apne desh, samudaaya aur maanavata ki seva karne ki chaah rakhane vaale pratyek vyakti ki kshamataaon ka vikaas karti hai ke liye aadhaar taiyaar karti hai |
bahaai upaasana mandir
"bahaai upaasana mandir (lotus tempal ke naam se vikhyaat)" kaalaka ji, Nehru place, nai Delhi me sthit hai| bahaai dharm jagat me kul saat jagaho par bahaai upaasana mandir banaaye gaye hain jo hain western samoaa, Sydney - austreliya, kampaala- yugaanda, panaama city - panaama, frenkfart- Germany aur vilmet, America aur nai Delhi, Bhaarat.