atal bihaari Vajpayee hindi vishvavidyaalaya

atal bihaari Vajpayee hindi vishvavidyaalaya

aadarsh vaakya: na hi jnyaaanen sadrushan pavitramihi vidyate
sthaapit 2011
prakaar: saarvajanik vishvavidyaalaya
maanyata/sambandhata: madhya pradesh sarkaar
kulaadhipti: pro॰ mohanalaal chheepa
avasthiti: Bhopal, madhya pradesh, Bhaarat
parisar: graameen
jaalaprushth: http://www.abvhv.org/


atal bi‍ahaari Vajpayee hi‍an‍aadi vi‍ash‍aavavi‍adyaalaya Bhopal mein sthit ek vishvavidyaalaya hai. 6 June 2013 mein Bhaarat ke tatkaaleen raashtrapati shri pranav mukharji ne iski ki aadhaarashi‍ala rakhi.[1] yeh vishvavidyaalaya takaneeki, chikitsa, kala aur vaanijya se jude vishyon ki shiksha pradaan karega.[2]

Madhya Pradesh aur bhaaratavaasiyon ke svabhaasha aur subhaasha ke maadhyam se gyaan ki paramparaagat aur aadhunik vidhaaon mein shikshan-prashikshan ki vyavastha aur hindi ko gauravapoorn sthaan dilaane ke liye madhya pradesh sarkaar dvaara iski sthaapana 19 December 2011 ko ki gayi.[3][4] Bhaarat ke poorv pradhaanamantri atal bihaari Vajpayee raashtrabhaasha hindi ke prabal pakshadhar the. iseeliye is vishvavidyaalaya ka naam unke naam par rakha gaya. Bhopal chooainki bhaaratavarsh ke kendra mein sthit hai at: is vishvavidyaalaya ko vahaaain sthaapit kiya gaya.

is vishvavidyaalaya ka pramukh uddeshya hindi bhaasha ko adhyaapan, prashikshan, gyaan ki vruddhi aur prasaar ke liye tatha vigyaan, saahitya, kala aur anya vidhaaon mein uchchastareeya gaveshana hetu shikshan ka maadhyam banaana hai. yeh vishvavidyaalaya madhya pradesh mein hindi maadhyam se gyaan ke sabhi anushaasanon mein adhyayan, adhyaapan evam shodh karaane wala pratham vishvavidyaalaya hai. yahaaain vidyaarthiyon ke liye prashikshan, pramaana‍-‍a‍apatr, patropaadhi, snaatak, snaatakottar, ema॰afil॰, peeecha॰adee॰, dee॰alit॰ va dee॰aesasee॰ jaise anek upaadhi kaaryakram prastaavit hain.

30 June 2012 ko pro॰ mohanalaal chheepa is vishvavidyaalaya ke sansthaapak kulapati niyukt kiye gaye. isse poorv ve maharshi dayaanand sarasvati vishvavidyaalaya, Ajmer ke kulapati the. Bhaarat ke raashtrapati Pranab mukharji ne 6 June 2013 ko Bhopal ke gram mugaaliya kot mein vishvavidyaalaya bhavan ka shilaanyaas kiya.[5] vishvavidyaalaya ka bhavan 50 ekad mein banega. August 2013 se vishvavidyaalaya ne shikshan kaarya praarambh bhi kar diya hai.[6]

anukram

uddeshya evam drushti

vishvavidyaalaya ka mukhya uddeshya hindi bhaasha ko adhyayan, prashikshan, gyaan ki vruddhi aur prasaar ke liye tatha vigyaan saahitya, kala va anya vidhaaon mein uchchastareeya gaveshana hetu shikshan ka maadhyam banaana hai. uparyukt uddeshya ki vyaapakata ko prabhaavit kiye bina vishvavidyaalaya ke nimnalikhit uddeshya honge:-

