avasaad

avasaad
vargeekaran evam baahya saadhan
Vincent Willem van Gogh 002.jpg
vinsent vaain gogh ki 1890 ki penting
aaiseedi-10 F32., F33.
aaiseedi-9 296
oemaaaiem 608516
dijeej-deebi 3589
medalaain plas 003213
imedisin med/532
M.iesaech D003865

avasaad ya dipreshan ka taatparya manovijnyaaan ke kshetr mein manobhaavon sambandhi dukh se hota hai. ise rog ya sindrom ki sanjnyaa di jaati hai. aayurvigyaan mein koi bhi vyakti dipresd ki avastha mein swayam ko laachaar aur niraash mahasoos karta hai. us vyakti-vishesh ke liye sukh, shaanti, safalta, khushi yahaaain tak ki sambandh tak bemaani ho jaate hain. use sarvatr niraasha, tanaav, ashaanti, aruchi prateet hoti hai.[1] avasaad ke bhautik kaaran bhi anek hote hain. inmein kuposhan, aanuvaanshikta, haarmon, mausam, tanaav, beemaari, nasha, apriya sthitiyon mein lambe samay tak rahana, peeth mein takaleef aadi pramukh hain. inke atirikt avasaad ke 90 pratishat rogiyon mein neend ki samasya hoti hai. manovishleshakon ke anusaar avasaad ke kai kaaran ho sakte hain. yeh moolat: kisi vyakti ki soch ki bunaavat ya uske mool vyaktitv par nirbhar karta hai. avasaad laailaaj rog naheen hai. iske peechhe jaivik, aanuvaanshik aur manosaamaajik kaaran hote hain. yahi naheen jaivaraasaayanik asantulan ke kaaran bhi avasaad gher sakta hai.[2] iski adhikta ke kaaran rogi aatmahatya tak kar sakte hain.[3] isliye parijanon ko sajag rahana chaahiye aur unke parivaar ka koi sadasya gumasum rahata hai, apna jyaadaatar samay akele mein bitaata hai, niraashaavaadi baatein karta hai to use turant kisi achhe manochikitsak ke paas le jaaen. use akele mein na rahane dein. hansaane ki koshish karein.[4]

manovishleshakon ke anusaar praakrutik taur par mahilaaen purushon ki apeksha avasaad ki shikaar kam banti hain, lekin avaanchhit dabaavon se vah iski shikaar ho sakti hain. is kaaran praay: maana jaata hai ki mahilaaon ko avasaad jaldi aa gherata hai. iske vipreet purush aksar apni avasaad ki avastha ko sveekaar karne se sankoch karte hain. mote anumaan ke anusaar das purushon mein ek jabki das mahilaaon mein har paanch ko avasaad ki aashanka rahati hai.[2]

avasaad ka sambandh mastishk ke unheen kshetron dvaara hota hai, jahaan se nidra chakr aur jaagaran ki avastha niyantrit hoti hai.

avasaad aksar dimaag ke nyoorotraansameetars ki kami ke kaaran bhi hota hai. nyoorotraansameetars dimaag mein paae jaane vaale rasaayan hote hain jo dimaag aur shareer ke vibhinn hisson mein taaratamyata sthaapit karte hain. inki kami se bhi shareer ki sanchaar vyavastha mein kami aati hai aur vyakti mein avasaad ke lakshan dikhaai dete hain. is tarah ka avasaad aanuvaanshik hota hai. avasaad ke kaaran nirnaya lene mein adchan, aalasya, saamaanya manoranjan ki cheejon mein aruchi, neend ki kami, chidchidaapan ya kuntha vyakti mein dikhaai padte hain. avasaad ke kaaranon mein iska ek poorak chinta (engjaayati) bhi hai.[5]

iske upachaar mein yogaasan mein praanaayaam bahut sahaayak siddh hua hai.[1] kai baar atirikt chidchidaapan, ahankaar, katuta ya aakraamakata athva naastikta, anaastha aur aparaadh athva ekaant ki pravrutti panapane lagti hai ya fir vyakti nashe ki or unmukh hone lagta hai. aise mein jaroori hai ki ham kisi manochikitsak se sampark karein. vyakti ko khushahaal vaataavaran dein. use akela na chhodein tatha chhindraanveshan katai na karein. usaki ruchiyon ko protsaahit kar, usamein aatmavishvaas jagaaeain aur kaaran[6] jaanane ka prayatn karein.[1] America ke kuchh vaigyaaniko ne gahan shodh ke baad yeh daava kiya hai ki yadi koi vyakti lagaataar sakaaraatmak soch ka abhyaas karta hai, to vah uske dipreshan ya avasaad ki sthiti ka ekamaatr ilaaj ho sakta hai. American ekedami of faimeli fijishiyn ka kehna hai ki logon ko nakaaraatmak naheen sochana chaahiye. na hi vifalta ke bhaya ko lekar chintit hote rahana chaahiye. inki bajaay hamesha sakaaraatmak soch dimaag mein rakhana chaahiye jo hoga achha hoga.[7] ghar mein anya sadasyon ko avasaad ki beemaari hone se bhi yeh pareshaani mahilaaon ko jaldi pakadti hai. kyonki ghar se lagaav purushon ke mukaabale unhein jyaada hota hai. iske chalte kabhi-kabhi unamein aatmahatya ki ichha jor maarane lagti hai. isliye purushon ke mukaabale mahilaaon ka avasaad jyaada khatarnaak hota hai. haalaanki mandi aur kaumpateeshan ke daur mein dipreshan ab yuvaaon ko bhi apna shikaar banaane laga hai isliye koshish yeh rakhani chaahiye ki aap khushnuma palon ki talaash karein aur sakaaraatmak soch rakhein.[2] isse bachane ke upaayon mein vyast rahakar mast rahana, apne liye samay nikaalna, santulit aahaar sevan, apne liye samay nikaalna aur saamaajik melajol badhaana mool upaaya hain.[8]

sandarbh

baahari kadiyaaain