atharvaved sanhita

atharvaved sanhita
Rigveda MS2097.jpg
vedon ki 19 vi shataabdi ki paandulipi
granth ka parimaan
shlok sankhya(lambaai)
6000 richaaeain
rachana kaal
7000 - 1500 isa poorv

atharvaved sanhita hindu dharm ke pavitratam aur sarvochch dharmagranth vedon mein se chauthe ved atharvaved ki sanhita arthaat mantr bhaag hai. ismein devataaon ki stuti ke saath jaadoo, chamatkaar, chikitsa, vigyaan aur darshan ke bhi mantr hain. atharvaved sanhita ke baare mein kaha gaya hai ki jis raaja ke rajya mein atharvaved jaanane wala vidvaan shaantisthaapan ke karm mein nirt rahata hai, vah raashtra upadravarahit hokar nirntar unnati karta jaata hai:

atharvaved ke rachiyta shri rishi atharv hain aur unke is ved ko pramaanikta svanm mahaadev Shiv ki hai, rishi atharv pichhle janm main ek asur harinya the aur unhonne pralaya kaal main jab brahma nidra main the to unke mukh se ved nikal rahe the to asur harinya ne bramh lok jaakar vedapaan kar liya tha, yeh dekhkar devataaon ne harinya ki hatya karne ki sochi| harinya ne darakar bhagavaan mahaadev ki sharan li, bhagavan mahaadev ne use agale agale janm main rishi atharv bankar ek nae ved likhne ka varadaan diya tha isi kaaran atharvaved ke rachiyta shri rishi atharv hue|

yasya raajnyao janapade atharva shaantipaarag:.
nivsatyapi tadraaraashtran vardhatenirupadravam.. (atharva0-1/32/3).

parichay

bhoogol, khagol, vanaspati vidya, asankhya jadi-bootiyaaain, aayurved, gambhir se gambhir rogon ka nidaan aur unki chikitsa, arthashaastr ke maulik siddhaant, raajaneeti ke guhya tattv, raashtrabhoomi tatha raashtrabhaasha ki mahima, shalyachikitsa, krumiyon se utpann hone vaale rogon ka vivechan, mrutyu ko door karne ke upaaya, prajanan-vigyaan adi saikadon lokopakaarak vishyon ka niroopan atharvaved mein hai. aayurved ki drushti se atharvaved ka mahatva atyant saraahaneeya hai. atharvaved mein shaanti-pushti tatha abhichaarik donon tarah ke anushthan varnit hain. atharvaved ko brahmaved bhi kehte hain.

charanavyooh granth ke anusaar atharvasanhita ki nau shaakhaaeain hain-

1. paipal, 2. daant, 3. pradaant, 4. snaat, 5. saul, 6. brahmadaabal, 7. shaunak, 8. devadarshat aur 9. charanavidya

vartamaan mein keval do- 1. pippalaad sanhita tatha 2. shaunak sanhita hi upalabdh hai. jismein se piplaad sanhita hi upalabdh ho paati hai. vaidikvidvaanon ke anusaar 759 sookt hi praapt hote hain. saamaanyat: atharvaved mein 6000 mantr hone ka milta hai parantu kisi-kisi mein 5987 ya 5977 mantr hi milte hain.

atharvaved ke vishay mein kuchh mukhya tathya nimnalikhit hai-
  • atharvaved ki bhaasha aur svaroop ke aadhaar par aisa maana jaata hai ki is ved ki rachana sabse baad mein hui.
  • ismein riagved aur saamaved se bhi mantr liye gaye hain.
  • jaadoo se sambandhit mantr-tantr, raakshas, pishaach, aadi bhayaanak shaktiyaaain atharvaved ke mahattvapoorn vishay hain.
  • ismein bhoot-pret, jaadoo-tone aadi ke mantr hain.
  • riagved ke uchch koti ke devataaon ko is ved mein gaun sthaan praapt hua hai.
  • dharm ke itihaas ki drushti se riagved aur atharvaved donon ka bada hi moolya hai.
  • atharvaved se spasht hai ki kaalaantar mein aaryon mein prakruti-pooja ki upeksha ho gayi thi aur pret-aatmaaon va tantr-mantr mein vishvaas kiya jaane laga tha.

inhein bhi dekhein

baahari kadiyaaain

hero