aurt baadal

chitrakaar dvaara kalpit aurt baadal ka chitr - oopar baaeain ki aur kaaipar ghera dikhaaya gaya hai

aurt baadal ya aurt klaaud ek gole ke roop ka dhoomaketuon ka baadal hai jo soorya se lagbhag ek prakaash-varsh ke doori par hamaare saur mandal ko ghere hue hai. ismein arabon ki sankhya mein dhoomaketu hain. khagoleeya ikaai mein ek prakaash varsh lagbhag 50,000 kha॰ai॰ hota hai (1 kha॰ai॰ pruthvi se sooraj ki doori hai), yaani aurt baadal sooraj se pruthvi ke mukaabale mein pachaas hajaar guna adhik door hai. aurt baadal saur mandal ke sab se door-tareen kshetr hai. saur mandal ke kaaipar ghere aur bikhra chakr vaale kshetr - jo vaise bahut baahar ki or maane jaate hain - donon aurt baadal ke hajaar guna adhik sooraj ke paas hai. yeh baat dhyaan yogya hai ke vaigyaaniko ne aurt baadal ke astitv ke mil jaane ki bhavishyavaani to ki hai lekin iske astitv ka abhi koi pakka pramaan naheen mila hai. maanana hai ke aurt baadal hamaare saur mandal ki gurutvaakarshak seema par hai aur uske baad sooraj ka khichaav bahut kam rah jaata hai.

aurt baadal ke kshetr

vaigyaaniko ka maanana hai ke aurt baadal ke do bhinn kshetr hain -

  • gole ke akaar ka baahari aurt baadal - yeh ek poora gola hai jo poore saur mandal ko baahar se dhake hue hai
  • chakr ke akaar vaale bheetari aurt baadal - yeh ek chapata chakr hai jo saur mandal ke chakr ke baahar aur bahari aurt baadal ke andar hai

inhein bhi dekhein