baal

apne sundar baalon ko poorati hui kanya

baal (laitin: Pili, Capellus, French: Poil, angreji: Hair, jarman: Haar) stanadhaari praaniyon ke baahya charm ka udvardh (outer growth) hai. keeton ke shareer par jo tantumaya udvardh hote hain, unhein bhi baal kehte hain. baal komal se lekar rukhada, kada (jaise sooar ka) aur nukeela tak (jaise saahil ka) hota hai. prakॄti ne thande garm prabhaav vaale kshetron mein basane baale jeevon ko baal diye hain, jo jaade ki riatu mein thand se raksha karte hai aur garmi me adhik taap se sir ki raksha karte hain. jab shareer se na sahane waali garmi padti hai, to shareer se paseena bahakar niklata hai, vah baalon ke kaaran garmi se jaldi nahi sookhata hai, kisi kathor vastu se achaanak hue hamla se bhi baal bachaav karte hai.

bahut se maanavetar stanadhaariyon ke shareer par mulaayam baal paaye jaate hain; ise 'far' kehte hain.

baal ki banaavat pakshiyon ke paron ya sareesrup ke shalkon se bilkul bhinn hoti hai. stanadhaariyon mein hvel ke shareer par sabse kam baal hota hai. kuchh vayask hvel ke shareer par to baal bilkul hota hi naheen. manushyon mein sabse ghana baal sir par hota hai. baal shareer ko sardi aur garami se bachaata hai. shareer ke anya bhaagon par bade sookshm chhote chhote roeain hote hai. palakon, hatheli, talave tatha aainguliyon aur aaingoothon ke neeche ke bhaag par baal naheen hote. praagaitihaasik kaal mein manushyon ka shareer jhabare baalon se dhainka rahata tha. par sabhya manushya ke shareer par jhabare baal naheen hote. isliye vah vastr dhaaran kar apne shareer ki sardi aur garam se raksha karta hai. manushya ke kuchh bhaagon mein, haaramon ke sraav banane par hi baal ugate hain, jaise othon par, kaaainkhon mein, lingopari bhaagon mein ityaadi.

manushyon ke liye baalon ke anek upayog hain. ghodon aur bailon ke baal gaddon mein bhare jaate hain. kuchh baalon se vaarnish lepane ke burush, daaaint saaf karne ke burush bante hain. chhote-chhote baal cement mein milaakar gruhanirmaan mein prayukt hote hain. lambe-lambe baalon se kapde bune jaate hain. aise kapde kot banaane mein lining ke roop mein kaam aate hain. bhedon aur kuchh bakariyon se oon praapt hote hain. inka upayog kanbalon aur ooni vastron ke nirmaan mein hota hai. ooainton aur kuchh kism ke kharagoshon ke baal se bhi kapde bune jaate hain. kuchh pashuon ke baal bade komal hote hain aur samoor (far) ke roop mein vyavahrut hote hain.

anukram

baal ki sanrachana

shareer par ek baal ka yojanaamoolak chitr

chamade ke baahar baal ka jo ansh rahata hai, use kaand (shaft) kehte hain. kaand ke teen bhaag hote hain : sabse baahar rahanevaale bhaag ko kyootikl (cuticle) kehte hain. kyootikl ke neeche ek kada astar rahata hai, jise valkut (cortex) kehte hain tatha valkut ke neeche ke madhya ke bhaag ko madhyaansh (medulla) kehte hain. chamade ke andar rahanevaale baal ke bhaag ko mool (root) kehte hai. baal ke badhne se mool dheere dheere kaand mein badalta jaata hai. bhinn-bhinn jantuon mein baal ki vruddhi bhinn-bhinn dar se hoti hai.

baal ki anuprasth kaat

saadhaaranat: kaha ja sakta hai ki ek maas mein baal aadha inch, ya ek varsh mein paaainch se chhah inch badhta hai. mool ek gaddhe mein hota hai, jise putak (follicle) kehte hain. putak se hi baal niklata hai. ek putak se ek baal, ya ek se adhik baal, nikal sakte hain. putak naasapaati ke aakaar ki paipila mein bana hota hai. yeh paipila charm ka hota hai. paipila aur putak ke sangam par hi baal banta hai. paipila rudhirvaahini se sambaddh hota hai. isi se mool ko ve sab vastueain praapt hoti hain jinse baal ka nirmaan aur usaki vruddhi hoti hai. jab tak paipila aur patak nasht naheen hote baal badhta rahata hai. khopadi ke baal do se chhah varshon tak jeevit rahate hain. iske baad ve jhad jaate hain aur unke sthaan par nae baal jamate hain. yeh kram vayask kaal tak chalta rahata hai. baal kyon jhad jaata hai aur uske sthaan par naya baal kyon naheen ugata, iska kaaran abhi tak theek samajh mein naheen aaya hai. kuchh log to khopadi ke rogon ke kaaran ganje ho jaate hain.