  • vigyaan, saahitya, sanskruti, kala, darshan aur anya vidhaaon ke adhyayan aur gaveshana ko pronnat karna, sankalit karna aur sanrakshit karna.
  • hindi bhaasha mein shiksha aur gyaan ko pronnat karna aur usaka prasaar karna aur is prayojan ke liye anya bhaashaaon se anuvaad karna, prakaashan, uddeshya aur :doorasth shiksha ka upayog, soochana praudyogiki aur rojagaarakaushal ka upayog sanchaalit karna.
  • hindi bhaasha ke gyaan ko pronnat karne ke liye abhibhaashanon, semeenaaron, parisanvaadon, adhiveshanon ka aayojan karna.
  • vibhinn vidhaaon mein shikshan tatha prashikshan ko pronnat karna, jaisa ki vishvavidyaalaya theek samajhe aur gaveshana kaarya kiye jaane ka intajaam karna.
  • sabhi dharmon aur mukhya praacheen sabhyataaon aur sanskrutiyon ke adhyayan tatha gaveshana kaarya ko protsaahit karna.
  • pareeksha sanchaalit karna aur maanad upaadhiyaaain aur anya vishishtiyaaain pradaan karna.
  • aise samast kaarya karna, jo vishvavidyaalaya ke samast ya kinheen uddeshyon ko praapt karne mein anushaangik, aavashyak ya sahaayak hon.

vishvavidyaalaya ka uddeshya aisi yuva peedhi ka nirmaan karna hai jo samagr vyaktitv vikaas ke saath rojagaar, kaushal va chaaritrik drushti se vishvastareeya ho. vishvavidyaalaya aisi shaikshik vyavastha ka srujan karna chaahata hai jo bhaarateeya gyaan parampara tatha aadhunik gyaan mein samanvaya karte hue chhaatron, shikshakon evam abhibhaavakon mein aisi soch viksit kar sake jo Bhaarat kendrit hokar sampoorn srushti ke kalyaan ko praathamikta de.

kaarya vidhi

  1. Bhaarat mein uchchashiksha ke kshetr mein sakal naamaankan anupaat 16 pratishat ke lagbhag hone ke kaaran is vishvavidyaalaya ka dhyeya uchch shiksha ka lokaantaran evam lok ka roopaantaran karna.
  2. vishvavidyaalaya mein nijta, ananyata, kushalata evam dhanyata jaise shikha sootron ki sthaapana karna.
  3. vidyaarthi ke samagr vikaas ki drushti se uchch shiksha mein panchakosheeya shiksha vyavastha ke praaroop ko viksit karna.
  4. aise paathyakramon ki rachana karna jo ki vidyaarthiyon ko svarojagaar evam moolya aadhaarit vyaavasaayikta ki or prerit kar sake.
  5. sabhi prakaar ke paathyakramon mein bhaarateeya yogadaan ko rekhaankit karna.
  6. vibhinn gyaan anushaasanon se sambandhit vibhinn bhaashaaon mein upalabdh shreshth paathyapustakon ka hindi bhaasha mein anuvaad evam maulik lekhan ko protsaahit karna.
  7. bhaarateeya gyaan parampara evam aadhunik gyaan mein samanvaya sthaapit karne ki drushti se vibhinn adhyayan kendron ki sthaapana karna.

sankalp

vishvavidyaalaya ne apne aapko ek aise Bhaarat raashtra ke liye samarpit kiya hain jo samay se pehle sochate hue poorn aatm-sammaan ke saath vishv ke raashtron ki biraadari mein apni bhoomika ka nirvaah kar sake. sambhaavanaaon ki talaash aur naveen sambhaavanaaon ke nirmaan ka bhaageerath prayatn karte hue apni kshamata se poora karne ka vishvaas hi usaka sambal hoga. iske atirikt ek aise shikshaatantr ki rachana bhi ki jaayegi jo janta-janaardan ki aavashyakataaon ke anukool takaneek ka nirmaan kare na ki aisi paddhati jo vishv ki mahaashaktiyon ke liye keval takaneeki-kuli hi taiyaar kare.

naamakaran

is vishvavidyaalaya ka naam Bhaarat ke poorv pradhaanamantri shri atal bihaari Vajpayee par rakha gaya hai. shri Vajpayee ek varishth raashtreeya raajaneta, utkrusht saansad, prakhar vidvaan tatha prabhaavashaali chintak hain. unhonne bahut si yaadagaar kavitaaen likhi hain. unki rachanaaon ne hindi bhaasha ko badhaava dene mein mahattvapoorn bhoomika nibhaai hai.[2] ullekhaneeya hai ki shri Vajpayee sanyukt raashtra mein pehli baar hindi mein bhaashan dekar antarraashtreeya star par hindi ko nai oonchaaiyon par sthaapit karne ke liye jaane jaate hain.

sandarbh

inhein bhi dekhein

baahari kadiyaaain