badreenaath mandir

badreenaath mandir
naam
mukhya naam: badareenaath mandir
sthaan
sthaan: badareenaath
vaastukala aur sanskruti
pramukh aaraadhya: badareenaaraayan (vishnu)
itihaas
nirmaan tithi:
(vartamaan sanrachana)
9veen shataabdi
nirmaata: aadi shankaraachaarya
chaar dhaam

Badrinath temple.jpgRameswaram Gopuram.jpgDwarkadheesh temple.jpgTemple-Jagannath.jpg

badreenaathraameshvaram
dvaarakapuri

badareenaath mandir , jise badareenaaraayan mandir bhi kehte hain, alakananda nadi ke kinaare uttaraakhand raajya mein sthit hai. yeh mandir Bhagwan vishnu ke roop badareenaath ko samarpit hai. yeh hinduon ke chaar dhaam mein se ek dhaam bhi hai. rishikesh se yeh 294 kilometer ki doori par uttar disha mein sthit hai.

ye panch-badari mein se ek badri hain. uttaraakhand mein panch badari, panch kedaar tatha panch prayaag pauraanik drushti se tatha hindu dharm ki drushti se mahatvapoorn hain. [1]

anukram

mahatva

badareenaath uttar disha mein himaalaya ki upatyaka mein avasthit hinduon ka mukhya yaatraadhaam maana jaata hai. mandir mein nar-Narayan vigrah ki pooja hoti hai aur akhand deep jalata hai, jo ki achal jnyaaanajyoti ka prateek hai. yeh Bhaarat ke chaar dhaamon mein pramukh teerth-sthal hai. pratyek hindu ki yeh kaamna hoti hai ki vah badareenaath ka darshan ek baar avashya hi kare. yahaaain par sheet ke kaaran alakananda mein snaan karna atyant hi kathin hai. alakananda ke to darshan hi kiye jaate hain. yaatri taptakund mein snaan karte hain. yahaaain vanatulasi ki maala, chane ki kachchi daal, giri ka gola aur mishri aadi ka prasaad chadhaaya jaata hai.

katha

chhota chaar dhaam

Kedarnathji-mandir.JPGBadrinathji temple.JPGGangotri temple.jpgYamunotri temple and ashram.jpg

kedaaranaathbadreenaath
gangotriyamunotri

badareenaath ki moorti shaalagraamashila se bani hui, chaturbhuj dhyaanamudra mein hai. kaha jaata hai ki yeh moorti devataaon ne naaradakund se nikaalkar sthaapit ki thi. siddh, rishi, muni iske pradhaan archak the. jab bauddhon ka praabalya hua tab unhonne ise buddh ki moorti maankar pooja aarambh ki. shankaraachaarya ki prachaar-yaatra ke samay bauddh Tibet bhaagte hue moorti ko alakananda mein feink gaye. shankaraachaarya ne alakananda se pun: baahar nikaalkar usaki sthaapana ki. tadanantar moorti pun: sthaanaantarit ho gayi aur teesari baar taptakund se nikaalkar raamaanujaachaarya ne iski sthaapana ki.

pauraanik maanyataaon ke anusaar

pauraanik maanyataaon ke anusaar, jab ganga nadi dharati par avatarit hui, to yeh 12 dhaaraaon mein bant gayi. is sthaan par maujood dhaara alakananda ke naam se vikhyaat hui aur yeh sthaan badareenaath, Bhagwan vishnu ka vaas bana. Bhagwan vishnu ki pratima wala vartamaan mandir 3,133 meter ki ooainchaai par sthit hai aur maana jaata hai ki aadi shankaraachaarya, aathaveen shataabdi ke daarshanik sant ne iska nirmaan karaaya tha. iske pashchim mein 27 kimi. ki doori par sthit badareenaath shikhar ki ooainchaai 7,138 meter hai. badareenaath mein ek mandir hai, jismein badareenaath ya vishnu ki vedi hai. yeh 2,000 varsh se bhi adhik samay se ek prasiddh teerth sthaan raha hai.

lok katha

pauraanik kathaaon aur yahaaain ki lok kathaaon ke anusaar yahaaain neelakanth parvat ke sameep Bhagwan vishnu ne baal roop mein avataran kiya. yeh sthaan pehle Shiv bhoomi (kedaar bhoomi) ke roop mein vyavasthit tha. Bhagwan vishnuji apne dhyaanayog hetu sthaan khoj rahe the aur unhein alakananda nadi ke sameep yeh sthaan bahut bha gaya. unhonne vartamaan charanapaaduka sthal par (neelakanth parvat ke sameep) rishi ganga aur alakananda nadi ke sangam ke sameep baal roop mein avataran kiya aur krandan karne lage. unka rudan sun kar maata paarvati ka hrudaya dravit ho utha. fir maata paarvati aur shivji swayam us baalak ke sameep upasthit ho gaye. maata ne poochha ki baalak tumhein kya chahiye? to baalak ne dhyaanayog karne hetu vah sthaan maang liya. is tarah se roop badal kar Bhagwan vishnu ne Shiv-paarvati se yeh sthaan apne dhyaanayog hetu praapt kar liya. yahi pavitra sthaan aaj badareevishaal ke naam se sarvavidit hai.

