baaltik saagar

baaltik saagar ka bhaugolik maanachitr

baaltik uttari Europe ka ek saagar hai jo lagbhag sabhi or se jameen se ghira hai. iske uttar mein skaidinevi praayadveep (sveedan), uttar-poorv mein finlaind, poorv mein istoniya, lithuaaniya, laataviya, dakshin mein Poland tatha dakshin-pashchim mein Germany hai. pashchim mein Denmark tatha chhote dweep hain jo ise uttari saagar tatha atalaantik mahaasaagar se alag karte hain. jarmaani bhaashaaon, jaise dach, denish, finni mein isko poorvi saagar (Ostsee) ke naam se jaana jaata hai. ismein gaurtalab hai ki yeh finlaind ke pashchim mein basa hua hai.

yeh ek chhichhla saagar hai jiska paani samudri jal se kam khaara hai. krutrim nahar dvaara yeh shvet saagar se juda hua hai. Finland ki khaadi, bothniya ki khaadi, riga ki khaadi ityaadi iske sthaaneeya nikaaya hain. iski ausat gaharaai 55 meter hai tatha yeh koi 1600 kimi. lamba hai.

bhaugolik aaainkade

yeh 53°aauttari akshaansh se lekar 66°aauttari akshaansh tak aur 20°aapoorvi deshaantar se lekar 26°aapoorvi deshaantar ke beech faila hua hai. iski lanbaai 1600 kilometer, ausat chaudaai 193 kilometer tatha ausat gaharaai 55 meter hai. madhyam khaare paani ka yeh sabse bada praaya-saagar[1] maana jaata hai. iski adhiktam gaharaai 459 meter hai jo sveedan ke taraf kendra ke paas hai. iska prushth kshetrafal 3,77,000 varg kilomaatar hai tatha ismein jal ka aayatan koi 20000 ghan kilometer hai. iske chaaro or ki tatarekha koi 8000 kilometer lambi hai. jaade ke dinon mein yeh ausatan adhiktam 45 pratishat tak jam jaata hai.

sandarbh

  1. praayasaagar: jaisa ki praayadveep ka arth lagbhag sabhi or se jal se ghira hota hai, vaise hi praaya-saagar ka arth vo saagar jo lagbhag sabhi or se jameen se ghira ho. iske udaaharan ke liye kaala saagar ka naam liya ja sakta hai.