kirnan dvaara bhi kuchh log bahudha asthaayi roop se ganje ho jaate hain. ant:sraavi granthiyon ke sraav ki kami, vanshaagat kaaranon tatha jeernan se bhi baal jhad jaate hain. apaushtik aahaar ke abhaav mein baal shushk aur dyutiheen (dull) hokar kuchh jhad sakte hain, par saamaanya ganjepan ka yeh kaaran naheen hai.

baal ka rang

varnakon ke kaaran baal kaala, bhoora, ya laal ho sakta hai. yeh varnak valkut ki koshikaaon mein nikshipt hota hai. baal kyon safed ho jaata hai, iska kaaran gyaat naheen hai. yeh sambhav hai ki umr ke badhne, rugnata, chinta, shok, aaghaat aur kuchh vitaaminon ki kami se aisa hota ho. doctoron ka mat hai baal ka safed hona vanshaagat hota hai.

baal pradhaanat: nimnalikhit chaar prakaar ke hote hain :

1. aadivaasiyon (Australia aur Bhaarat ke aadivaasi apavaad hain) aur habaashiyon ke baal chhote-chhote, kunchit aur ghuaingharaale hote hain. inhein ooni baalavaale bhi kehte hain. in baalon ke anuprasth parichhed deerghavrutteeya, ya vrukk ke aakaar ke hote hain. in baalon ka rang sada hi kaala syaah hota hai. aise baal do prakaar ke hote hain. melaaneeshiyaai aur adhikaansh habashiyon ke baal apekshaya lambe aur unke ghooainghar bade hote hain. kuchh aadivaasiyon aur habashiyon ke baal chhote aur unke ghooainghar chhote hote hain.

2. peet jaatiyon (cheeniyon, mangolon) aur Amreeki indiynon ke baal seedhe, lambe, akunchit aur rukhade, hote hain. inke baalon ke anuprasth parichhed golaakaar hote hain aur unke madhyaansh ya majja ka vibhed saralata se kiya ja sakta hai. in baalon ka rang bhi bina apavaad ke kaala hota hai.

3. yooropavaalon ke baal laharadaar, ghuaingharaale, chikne aur resham se mulaayam hote hain. baal ka anuprasth parichhed andaabh hota hai. inmein madhyaansh nalaakaar hota hai. inka rang kaala, bhoora, laal, athva san ke reshe sa hota hai. bhaarateeyon ke baalon ke rang bhi isi ke antargat aate hain.

4. kuchh logon ke baal ghuaingharaale, habashiyon ke baalon se milte julate hain inhein angreji mein friji (frizzy) baalavaale kehte hain. aise baal Australian, aadivaasi nyoobiyn aur mulaatto (mulatto) logon ke hote hain.

stri evam purush ke shareer par baalon ki sthiti

uttar yooropavaalon ke baalon ke rang halake hote hain aur dakshin yooropavaalon ke gaadhe. saadhaaranataya seedha baal adhik lamba hota hai aur oonavaala baal sabse kam lamba hota hai. laharadaar baalon ka sthaan madhyam hai. Australian aur taisamainiynon ke shareer par sabse adhik baal hote hain. peet jaatiyon ke shareer par sabse kam baal hote hain. kuchh peet jaati ke logon ki to daadhi kadaachit hi hoti hai.

baalon ki sundarata bahut kuchh vyakti ke svaasthya par nirbhar karti hai. shirovalk (scalp) ki svachhata rudhir parisanchaaran par nirbhar karti hai. yadi rudhir parisanchaaran mein koi baadha pahuainchati hai to baalon ko poshan naheen milta. isse baal kamzor aur aabhaaheen ho jaate hain. svasth rahan sahan, baahya kasarat, upayukt aahaar tatha maanasik sukhashaanti ka baalon ke saundarya aur svaasthya par vishesh prabhaav padta hai. shirovalk ko pratidin kam se kam ek baar thapathapaakar maalish karna achha hai. sir mein kandhi karne, ya burush se jhaadne se bhi sir ki maalish ho jaati hai. isse shirovalk mein rudhir parisanchaaran hone se baal mulaayam aur chamakadaar ho jaate hain.

baalon ka, visheshat: mahilaaon ke baalon ka, sajaana ek kala hai. kuchh jaatiyaaain is kala mein badi nipun hain. sab deshon ki mahilaaeain apne apne dhang se apne baalon ko sajaati hain.

inhein bhi dekhein

baahari kadiyaaain