badareenaath naam ki katha

jab Bhagwan vishnu yogadhyaan mudra mein tapasya mein leen the to bahut adhik himpaat hone laga. Bhagwan vishnu him mein poori tarah doob chuke the. unki is dasha ko dekh kar maata lakshmi ka hrudaya dravit ho utha aur unhonne swayam Bhagwan vishnu ke sameep khade ho kar ek ber (badari) ke vruksh ka roop le liya aur samast him ko apne oopar sahane lageen. maata lakshmeeji Bhagwan vishnu ko dhoop, varsha aur him se bachaane ki kathor tapasya mein jut gayeen . kai varshon baad jab Bhagwan vishnu ne apna tap poorn kiya to dekha ki lakshmeeji him se dhaki padi hain. to unhonne maata lakshmi ke tap ko dekh kar kaha ki he devi! tumane bhi mere hi baraabar tap kiya hai so aaj se is dhaam par mujhe tumhaare hi saath pooja jaayega aur kyonki tumane meri raksha badari vruksh ke roop mein ki hai so aaj se mujhe badari ke naath-badareenaath ke naam se jaana jaayega. is tarah se Bhagwan vishnu ka naam badareenaath pada.

jahaaain Bhagwan badareenaath ne tap kiya tha, vahi pavitra-sthal aaj tapt-kund ke naam se vishv-vikhyaat hai aur unke tap ke roop mein aaj bhi us kund mein har mausam mein garm paani upalabdh rahata hai.

darshaneeya sthal

badareenaath mein tatha iske sameep anya darshaneeya sthal hain-

  • alakananda ke tat par sthit tapt-kund
  • dhaarmik anushtaanon ke liye istemaal hone wala ek samatal chabootara- brahm kapaal
  • pauraanik kathaaon mein ullikhit saanp (saaainpon ka joda)
  • sheshanaag ki kathit chhaap wala ek shilaakhand–sheshanetr
  • charanapaaduka :- jiske baare mein kaha jaata hai ki yeh Bhagwan vishnu ke pairon ke nishaan hain; (yaheen Bhagwan vishnu ne baalaroop mein avataran kiya tha.)
  • badareenaath se nazar aane wala barf se dhanka ooaincha shikhar neelakanth.
  • maata moorti mandir :- jinhein badareenaath Bhagwan ji ki maata ke roop mein pooja jaata hai.
  • maana gaaainv- ise Bhaarat ka antim gaaainv bhi kaha jaata hai.
  • ved vyaas gufa, ganesh gufa: yaheen vedon aur upanishdon ka lekhan kaarya hua tha.
  • bheem pul :- bheem ne sarasvati nadi ko paar karne hetu ek bhaari chattaan ko nadi ke oopar rakha tha jise bheem pul ke naam se jaana jaata hai.
  • vasu dhaara :- yahaaain asht-vasuon ne tapasya ki thi. ye jagah maana se 8 kilometer door hai. kehte hain ki jiske oopar iski boonde pad jaati hain uske samast paap nasht ho jaate hain aur vo paapi naheen hota hai.
  • lakshmi van :- yeh van lakshmi maata ke van ke naam se prasiddh hai.
  • satopanth (svargaarohini) :- kaha jaata hai ki isi sthaan se raaja yudhishthir ne sadeh svarg ko prasthaan kiya tha.
  • alakaapuri :- alakananda nadi ka udgam sthaan. ise dhan ke devata kuber ka bhi nivaas sthaan maana jaata hai.
  • sarasvati nadi :- poore Bhaarat mein keval maana gaaainv mein hi yeh nadi prakat roop mein hai.
  • Bhagwan vishnu ke tap se unki jangha se ek apsara utpann hui jo urvashi naam se vikhyaat hui. badareenaath kasbe ke sameep hi baamani gaaainv mein unka mandir hai.


ek vichitr si baat hai... jab bhi aap badareenaath ji ke darshan karein to us parvat (Narayan parvat) ki choti ki aur dekheinge to paaenge ki mandir ke oopar parvat ki choti sheshanaag ke roop mein avasthit hai. shesh naag ke praakrutik fan spasht dekhe ja sakte hain.

sandarbh

baahari kadiyaaain





Erioll world.svgnirdeshaank: 30°a44′a41″aN 79°a29′a28″aE / 30.744695°aN 79.491175°aE / 30.744695; 79.491175